1. ليش يعاملونا كذا ؟؟؟ اترك الاجابه لكم


2. نصائح سريع ه :::::

اولا السلام عليكم ورحمة الله وبركاته
اكتب مشاركتي هذي عن لبنان ليس فقط لذكر الاماكن السياحية والجميله هناك لان الكلام فيها يعتبر موضوع مستهلك
لكن الاهم هنا هو كيف نستطيع ان نحقق اكبر قدر ممكن من الراحة والاستمتاع في لبنان بأقل التكاليف؟؟؟
ابغى اطرح عليكم فكرتي واللي عنده فكرة افضل يفيدنا فيها والموضوع يعتبر نقاش
اولا اذا رحت لبنان لازم تحط في بالك انك سائح ولست ماكينة صراف تعطي المال لكل من طرق بابك
خذ هذا الموقف :---
سكنت في فندق بالحمراء حجزت فيه غرفة عن طريق الانترنت في الصباح نروح للمطعم نفطر فطور يعتبر جيد طبعا الفطور مع سعر الغرفه فيه معنا اجانب من اوروبا يفطرون جنبنا القرسون ينزلنا المشروبات الساخنه
ويخدم الجميع طبعا اذا خدمنا قال (وشو بيطلع لي من احلى شباب)يعني يبغى بخشيش واذا خدم الاجانب تجد ابتسامته من القلب وعريضه جدا بدون اي شحده

ليش يعاملونا كذا ؟؟؟ اترك الاجابه لكم

ثانيا :- السياحه بالمفهوم العام لازم نطبقها اذا كنا فعلا رايحين سياحه ليش سباق الازياء اللي يصير بين العوائل الخليجيه شيئ يرفع الضغط انواع المكياج مع ان الجو رطوبه تقول رايحين حفل زفاف والذهب ملئ اليدين
والملابس كلها خلاقين الواحد او الوحده لابس عشرين قطعه على جسمه مدري من وين جايبها
الناس الفاهمه والاتكييت تلقاهم بلبس بسيط يسهل عليك عملية التنقل يكون كتان صيفي يدل عغلى الذوق
والا نظرات الخليجيين لبعضهم ياساتر تقول ذابح اخوه يناظر فيك زي اللي يقول بقلبه (برضك انت وراي وراي؟) ياربي لك الحمد

نصائح سريع ه :::::

1- استاجر سيارة من مكاتب في بيروت اقل تكلفه ويصل سعر السياره الصغيرة موديل 2004 من 4050دولار يوميا واصرفلك من التاكسي وسوقها بنفسك لاتاخذ سواق لانه بيغثك ومن يومين راح تحفظ بيروت اكثر من ديرتك وعب من البنزين العادي لان عندهم بنزيمين واحد عادي والثاني اوتوماتيك خ
2- لاتسكن في بيروت ابدا ابدا تكفى تراك تكره نفسك من غلاها ورطوبتها والجبل افضل لك اذا كنتم عائله وجونيا اذا كنتم شباب بس جونيا فيها الجو حلو واسعارها حلوة جدا بس عيبها ماتسمع صوت الاذان
وجوها صاخب وحريه زايده
3-اذا تبي اسعار مناسبه مطعم بربر بفروعه اللي بالحمراء والروشه اسعاره مناسبه ومطاعم الجبل وجونيا
اسال عن الاسعار قبل تطلب لان ماهو عيب ابدا تراهم يعتبرون اغبى شخص اللي يشتري الشيئ ومايسال عن قيمته
4- اذا تبي تسمع نصيحتي لاتطول في لبنان اكثر من 5 ايام 6 ليالي وبعدها روح لتركيا او قبرص عن طريق مكاتب تعطيك عروض مميزة في بيروت
5-اشتر الهدايا والملابس من محل بالحمراء اسمه الدورادو ومحل اي بي سي في ضبيه اسعارهم حلوة
6-تكفى لاتنسى تروح عاليه تراها قمة الراحه النفسيه والجو الممتع
اخيرا:-- لبنان جمال الطبيعه وسحر الاجواء لن نستطيع ان نعيشها الا اذا طبقنا السياحة بمفهومها وتذكر دائما ان البساطه عنوان جمال الروح (كن جميلا ترا الوجود جميلا)
dream