نشر في سالزبورغ

لازم أحجز الحين ممكن مساعده ضرورية

REAL-MADRID

11-08-2022 - 10:53 am

مرحبا خواني
كنا حاجين في فندق وغيرناه
ياليت من الخبراء الموجودين يدلوني على أحسن فندق في زيلامسي غير سي فيلا ؟؟
أو إذا فيه إمكانيه أحجز كوخ يكون أفضل بس كيف ووين ؟؟؟
ضروري جدا اليوم بالليل لازم الحجز ..
نسيت أذكر خط الرحلة
وياليت إذا فيه مقترحات أفضل تنصحوني فيها
ميونخ 3 أيام
سالزبورغ 3 أيام
زيلامسي 3 أيام
وبعدها الرجوع إلى ميونخ
ياليت أسمع نصايحكم بخط الرحلة مع أفضل الفنادق
في الانتظار خواني
مع الاعتبار أنه مستعجل

التعليقات (9)

ALI_Q8_77

11-08-2022 - 02:02 pm

حاضرين للمساعجلين افضل فندق بعد سي فيلا الكراند ... لكن اذا حابين فنادق بالسنتر فتفضلوا ....
فندق .fischerwirt وهو فندق 4 نجوم واغلب المكاتب السياحيه متعامله معه لكن موقعه في وسط
فندق هيتز مان 4 نجوم يقع وسط السنتر تحته الماكدونا لدز
فندق 4 نجوم zum-hirschen وهو يقع في وسط السنتر
فندق نيو بوست في وسط السنتر
وهاذا الفندف مجدد بالكامل وقريب من السنتر feinschmeck

ALI_Q8_77

11-08-2022 - 03:03 pm

اخوي الحبيب كم يوم الرحله لاني اشوف انكم مستعجلين بسرعه ياريت اتجاوب ؟ حتى اشوف مخططكم ؟ ثانيا تبي فنادق بالمانيا تفضل الافضل وبالسنتر
Mercure Hotel اربع نجوم قريب من الاسواق وشارع مارين بلاتز
Bayerischer Hof فى الستى السنتر قريب من المارين بلاتس
HOLIDAY INN MUNICH CITY CENTRE قريب من النهر و الاسواق
Le Meridien مقابل محطة القطار ويبعد عن معالم المدينه وشوارع التسوق مسافه قصيرة مشيا علي الاقدام

ALI_Q8_77

11-08-2022 - 04:04 pm

وهاذي قائمه اخرى بفنادق المانيا تفضل وتددلل
فندق الكمبنسكي 5 نجوم بشارع الماركات
Sofitel Munich Bayerpost الفندق مقابل لمرديان و 400م عن المحطة الرئيسية . فخم وحلو
Novotel München City بجانب هوليدي ان
couryard by marriot munich city الفندق قريب من المحطة الرئيسية ومن المارين بلاتز مكيف

REAL-MADRID

11-08-2022 - 05:05 pm

أشكرك جدا عزيزي علي
على استجابتك السريعة ..
المخطط كتبته فوق أخوي علي
أيام في ميونخ في فندق هيلتون بارك
وبعدها
أيام في سالبورغ في فندق مركيور
وبعدها
أيام في زيلامسي في فندق لاتيني
مادري شو رايك بالفنادق
أنا أبيهم في وسط طبيعة أو أرياف أو منطقة جبلية
يعني لا دوشة ناس ولا أسواق
أو إذا ممكن أحجز ف كوخ في الارياف النمساوية؟؟
عطني انطباعك عزيزي
وشكرا مره ثانيه على سرعة الرد

Guesss

11-08-2022 - 06:06 pm

ليه ماتروحون لفينا اول .. و تصير فينا ثلاث ايام سالزبرغ يومين كفاية زيلامسي اربع ايام و الباقي في ميونخ ..
الي يروح النمسا لا يفوت جو فينا ...
في زيلامسي انا سكنت بفندق لاتيني llatini بس بعيد شوي عن البحيرة بس حلو و فطورهم حلو .. و فيه باللوبي انترنت مجاني .. و مليان خليجيين .. و سعره مقبول .. بحدود 400 ريال

ALI_Q8_77

11-08-2022 - 07:07 pm

الفنادق جميعها شوي بعيده عن الاسواق وجيده ... انت اخترت الفنادق وحجزت خلاص صح ؟
ثانيا شنو حاب تعرف عن الاماكن هاذي وله عندك مخطط ؟

REAL-MADRID

11-08-2022 - 08:08 pm

لا أخوي علي أنا لين الحين ماحجزت بانتظار انطباعكم على مخطط الرحلة
وصارلي من الظهر أحاول أدور على أفضل الفنادق لأنه محد جاوبني على استفساراتي
مو لاقي والله لين الحين !!
زيلامسي قلنا نغير ونخليها سي فيلا بعد ما فرأت اتفاق الأغلبية من الأعضاء تقريبا على الفندق
بس سالزبرغ لين الحين دايخ مو عارف وين أحجز ؟؟
ومخطط الرحلة ككل ماعندك له إضافات أو تعديل ؟؟

ALI_Q8_77

11-08-2022 - 09:09 pm

شوف اخوي انا انصحك 4 ايام بميونخ تستاهل اكثر بعد .... وسالزبورغ افضل لو تزوره يوم كامل من زيلامسي الطريق تقريبا ساعه وربع ... اما بالنسبه للفندق بزيلامسي روعه سي فيلا بس شوف في حجز .... اعتقد ما تحصل ... شوف فندق
feinschmeck هاذا بالسنتر ومجدد بالكامل وكثير من العرب في ويمدحونه حاليا .... اما ميونخ الفندق حلو يمه حديقه حلوه
لكن شوف هاذا افضل Le Meridien

REAL-MADRID

11-08-2022 - 10:10 pm

يعني تنصحني اخوي اقضي اربع ايام في ميونخ
وبعدها زيلامسي؟؟
يعني تشوف سالزبورغ ما تستاهل أقعد فيها أيام ؟؟
مادري ينفع أبدلها بباريس ؟؟
وشو مقترحاتك بالنسبة لزيلامسي كم يوم يكفيها ووين اقضيهم ؟؟
اسمحلي ترى الرحلة طلعت فجة ومو مرتبيلها أبد
فياليت تفيدنا ولك جزيل الشكر

سالزبورغ المسافرون العرب

لازم أحجز الحين ممكن مساعده ضرورية