simo95
08-04-2022 - 01:14 am
السلام عليكم ورحمة الله وبركاته
اود ان اشكر كل اللي بالمنتدى فرد فرد,,
انا عندي استفسار ياليت اذا احد يقدر يساعدني انا مو عارف طريقة حساب الليالي بالفنادق ياليت واحد يقولي كيف؟؟
يعني انا الرحله يوم 5 يوليو الوصول 21:35 والعوده 18يوليو 19:30 ابغى واحد يرتب لي الحجز يعني يقول احجز في الفندق الفلاني من 7 الى 8 والثاني هل احجز من 8 ولا 9
انا ابعطيكم جدولي وقولوا لي من تاريخ كذا الى كذا في الفندق الفلاني ومن كذا لكذا الفندق الفلاني وياليت تعطوني روابط الحجز لكل فندق من اللي اطلبها وافضل موقع حجز (ودي يخصم ع طول وبالضرائب وكل شيء ودي انتهي بدري)
الجدول :
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
يومين أيام بينانج ... فندق البارك رويال
خمسة أيام كوالالمبور ... فندق الرويال شولان
يوم بورت ديكسون
واسف ع الاطاله بس وربي بلشان بعمري لاتخلوني
وعليكم السلام ورحمة الله وبركاته
حياك الله أخي الكريم
أولا موعد وصولك لكوالالمبور الساعة 9.35 مساءا يعني هذا اليوم محسوب من ضمن الفنادق نجي للتقسيم كالتالي:
2 سيلانجور (5 يوليو - 7) بيراميد
3 لنكاوي (7 - 10) بلانجي بيتش
2 بينانغ (10 - 12) بارك رويال
5 كوالالمبور (12 - 17) رويال شولان
1 بورت ديكسون (17 - 18) ليجند هومز
بالنسبة لرحلة العودة راح تكون الساعة 7.30 مساءا بينما الخروج من منتجع الليجند هومز الساعة 12 ظهرا وطبعا لازم تكون في المطار قبل الرحلة ب 3 ساعات يعني 4.30 عصرا وانت في المطار وتقريبا من ليجند هومز للمطار من 30 - 45 دقيقة يعني تحرك من المنتجع الساعة 3.45 عصرا زبدة الكلام عندك 3 ساعات تقريبا بعد ماتخرج من الفندق وهنا عندك حلين...1. تكلم الفندق وتمدد 3 ساعات وراح ياخذون عليك بالساعة بس مدري بالضبط كم المبلغ.
2. تاخذ عفشك وتستأجر تاكسي مدة هالساعت المتبقية لموعد الرحلة وتقوله يوديك التاون ويمشيك فيها وقوله بعد يوديك شاطئ اسمه بلو لاقون يبعد 20 كم فقط عن ليجند هومز هذا الشاطئ فيه ألعاب بحرية لو حبيت جت سكاي وبنانا إلخ.
كمان بودي إنك تزور الرابط التالي وتحاول تزور المحل اللي في الوصف في بورت ديكسون
بالنسبة لمواقع الحجز وموقعي المفضل اللي يعطيك أسعار شاملة ضرائب وكل شي وأسعاره (غالبا) ماتكون ممتازة هو آسيا رومز (إنجليزي مافيه عربي) على الرابط التالي...
http://www.asiarooms.com/
بالتوفيق