1. وكل رحلات السعودية والماليزية اللي من جدة تصل الساعة 1 بعد الظهر

الأخ مدري علامي
مافيك إلا العافية
شوف حبيبي مدتك للأسف قليلة جداً 10 أيام ما تكفي ياليت تزودها على الأقل لو ليلتين
على العموم برنامجك جيد لكن عيبه أن 7 أيام من أصل 10 هي في مدينة واحدة اللي هي كوالا العاصمة
لأن سلانقور تعتبر لصيقة كوالالمبور مثل بعض مافيه بينهم فرق
لذا أقترح عليك تضيف لنكاوي لبرنامجك لأنه من غير المنطق أن تسافر لماليزيا دون أن تزور لنكاوي
بقترح عليك برنامجين وأنت اتختر اللي يناسبك :
البرنامج الأول:
2 سلانقور - 3 لنكاوي - 2 بينانج - 3 كوالا
البرنامج الثاني :
2 سلانقور - 3 لنكاوي - 2 بوردت ديكسون - 3 كوالا
بالنسبة لأسئلتك الأخرى:
بالنسبة للخطوط اختر الخطوط الأرخص والمباشرة ويفضل تراعي توقيت الوصول يكون بعد الظهر أفضل

وكل رحلات السعودية والماليزية اللي من جدة تصل الساعة 1 بعد الظهر

إمكانية زيادة المدة نعم ممكنة لكن يحسبون لك بسعر الفندق وليس بسعر النت وغالباً يكون أغلى بحدود 15 إلى 20%
أما تقليص المدة فيعتمد على نوعية الحجز إذا كان عرض مخفض غير مسترد فالتخفيض غير مقبول ولابد تدفع كامل الفترة وإذا حجز عادي تقدر تخفض المدة فأهم شيء تطالع شروط التعديل والإلغاء لأنها تختلف من فندق لفندق وحسب الشروط
التكاسي في ماليزيا أكثر من الهم على القلب في كل مكان بس ترمش تلقى بجنبك 10 تكاسي فلا تحمل هم للتكاسي ويوجد في المنتدى قائمة بتلفونات السائقين المجربين واللي يتكلمون عربي اطبعها وخذها معك
الطيران الداخلي الأفضل تحجز من الانترنت وكل ماحجزت بدري حصلت على سعر أرخص لكن إذا ماتقدر تحجز من الإنترنت نعم تقدر تحجز لما توصل هناك والرحلات الداخلية متوفرة بكثرة لايوجد مشاكل في الرحلات فيه أكثر من 3 شركات
الدفع في الفندق كله مقبول سواء كاش أو بالفيزا
الانترنت متوفر مجانا في الغرف من خلال الكيبل وإذا تبغى وايرلس تدفع تشتري بطاقة من الإستقبال لكن الكيبل يكفي وسرعته ممتازة
لنكاوي جزيرة هادئة تمتاز بهدوئها ورومانسيتها وبحرها الجميل وأمطارها لكن لايوجد فيها حركة بالليل أبدا لذا هي تناسب العرسان والباحثين عن الهدوء والريلاكسيشن
بينانج تعتبر مدينة فيها حركة دائمة بالليل والنهار وفيها مناشط سياحية على الشواطيء وألعاب وهيصة وأكبر من لنكاوي
اتمنى أكون أفدتك ببعض المعلومات مع تمنياتي لك برحلة موفقة إن شاء الله

1. يعني الافضل اكون ملتزم بالبرنامج حقي؟


2. ممتاز

اخوي المغادرون 2007
يوم كتبت موضوعي كنت اتمنى انك تكون من الي يردون على موضوعي صراحة والحمد لله
شوف حبيبي مدتك للأسف قليلة جداً 10 أيام ما تكفي ياليت تزودها على الأقل لو ليلتين
تم
لذا أقترح عليك تضيف لنكاوي لبرنامجك لأنه من غير المنطق أن تسافر لماليزيا دون أن تزور لنكاوي
راح اضيفها ان شالله
بقترح عليك برنامجين وأنت اتختر اللي يناسبك :
البرنامج الأول:
2 سلانقور - 3 لنكاوي - 2 بينانج - 3 كوالا
هذا البرنامج اعتقد يناسبني , بس في رايك اول يوم اجي فيه اسكن سلانجور على طول؟
بالنسبة للخطوط اختر الخطوط الأرخص والمباشرة ويفضل تراعي توقيت الوصول يكون بعد الظهر أفضل
وكل رحلات السعودية والماليزية اللي من جدة تصل الساعة 1 بعد الظهر
والي من الرياض نفس الشي السعودية؟
إمكانية زيادة المدة نعم ممكنة لكن يحسبون لك بسعر الفندق وليس بسعر النت وغالباً يكون أغلى بحدود 15 إلى 20%

يعني الافضل اكون ملتزم بالبرنامج حقي؟

أما تقليص المدة فيعتمد على نوعية الحجز إذا كان عرض مخفض غير مسترد فالتخفيض غير مقبول ولابد تدفع كامل الفترة وإذا حجز عادي تقدر تخفض المدة فأهم شيء تطالع شروط التعديل والإلغاء لأنها تختلف من فندق لفندق وحسب الشروط
ممتاز
التكاسي في ماليزيا أكثر من الهم على القلب في كل مكان بس ترمش تلقى بجنبك 10 تكاسي فلا تحمل هم للتكاسي ويوجد في المنتدى قائمة بتلفونات السائقين المجربين واللي يتكلمون عربي اطبعها وخذها معك

ممتاز

الطيران الداخلي الأفضل تحجز من الانترنت وكل ماحجزت بدري حصلت على سعر أرخص لكن إذا ماتقدر تحجز من الإنترنت نعم تقدر تحجز لما توصل هناك والرحلات الداخلية متوفرة بكثرة لايوجد مشاكل في الرحلات فيه أكثر من 3 شركات
بامكاني احجز قبل الرحله بيوم من هناك
الدفع في الفندق كله مقبول سواء كاش أو بالفيزا
هل يوجد محلات صرف عملات والا دايركت منالصراف اقدر اصرف بالرنجت الماليزي
الانترنت متوفر مجانا في الغرف من خلال الكيبل وإذا تبغى وايرلس تدفع تشتري بطاقة من الإستقبال لكن الكيبل يكفي وسرعته ممتازة
ممتاز
لنكاوي جزيرة هادئة تمتاز بهدوئها ورومانسيتها وبحرها الجميل وأمطارها لكن لايوجد فيها حركة بالليل أبدا لذا هي تناسب العرسان والباحثين عن الهدوء والريلاكسيشن
راح اضيفها ان شالله
بينانج تعتبر مدينة فيها حركة دائمة بالليل والنهار وفيها مناشط سياحية على الشواطيء وألعاب وهيصة وأكبر من لنكاوي
يومين تكفي لها ان شالله
اتمنى أكون أفدتك ببعض المعلومات مع تمنياتي لك برحلة موفقة إن شاء الله
مشكور اخوي ماقصرت واتمنى ماكون اثقلت عليك

تسلم ياغالي واتشرف بخدمتك وأمثالك من الطيبين
بالنسبة للمسافرين من الرياض نعم طائرتهم تصل الساعة 1 بعد الظهر
لكن من الرياض لايوجد إلا السعودية أما الماليزية فمن جدة والدمام فقط
بالنسبة للصراف يطلع لك رنقات على طول يسمح لك ب 1500 رنقت لحد أقصى في اليوم

1. الميزانيه بتكون 6000 فنادق و6000 اعاشه وسياحه


2. اخوي المغادرون اهو اخبر مني ولا عندي فكره


3. هل بامكاني الحصول على السائقين في ماليزيا او لازم انسق قبل؟


4. الطيران الداخلي برضوا هل بالامكان الحجز من هناك (كيف) او لازم قبل؟

حياك الله وتروح وتجي بالسلامه يارب
وهذي بعض ارائي ولا ازيد عن اخوي المغادرون(( لان العين ماتعلى على الحاجب))
المدة المقترحة 12 يوم شاملة السفر

• افضل توزيع ايام لك بيكون

2ليله سيلابجور-الصن واي
3لنكاوي-الوستن
2بينانج-بارك رويال
4 كولا -فندقين ليلتين التريدرز وليلتين بيكولو اكزاكتيف
الميزانية بحدود 10 الاف بخلاف تذاكر الذهاب والعودة

الميزانيه بتكون 6000 فنادق و6000 اعاشه وسياحه

هل تنصحوني بالخطوط السعودية دايركت والا ترانزيت جدة او الطيران القطري والاماراتي؟
انا انصحك بالارخص واذا فيه ترانزيد شي بسيط مثل يكون ساعتين او ساعه ونص مثل خطوط دول الخليج الاتحاد او القطريه او الخليجيه والاهم من هذا وذاك(( اختيار المقعد لاني انا جربت اول ساعتين والله تعب واحراجات مع الخلف والامام)) احجز من الحين ويكون المقعد عند باب الطوارئ قدامك مساحه ولا فيه مضايقات
كم لازم اطير من الرياض من اجل الوصل بدري لكوالا يعني 12 ظهراً؟
اغلب الطائرات توصل من 11 الى 1 في النهار احسب فارق الوقت بيكون خمس ساعات زائد المسافه ثمان ساعات
البعض نصحني بعدم الذهاب لاكثر من مدينتين بحجة عدم ضياع الوقت بروحات المطار؟
انا اخلاف الرائ بالعكس لنكاوي منطقه رمانسيه وامطار لانك ماراح تلاقي امطار الى في لنكاوي وهدؤ وشي من الخيال وبينانج منطقه سياحية ميه بالميه حيث الانشطه على البحار والمطاعم والشوي على البحر وكذلك مجمع الفنادق وبقربه السوق الليلي وبالنسبه لمضيعو الوقت ((انت رايح سياحه يعني مو عمل او شي يعني بتنبسط في الانتظار والتنقل وكذلك شرب الكفي والتسوق بالمطارات
هل اذا حجزت في احد الفنادق عن طريق النت بامكاني زيادة المدة اثناء وجودي بالفندق؟

اخوي المغادرون اهو اخبر مني ولا عندي فكره

هل بامكاني الحصول على السائقين في ماليزيا او لازم انسق قبل؟

اهم شي خذ رقم او رقمين من الموقع واذا رحت هناك كل واحد بيعطيك كذا رقم في كل منطقه واذا صار مشغول يعطيك رقم واحد ثاني ((واذا ماودك تاخذ رقم من هنا صدقني التكاسي اخر شي فكر فيه بكثره ماتتوقعهم الاهم لنكاوي خله معط طول الجوله لان المغرب الكل نايم))

الطيران الداخلي برضوا هل بالامكان الحجز من هناك (كيف) او لازم قبل؟

اذا عند خبره بالحجوزات ولغتك كويسه احسم لك تحجز من النت وتختار المقعد بزياده ممكن 5 رنقت تقريبا وكل ما حجزت بدري يكون ارخص
واذا تبي تحجز اذا وصلت اوكيه برضوه سهل وتحجز على كل الرحلات وتقص التذاكر بس فيه ملاحظه اعرف كم وزن عفشك قبل لا تحجز لانهم يعطونك عشره كيلو فقط وكل كليلو بمبلغ اما اذا قلتلهم معي عفش وزنه كذا قبل الحجز بيعطونك زياده شي بسيط على الكيلوات
مثال(نقول شنطتك وزنها 27 كيلو هم بيسمحون لك 10 كيلو والزياده 17 وانت مابلغتهم من اول كل كيلو زياده بيحبونه عليك 5 رنقت تقريبا)) واذا بلغتهم ان معك 27 عشره مسموح به و17 بيعطونك تذكره زيادة عفش 20 كيلو وهذ قيمتها 40 رنقت تقريبا
الدفع في الفندق كاش والا فيزا؟
اخوي المغادرون افادك
الانترنت واي فاس مجاني والا بفلوس ؟
اغلب الفنادق مجانا وتوجد فيه سلك كيبل وكذلك واير لس((لا تشيل هم)) وكذلك ماراح تتفرغ له
ايهم افضل بينانج والا لنكاوي وكم تبعد كلاهما عن كوالا؟
مثل ما اشرت سابقا لنكاوي هدوء ورمنسيه واجواء حلوه وبينانج انشطه على البحر ومسيقات عاليه وسوق ليلي
والمسافه اكيد بالطائره لنكاوي عن كولا 50 دقيقه وبينانج 30 دقيقه كولا
وتقبل تحياتي واي استفسارات احنا حاضرين

مشكور اخوي قاصد ماقصرت
عندي بس استفسار
انا خايف ارتب حجوزاتي بس خايف من الخطوط السعودية لاتاخر والا تكنسل وتخرب جدولي
مدري وش رايك في هالنقطة؟
نقطة اخرى
الحجز من سن واي لاجون بالطيران الداخلي ال بينانج او لانكاوي عن طريقالمطار الدولي او مطار سلطان
اخر شئ
شرايكم في موقع hotels.com للحجوزات الفنادق

لا كنسلة ما يكنسلون لكن ممكن تأخير أو ساعة أو شيء زي كذا وهذا مايؤثر عليك
للعلم السعودية أداؤها في الرحلات الدولية أفضل من الرحلا الداخلية المشاكل عندهم أكثر في الداخلية
علشان تسافر من كوالا إلى لنكاوي أو بينانج عن طريق الطيران الداخلي يلزمك حجز طيران داخلي على
أي شركة داخلية والأغلبية يحجزون على طيرا إيرأسيا والحجز عبر موقعهم على الإنترنت
http://www.airasia.com
وطائرات إيرأسيا تطير من المطار المحلي lcct وليس من المطار الدولي وهو بجنب الدولي بينهم حوالي 15 دقيقة فقط

عطني موعد سفرتك وانا بشيكلك عى السعار واعطيك الي يناسبك

qassed
مشكور اخوي ماتقصر والله
موعد سفرتي من مارس 28 الى ابريل 11
الخطة كالتالي
سلانجور(2)-بينانج(3)-لانكاوي(3)-كوالا(5)