ياهلا ومرحبا اخوي أبشر ان شاء الله محد يردك والجميع ان شاء الله يساعدونك ماراح يقصرون معاك
بالنسبه للرحله من جنيف الى دزني لاند
اذا كنت بالسياره حط بالنفيغيشن Disneyland Resort Paris, centre
والطريق هاي وي حلو
والمسافه 5 ساعات ( 550 كيلو )
واذا بقطار
تبديل قطار واحد
الوقت بين 4 ساعات و8 دقايق الى 4 ساعات و 10 دقايق
وخذ وقت الرحلات لاتاخذ غيرها شوف شنو يناسبك منها
الساعه 9:41 ، 13:41 ، 14:41 ، 19:41
اسم محطه القطار في جنيف GENEVA CORNAVIN
اسم محطه القطار في دزني Disneyland Resort (Marne-la-Vallée/Chessy)
بخصوص الفنادق الي تعطي تذاكر حق دزني لاند
فهي فقط فنادق داخل او التابعين حق دزني بس فنادقها غاليه
وهي على الرابط با الاسفل
https://book.disneylandparis.com/HotelSearchState.aspx
اما الفنادق الاخرى لاتعطي تذاكر
بخصوص الرلحه من دزني لاند الى باريس
توجد رحله واحده يوميا دايركت على اليورو ستار
ولها وقتين
ايام يتحرك القطار الساعه 16:54 ( يعني الساعه 4:54 دقيقه مساء )
ومدته 3 ساعات بالضبط
ومرات يتحرك القطار 18:02 ( يعني الساعه 6 و دقيقتين مساء)
اسم محطه قطار دزني Disneyland Resort (Marne-la-Vallée/Chessy)
ومحطه قطار الوصول في لندن London St Pancras Int'l
بالنسبه للرحله من جنيف الى دزني لاند فيها تبديل قطار يعني لو عندك سياره وعندك اغراض وايد الافضل تروح بسيارتك
اما من دزني الى لندن يفضل على قطار اليورو ستار
واي استفسار انا حاضر
بالتوفيق اخوي

ما قصر اخينا
اي رحله الي ديزني لا تكون ويكند لان الحجوزات فيها ضغط عليها
مو مشكله التذاكر تقدر تشتريها من النت او الفندق اللي انت بتروح له ولو تراسلهم يبيلغ الفندق بتوفر التذاكر وسعرها اقل من بوابه ديزني

الله يسعدكم و يعلي مراتبكم اخ قطري و اخ فيصل
قبل باريس أنا رحلتي ان شاءالله ع جنيف و منها ان شاءالله استأجر سيارة و ع اقرب و اجمل مدينه في الريف بس محتار وين
ايفواغ ولا شامونيه ولا انسي ولا إيفيان و لا ديفون ؟؟؟؟؟؟؟؟ ودي اسكن في وحده منها بإذن الله وتكون نقطة انطلاق للمدن الثانية
او أقسمها ليلتين في مكان و ليلتين في مكان مع أني افضل أكون 4 ليالي في مكان اروح و ارجع
بالمختصر وين وش أجملها و اللي تكون في المنتصف
أنا شخصيا قريت عن ايفواغ بس متردد وابي شوركم
شكرًا مقدما

ديفون ممكن تسكن فيها

تفاصيل اكثر ، م استغني ؟؟؟!

تقسيم المسافة احسن اقتراح وهوا مدينة ديجون زي ماقترح فيصل
وقبل ديجون تحط على النيفجيشن اسم وحده من القريتين اللي تستاهل تزورهم على السريع وتاخد صور.
Lods
أو
baumes les messieurs
اختار وحده بس بالطريق من جنيف لديجون.
أذا ماتحب المرتفعات لا تختار الثانيه واذا اخترت التانيه لازم تنل تحت للقرية بالسيارة
واذا اخترت lods
يمكن اضيفلك مكان تاني بس بطلعك شوي عن الطريق بس حلو المكان للصور
Sources de la Loue
وهو عباره عن منبع نهر La loue

شكرًا اخ أنس
يعني قصدك السكن يكون في ديجون زي ؟؟؟ المميزات و المسافات و الاقتراحات لو تكرمت

ديجون = ديفون ؟؟؟
أسف تري الان فهمت
يعني م تنصحون بالسكن في ايفواغ ؟ لأَنِّي ابي فندق ع البحيرة و حصلت فيها و اللي فهمته ان ديفوار في الوسط لكل الريف