اخوي الميزانيه كم ؟ وعدد الايام ؟

الميزانية وعدد الايام وعدد الافراد وتاريخ السفرة بظبط اذا ممكن وهل سبق السفر من قبل ولا لا
ومتطلباتك بسفره وهل في مقترحات عندك
وبعد مااتجاوب على كل الاساله
اكيد راح انساعدك

اولا شاكر ومقدر تجاوبكم السريع
الميزانيه 10000 لكل شخص يعني المجموع 20000
عدد الافراد 2شباب
عدد الايام 14 الى 20 يوم
تاريخ السفر النيه ان شاء الله في شهر 8
الى الان ما حجزت
لم يسبق لي السفر
لغتي الانجليزيه مش ولا بد
ابغى طبيعه وامطار
ماادري تنصحوني اروح لمكتب سياحي واحجز عن طريقه
وشكرا مره ثانيه

ترافاتوني
أندنوسيا / أبن السعوديه منزل تقرير أطلع عليه

مرحبا اخوي
وشاكرين لك تعاونك والرد على الاساله بنسبة لي اشوف ميزانيتكم حلوة
ممكن اقترحلك اتروح اسبانيا او تركيا لانهم ارخص من الدول الاوربية الثانية وراح تستمتعون اكيد وخصوصن انكم راح اتشاركون بلغرفة وبدفع المواصلات والاكل وهشي بوفر عليكم شغلات وايد
وممكن اتروحون عن طريق القروبات يعني اتشوفون لكم قروب سياحي وتختارو اي دولة تبون اتروحون لها وبكلفكم نفس ميزانيتكم تقريبا
وممكن انصحك اتروح شرق اسيا واذا بتروحون شرق اسيا انصحكم بماليزيا لانها افضل دولة فيهم وراح تستمتعون اهناك واسعارهم جدا مناسبة لكم ويمكن حتى ترجعون وباقيلكم قرشين بعد
وانا اقترح انك اتروح للبوابات واتشوف التقارير ولمى اتحدد قولنا علشان ننصحك بحسن الخطوط واحسن الفنادق اهناك
بس حاول تستعجل لان الحجوزات مليانه وخاصه في الرجعه صعب اتحصل رجعه قبل رمضان لهشي حاول تستعجل

طيب يا اخوان تنصحوني اروح لمكتب سياحي وياليت اسم المكتب

يا شباب قررت اروح ماليزيا ان شاء الله
من غير مكتب سياحي لان الفرق بيطلع من 3000- 4000
المطلوب فضلا لا امرا:
1-جدول المدن مع الفنادق مدة14 يوم
2-الخطوط الدوليه الناقله
3-حجز الفنادق كيف
4- وش اشيل معي
5- الفلوس اصرفها كاش وباي عمله
حاجه ناسيها ذكروني بها
والله يعطيكم العافيه

مرحبا عزيزي
بنسبة للجدول فعدنكم اهم المدن هي سلانجور و كوالالمبور ولانكاوي وبينغ
ممكن اتروح ليلتين سلانجور وتحجز في فندق البريمت
وبعدها اتروح كوالالمبور 4 ليالي وتحجز يا في الماريوت او الملنيوم او الرتز كارلتون او الفورسيزنت او الشنغريلا وكلهم فنادق 5 نجوم وعلى شارع العرب وانا مجرب منهم ثلاثه وكلهم على مستوا واسعارهم حلوة
وبعدها اتروح على لانكاوي وتقعد فيها ليلتين او ثلاث ليالي وتحجز في لانكاوي لاقون وانا مجربه وهو وايد حلوة
وبعدها لو حابب اتروح بينغ فمومشكلة روح لها واقعد فيها ليلتين او ثلاثه واحجز في فندق شنغريلا او الهوليدي ان
وبعدها ارجع كوالالمبور واقعد فيها 4 ليالي او 3 ليالي واحجز بحد من الفنادق الي ذكرتهم او
ممكن اتروح للجبل ريجنت وفيه فندق ومدينة العاب وتقعد اهناك ليله وبعدها ترجع على كوالالمبور لان الجبل يبعد ساعه من اهناك والجو فيه حلو وبارد
تقريبا المدة بتكون مابين 14 يوم الى 17 يوم واذا تبيها اسبوعين بظبط راح انقلل او نلغي وحده من الفنادق
انصحك اتروح بلخطوط القطرية او الاماراتية او الاتحاد واذا مافي ممكن اتجرب السنغافورية او الماليزية او التايلندية وكلهم ضمن احسن 10 شركات بلعالم في اخر استفتاء وتقيم
وانصحك اتشوف اهم شي مدة الترانزيت علشان ماتتعبون واتشوف الاسعار ولو صار الترانيزت فوق الست ساعات تقدر اطالب الشركة تحجزلك فندق على حساب الشركة لان من حقق وهاي قانون دولي
واي استفسار انا بلخدمة