1. اسواق بانكوك:


2. 5- عندي عداوة مع الأكل الآسيوي والأكلات البحرية.


3. 6- مواقيت الصلاة؟


4. 8- متى أبدا حجوازت .

1- مدة الرحلة راح تكون أسبوعين مقسمة على بانكوك وبوكيت وشنغماي.

• اسبوعين اقترح التوزيع التالي:

7 ايام بوكيت
3 ايام شانقماي
4 ايام بانكوك
2- شنو أحسن الأماكن اللي يفضل زيارتها في كلا الجزر؟
رحلات بوكيت لاتقوتونها :

• فانتزي شو
• بي بي ايلاند
• جيمس بوند ايلاند
• ايلاند سفاري
• بوكيت زوو
• رحلة لشواطئ بوكيت والفيو بوينت + حلبة سيارات الكارتينق + مصنع الكاجو والعسل

رحلات شانقماي:

• مخيم الفيلة
• مزرعة النمور
• نايت سفاري
• اعلى قمة في تايلند والشلالات

رحلات بانكوك:

• ملاهي دريم ورلد
• ملاهي سيام بارك
• سفاري ورلد
• سيام اوشن ورلد (بمجمع سيام باراقون)

التسوق في بوكيت:

• مجمع الجونسيلون
• مجمع سنترال فيستيفال
• منطقة الباتونق بيتش مساء سواء الشارع الخلفي او البيتش رود

اسواق شانقماي:

• النايت بازار
• مجمع ايربورت بلازا
• مجمع سنترال

اسواق بانكوك:

• مجمع mbk
• مجمع البلاتينيوم فيشن مول
• مجمع تريمينال 21
• مجمع ذي مول (بمنطقة بانكابي)
• بات بونق نايت بازار (سوق ليلي )
• سيام بارادايز نايت بازار (سوق ليلي )
• منطقة العرب ليلا ،،

3- شنو طبيعة الجو في بانكوك في شهر 9

• جو حلو بين مشمس وغائم وممطر (هذا جو تايلند طول السنة ولا وجود للشتاء فيه )

4- البات جم يعني بالدينار البحريني؟
0بات = 12.500 دينار بحريني تقريبا ( سعر البات غير ثابت يوم فوق ويوم تحت )

5- عندي عداوة مع الأكل الآسيوي والأكلات البحرية.

• عادي بكل منطقة موجود مطاعم عربية وعالمية وفاست فود ،، المطاعم العالمية والفاست فود قبل لا تطلبون كلموهم انكم تبون اكل حلال للمسلمين وراح يوضحون لكم الوجبات اللي تصلح لكم اهم شي ابتعدو عن الخنزير اللي اسمه هناك ( بورك ، هام )

6- مواقيت الصلاة؟

• هناك عدة مواقع تعطيكم مواقيت الصلاة في تايلند تقدرون تسوونها باي وقت قبل السفرة تدخلون التواريخ وراح يعطونك المواقيت لمدة تصل الى شهر ونسخوا الجدول وودوه في الورد وسوو له برنت ومنها هذا الموقع : http://prayer.naseej.com

7- كم تكلف الرحلة اذا مع وكالة سفريات أو بدون وشنو أضمن؟

• مكاتب السفريات راح ينفضون جيوبكم ! احنا مستعدين نعمل لكم برنامج سياحي متكامل للرحلة مجاناً والمقابل فقط دعواتكم لنا بالتوفيق ،،

تكلفة رحلة شهر عسل 14 يوم يعتمد عليكم تبون رحلة اقتصادية او 5 نجوم وهذا يفرق بالسعر ،،
السفرة الاقتصادية شاملة تذاكر دولية وداخلية + سكن (4 و 3 نجوم ) + رحلات سياحية + أكل + سوق خفيف = 2000 دينار بحريني ( يصير اقل لكن هذي اضمن لكم احلى وناسة ومتعة بهذا المبلغ )
السفرة 5 نجوم شاملة كل شي مذكور اعلاه = 3000 دينار فما فوق ،، ( تشمل فنادق 5 نجوم راقية وخدمات اخرى افضل )

8- متى أبدا حجوازت .

• يعتمد عليكم اذا متاكدين من الرحلة ومن اجازاتكم اي وقت تحجزون لكن انا اعتقد تصبرون لان شهر 9 قبلها في عروض لشركات الطيران واسعار جيدة يعني شهر 8 زين تخلصون حجوزات ،، لكن اذا حصلتوا اوفر تذاكر قبل شهر 8 وبيعر زين لا تترددون في الحجز .

9- هل هناك شواطي خاصة ( برايفت بيج ) ؟ وكيف أحجز لها

• صعب وجودها اغلبها تكون تابعة لفنادق ومنتجعات 5 نجوم والاسعار عالية الليلة تفوق 60 دينار بحريني.

10- شنو لغة التواصل في تايلند

• جم كلمة انجليزي مع لغة الاشارة تكفي ،، شعب سهل التعامل معاه واساسا انجليزيتهم نوعا ما ضعيفة ،، وفي السوق التفاوض والمكاسر بالاسعار باستخدام الالة الحاسبة الموجودة عند كل بائع.

11- اذا صار خاطري أسبح في البحر شاسوي

• عادي روحوا البحر هناك شواطئ هادئة كثيرة في بوكيت وبالاضافة الى رحلة بي بي وجيمس بوند تشتمل على عدة وقفات للسباحة في البحر والتوقف عند بعض الشواطئ الجميلة للسباحة والاسترخاء.

12- خاطري أروح هونغ كونغ حق ديزي لاند . ينفع .؟؟؟

• تقدرين تطلعين لها من تايلند بطيارة لكن التفاصيل تحصلينه في القسم المختص بالصين والدول الاسيوية الاخرى ،، احنا نرد على استفسارات تايلند فقط ،،

مشكور اخوي على هالمعلومات المفيدة والقيمة صراحه وايد استفدت بس انا عندي تخوف اذا ابي اروح بروحي اخاف اتوهق في الحجوارات والاماكن واانا كلش اخاف اجازف
جيكت السفريات قالو لي مع الحجوازات تذاكر السفر + الفندق بكل الجزر + الطيران الداخلي + المرافق السياحي 1400 دينار

يعتمد اختي على خيارات هذي المكاتب ،، يعني لا يغركم السعر ،،
لانهم يختارون اقل خطوط الطيران سعرا او يختارون رحلات باوقات مو مناسبة او بها ترانزيت طويل وفنادق متواضعة وفي مواقع غير مناسبة معضمها ،،
السعر انا خليتها لكم ان تكون رفاهية عالية وما ينقصكم شي وكل يوم برنامج ووناسة وميزانية سوق وكل شي ،، المكاتب فقط تذاكر طيران + سكن + كم رحلة فقط مو كل يوم وطبعا مو كل الرحلات المميزة ،،
انت ما حددتي تبون رحلة اقتصادية او 5 نجوم وبما ان المكتب عطاكم 1400 فهذي اقتصادية جداً ،، يعني مع التسوق على الاقل يبي لكم ما يقل عن 200 دينار وبعد 200 دينار للاكل والنثريات والمواصلات يعني بتكلفكم سفرة مع المكتب 1400 + 400 = 1800 دينار تقريبا
اذا تبون برنامج اقتصادي بنفس سعر المكتب عادي نسويه لكم ،،

يم يم كفيت ووفيت ولد البحرين بصراحه لا استطيع ان ازيد حرف عنك بارك الله فيك
اختي لا تحتاجين الى مكاتب سياحيه عمري ماعليج الى التجول في صفحات منتدانى وبوابتنا ومتابعه تقارير الاخوان ولخوات وبعدها اخذ افضل الفنادق لدخول الى موقع حجز الفنادق والحجز لها وهكذا للجميع هنا توفير للوقت والمال ويكون اختيار شخصي وسابق معرفه للفندق وبعدها الرحلات اجمل واحلى وامتع الرحلات قالها لكي اخي البحريني يعز شانه
والمجمعات ويمكن زيادة ونقصان الرحلات والمجمعات والرحلات الداخليه ياقلبي تدخلين على موقع اسيا وتحددين التواريخ واختيار عدد المقاعد وتحجزين ويجب عليكي العلم الطيران الداخلي لايمكن استرجاع المال والتذاكر
موفقه عمري انا في كل رحله اقم بترتيبها بنفسي وأوفق بها الحمدلله
ملاحظه هامه لجميع الحجوزات تحتاجين الى
فيزا

ماقصرت ياولد البحرين ولاتهون اختنا العزيزه الليمونه.....تحياتى

بس أتأكد أكثر ، على حسب علمي أنه مانحتاج الى فيزا ؟
أخواني أشكركم كثيرا على هالروح الطيبة والمبادرة الكريمة بالتأكيد ما راح أستغني عن خدماتكم وترشيحاتكم أنا حاليا في طور التفكير ، بس اقرر واثبت على رايي راح أخبركم أول بأول

الكويتى من غير فيزا....بالمطار الختم هو الدخول والفيزا

اختنا ليمونه تقصد فيزا كارد عشان الحجوزات
على ما اعتقد

الاخت ليمونة تقصد فيزا كارد او ماستركارد ،، علشان تحجزون فنادق ورحلات داخلية من النت ،،
اما اغلب مواطني الخليج لهم فيزا مجانية لمدة 30 يوم وهي عبارة عن كرت يوزع بالطيارة قبل الوصول تملون البيانات فيه وتحتفضون فيه لحين مغادرة تايلند ،،