السلام عليكم ورحمة الله وبركاته ...
الأيام اليايه معزمين إن شاء الله على زيارة باريس ... و عندي استفسار عن الفنادق ...
أنا زرتها بداية التسعينات و سكنت فندق كان وايد فخم ...للأسف ما أذكر أسمه كل إلي اذكره إن الغرف كانت واسعه حيل و الأسرة بعد كبيرة و مريحه و كان حيل راقي و نظيف باب الغرفه ينفتح بكروت و كان وقتها هالشي غريب ... لآني كنت وقتها في لندن ومنها لباريس و هناك كان النظام مفاتيح .
و يم الفندق فيه سوبر ماركت أو مول صغير شي جذي لاصق فيه على ايدك الشمال و إنت طالع بس كان مثل الجمعية في كل شي و اذكر إن يصك الأحد ما يندرى الحين شنو وضعه كون غالبية أوربا ماقاموا يصكون الأحد ...!!
و بعد أذكر لما تدخل من الباب الفندق مسافه مو كبيرة هذا اللوبي و بعدها دريتين ستيبس للأصنصير و هو على ايدك الشمال بس جدامك مو على طول شمال الباب ...
أتمنى أكون وصفته عدل
على كل للخبراء في باريس أكوا أحد مر عليه فندق بهالمواصفات ...
إذا أحد عرفه بليز لحقوني باسمه ...؟؟؟
لأني جربت فنادق باريس و إنسكيت فيها وما أبي هالرحله تخترب بسبب الفندق بليز