تنور جده ..
عندك محل باريس غاليري .. محل مستقل تقدر تلاقي فيه مرادك ..

هلا فيك اخوي تنور جده حته حته ........... انصحك تطلع مركز الكورنيش والمحمل في البلد .........
فيه جميع الماركات المعروفة للعطورات والساعات والنظارات .........
والشنط النسائية المقلده درجة اولى .... طبق الاصل تلقاها بحدود 300 ريال .....
اشوف انه الافضل والارخص ........... بالتوفيق اخوي واي استفسار تامرني امر

اهلا فيك اخوي
فيه في شارع التحليه محلات خارجيه تقدر تدخل لها عادي
زي وجوه .. فيسس ( فيه عطور ويجي اطقم منها لوشن وعطر وجل)
وكمان فيه باريس جاليري تلاقيه في سلطان مول شارع الامير سلطان
( عادي يدخلوك ولو انا مو غلطانه فيه له باب خارجي ع الشارع )
تلاقي عنده شنط ونظارات وعطور وساعات
وغالبا هجري الفتره بيكون عنده خصومات حلوه ع النظارات والساعات والشنط
له فروع بالتحليه سنتر والاندلس مول وعزيز مول

هلا أخوى كيمو فى جدة..
واهنك أولا على رغبتك فى اسعاد زوجتك ..أسعدك الله..
بس حبيت أصحح باستثناء مولين أو ثلاثة فى جدة باقى المولات تسمح بدخول الشباب ويزداد الأمر تاكيدا فى الفترة الصباحية..
بل بالعكس الذهاب الى المول أراه أفضل لوجود اختيارات عديدة تحت سقف واحد ..
انصحك بثلاثة أماكن : الخياط سنتر لوجود العديد من البوتيكات الأصلية فيه وبعضها عير وجود سوى بجدة ، ويقع فى شارع التحلية ، كما أن هناك خيارات أكثر بالطبع فى هذا الشارع .
الخيار الثانى : سوق حراء الدولى حيث العديد من الخيارات ونفس الشى الخيار الثالث وهو مجمع العرب..
اما نوع الهدية فيعتمد على شخصية المهدى اليه..

وعليكم السلام ورحمة الله وبركاته
حياك اخوي كيمو ....ان شاء الله توفق في هدية حلوة و مناسبة
مثل ما قال مشرفنا شاعري روح مركز الخياط فيه اغلب الماركات...... بيربري ذكرتلنا الاخت حلم انه عامل تخفيضات استفيد منها
او جنفنشي تلاقيه في ظهر مركز الخياط برضه عامل تخفيضات

الله يجزاكم ألف خير وما قصرتو يا حلوين
وه بس فديتكم يا أهل الغربيه واحد واحد