لا ما ياخذوا عمولة ,,
بالتوفيق

عندك بعد Bank Of America عندهم حساب للطلاب و خدماتهم ممتازه انا فاتحه حساب عندهم مع اني مو طالبة و يدرون اني مو طالبة بس قالولي بما انج مو مقيمه حساب الطلاب احسن لان ما يحتاج مبلغ كبير عشان افتح الحساب اعتقد اني حطيت فيه 50 دولار و طبعا لك الحرية في المبلغ مو شرط 50 دولار
شوف الانسب لك و الله يوفقك

شكرا لك اخي إمباكت
عندك بعد bank of america عندهم حساب للطلاب و خدماتهم ممتازه انا فاتحه حساب عندهم مع اني مو طالبة و يدرون اني مو طالبة بس قالولي بما انج مو مقيمه حساب الطلاب احسن لان ما يحتاج مبلغ كبير عشان افتح الحساب اعتقد اني حطيت فيه 50 دولار و طبعا لك الحرية في المبلغ مو شرط 50 دولار
الله يعطيك العافية أختي
طيب ممكن تعلميني أكثر عن البنك , يعني مثلا بعد كم يوم آخذ بطاقة الصراف , فيها فوائد, لما اشتري أو اسحب بيأخذوا اي عمولة ؟؟
الله يجزاك بالخير

شوف اخوي بعض البنوك تلزمك انك تسحب من نفس البنك الي انت فاتح فيه واذا سحبت من بنك ثاني ياخذون عليك خمسه دولار فا انتبه وتاكد من هالموضوع ...... وتقدر تستعمل بطاقتك السعوديه اذا هي موجود عليها شعار الفيزاء او اي شعار ثاني دولي ......و بتوفيق .....

للمعلومية، جميع البنوك الامريكية تاخذ عليك رسوم اذا سحبت من غير صراف بنكك.
Chase بنك زين وفروعه انتشارها جيد، لكن يعقدونك عشان تفتح حساب. Bank of America بسهولة وبسرعة يفتحون لك حساب، خصوصا لما تكون طالب. وبطاقة الصراف تستلمها في نفس الوقت. وما في اي عمولة لما تستخدمها. البطاقة بتكون ATM card وفي نفس الوقت Debit Card. وتقدر تستخدمها كبطاقة ائتمانية لكن بدون تجاوز رصيدك الموجود في حسابك.
نصيحتي لك، شوف اكثر بنك انتشارا في منطقة دراستك وسكنك وافتح حساب عنده.

مرحبا اخوي
بصراحه الاخوان ما قصرو عطوك كامل المعلومات لكن اخوي خلني افيدك
افتح حساب في امريكا احسن واوفرلك من حسابك من بلدك وافضل بنك من رايي bank of america سهولة بالتعامل ومنتشر في امريكا
انا امس فاتح حساب عندهم وكان السيناريو كالتالي:
دخلت البنك ولقيت واحد اجودي قاعد على المكتب قلت ممكن افتح حساب طال عمرك
قالي اوكيه ابشر بالسعد بس عطني الجواز لو سمحت قلت تفضل الجواز اخذ صورة منه ورجعه لي
وكلها 10 دقايق يطقطق بالكمبيوتر وعطاني ورقه عبيتها عباره عن اسمي واسم العائله واسم الام وعنواني بامريكا والكويت
وتلفوني بامريكا وايميلي
وعطاني بطاقه مؤقته استعملها على ما تصدر البطاقه الجديده واودعت مبلغ قالي بكيفك اودع اي مبلغ وكلها اسبوع وتوصلك البطاقه للسكن او تعال استلمها من البنك وضف وجهك الحين (هذي من عندي طبعا) والحين مع السلامه
ونظام البنوك بالعالم مشابه لبعض تقريبا يعني المشتروات بدون عموله لان العموله تخصم من المستفيد
وبخصوص السحب الكاش من الصرافه من نفس البنك ما ياخذ اي عموله لكن تسحب من بنك غير بنك الي فاتح حسابك عليه يخصم عموله عليك وصراحه بطاقه البنك احسن من الكاش بالتعامل لان الكل يتعامل فيها ما تتوهق من بقاله الى اكبر شي بالبطاقه تدفع
وسلامتك طال عمرك

يا شباب و الله ما قصرتم
جزاكم الله خيرا
و شكر خاص للاخوة بوكا و الضاحك الباكي و حمد ...
الله يوفقكم وييسر لكم أموركم
أفدتموني فائدة عظيمة
دمتم بحفظ الله ورعايته