أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
هلا أختي لوي فيتون مشكوره على الرد بالصراحه تقريرك عن رحلتك روعه وممتع ممكن تساعديني في سير رحلتي الرحله في شهر مارس من13 الى 27 لمدة اسبوعين المناسبه الأحتفال بعيد زواجنا العدد طبعا شخصين بدون الأولاد وأنا نفسي في سويسرا جنيف وانترلأخن وأوروبا بارك أخيرا زيورخ وفنيسيا يومين وأخيرا لندن صحيح الرحله فيها تنقل كثير لكن أبي استغلها لأن ماراح تكرر بدون الأولاد الا بعد كم سنه أبي أزور المناطق الي نفسي فيها مره وحده
أول شيء Happy Wedding Anniversary مقدما و عقبال 100 سنة إن شاء الله و الله يديم المودة ما بينكم
ثانيا أنا أشوف اريح لكم الطيارة من فينيسيا لزيورخ خصوصا إن المدة اللي بتجلسونها في فينيسيا قليلة
لكن بعد إذنك لي ملاحظات على خط السير:
أولا مدة رحلتكم قليلة فلازم تقللون عدد المدن
ثانيا بالنسبة لأوروبا بارك للأسف بتكون مقفلة في شهر 3 اللي هو مارس و ما راح تفتح إلا في إبريل
وبالنسبة لإنترلاكن و جنيف كذلك بتكون أغلب النشاطات مقفلة
أنا من رأيي تكون رحلتكم موزعة ما بين لندن و باريس و فينيسيا
أو إذا أنتي حابه سويسرا من ضمن المخطط تكون رحلتكم كالتالي:
لندن 6 أيام
جنيف 3 أيام
انترلاكن 3 أيام
بالقطار من انترلاكن إلى مطار زيورخ ثم بالطائرة إلى
فينيسيا 3 أيام
إذا رايحين على الإماراتية تكون عودتكم من فينيسيا
ياهلا بالمياسه
هذا من ذوقك بس تسلمين يالغلا
وبالنسبه للبرنامج فوقت السفره ماراح يكون حلو مره
اقترح لو تأجلينها شهرين احلى
يعني احجزي من الحين وخلي الاحتفال بعدين
ومنها تكسبين انك شفتي سويسرا وقت الربيع وحلاتها
وانك ما تكونين عصيتي الله باحتفال بعيد مبتدع (( من ترك شيئا لله عوضه الله خيرا منه )) ---> اعذريني على تطفلي بس من باب التناصح قلت لك
واذا زوجك من نوعيه الرجال الي ما يصدق يتخلص من المناسبه
لا يضيق صدرك ازعجيه لين يخلص حجوزاتكم لشهر 5 قبل تاريخ 13 / 3 -----> ترا انا مو حنه ابدا ههه
بس فعلا لو رحتي شهر 3 ماراح تشوفين سويسرا صح
اجليها شهر او شهر ونص وكل تأخيره وفيها خيره
تقبلي تحيتي
هلا choclate مشكوره على التهنئه أدري أن المده اسبوعين قليله على المدن بس مثل ماذكرت ما راح تكرر بدون الأولاد وما أقدر اروح باريس لأن لنا نيه أنشاءالله في الصيف الجاي وبعدين باريس زرتها كم مره بس خط السير الي اقترحتي علي واجد حلو
هلا أختي أل في أدري أن الوقت مو مناسب وما أقدر أجلها لين الصيف لأن في الصيف بنكون أنشاءالله في باريس مع الأولاد وشغالتهم وصعبه التنقل معهم على الأكثر دولتين بس يمكن اخليها فرنسا وجنيف ومشكوره على النصيحه بس في شهر 3 الأولاد عندهم اجزة الأيستر وأقدر اخليهم وأنا مرتاحه وفي نفس الوقت يصادف عيد زواجي
العفو حبيبتي
و بخصوص رحلتكم ما دام أنتي نفسك في سويسرا توكلي على الله بس حطي في بالك إنه أغلب النشاطات بتكون مسكرة و الجو بارد و فوق كذا النهار قصير لذا ركزوا على اختيار فنادق حلوة و مرتبة بحكم إن أغلب جلستكم بتكون في الأوتيل
بون فوياج
شكرا اختي على المعلومات
اريد مساعدتك ورايك في هالسفره
انا مسافر دسلدورف 23/4/2008 وراجع يوم 1/5/2008
احب ازور امستردام يوم واحد وبروكسل يوم واحد وفينيسيا يوم واحد وروما يوم واحد وباريس يوم واحد واعود لدسلدورف
ماهي افضل طرق للتنقل وكم مدة القطارات واسعارها بين هذه المدن وكيف يمكن يكون الترتيب الصحيح
وشكرا
