نحن عكسك بالظبط.. حيث استلمنا السياره من ميونخ وفضلنا استلامها من المكتب لأنها اوفر ولأنها اول مره لنا نأجر سياره.. بس مره ثانيه ناوين ناخذها من المطار ان شاء الله ..
بس ابدا ابدا لا تخاف وصدقني اذا سقت مره وحده في اوروبا ما اتوقع انك بترجع لها بدون ما تأجر ..
استلامها من المطار ماعندي فكره عنه كيف بس حبيت ادخل واشجعك، اتوقع انك تروح لمكتب التأجير اللي في المطار و تعطيهم معلوماتك ويخلصونك ويعطونك اوراقك و مفتاح السياره ويقولون لك ع الباركنج..
انا بصراحه انصحك تسوي نفسنا تاخذ السياره وتاخذ السياره ثاني يوم من اقرب مكتب لفندقك عشان تكون على راحتك..
اهم شي يكون معاك الجواز و الليسن الدولي .. ولا بيخلونك تترجم ليسنك المحلي باللغه الفرنسيه او الالمانيه
وبطاقة فيزاvisa فيها مبلغ يغطي مبلغ السياره لأنهم بيسوون بلوك عليه وبيرجعونه بعد ما ترجع السياره لكن ممكن يسحبون مبلغ معين مثل غرامات المخالفات او اذا لا سمح الله ضرر في السياره..
والدفع عند تسليم السياره وهالدفع غير عن المبلغ المحجوز..
اتمنى اني اكون افدتك بتجربتنا..

اهم شيء الرخصة اللي معاك تكون مترجمه او دولية سارية المفعول
واي خليجي معاه لايسين محلي مترجم وساري المفعول يقبلونها بدون تردد
ماعدا للأسف رخصنا السعودية الجديدة المترجمة (شيء يفشل)
اهم شيء ان يكون معاك حجز بواسطة النت او الإتصال المباشر
بمجرد خروجكم بعد استلام الحقائب تتوجه يسار تحصل مكاتب التأجير على يمناك
تحضر بطاقة الإئتمان والرحصة وتنتظر دورك وتذكر له اسم العائلة
الموظف راح يكمل لك الإجرائات
وتنتبه ان السيارات مخصص لها الدور -2
بمجرد خروجك من ارض المطار من الباب اللي مريت عليه وانت متجه لمكتب التأجير
تقطع الشاع وتمر بمواقف وتتجه للمصاعد
اذا معاك عربية تستخدم المصعد الأيسر المخصص
موظف التأجير بيكون اعطاك ظرف مكتوب عليه رقم الموقف التي في السيارة
ويعتمد من اي شركة لأن الموقف منظم بحيث كل شركة في مكان خاص
اهم شيء في الموضوع تتأكد من نوع الوقود اذا ديزل او بنزين وغالبا تجدها مكتوبه على التانكي
تذكر انك تتجه للبوابة الخروج من هذا الطابق
راح تشوف ماكينة توقف بالسيارة عندها وتاخذ كرت منها
راح تصعد للأعلى وتستخدم هذا الكرت للخروج
بعد ماتخرج يوجد علامة توقف كامل
انتبه يوجد مسارين من اليمين
الطريق لهما
اذا كان الطريق خالي توكل على الله
اذا لفيت يسار في يسار راح تتجه للخط السريع المؤدي الى لوزان وايضا لفرنيه
اذا اتجهت يسار فيمين راح تتجه لوسط البلد
اذا اتجهت يسار وعلى طول راح تتجه الى ميرين وفندق الموفنبيك والهوليدي ان اكسبرس وتواريه الفرنسية اللي بعد ميرن
بالنسبة لموينخ يفترض انك محدد مكان التسليم وقت الحجز
وماعندي فكره عن مطارهم الا انه لايوجد فيه اي اختلاف كبير عن باقي مطارات اوروبا
استلام السيارة من ميونخ افضل وارخص لك (للمره القادمة بإذن الله)
اذا كان سكنك في جنيف في وسط البلد وبالتحديد بالقرب من محطة القطار القار
فأنصحك تستلمها ثاني يوم من هناك راح توفر يوم و18% ضريبة مضافه للمطار
ممكن بكل سهولة التوجه باربع فرنكات من محطة القطار اللي في المطار الى وسط البلد
اذا انت ساكن في جنيف فالفندق راح يوفر لك كرت مواصلات مجاني على طول فترة اقامتك
داخل جنيف فقط
بون فوياج

شاكر لك اخوي تشجيعك والله يحفظك
الليسن الدولي ضروري ؟ والله هذا ماحسبت حسابه ويمكن الوقت ما يكفي أستخرجه.
هل ممكن استأجر السيارة عن طريق النت واذا وصلت عندهم ادبر اموري ولا راح يرفضون تسليمي
السيارة لان ماعندي ليسن دولي ؟

الله لا يهينك يا بو عزيز لا خلا ولا عدم
واضح الآن تماما
الله يجزاكم خير

اخوي كاريزما
الرخصة الدوليه
تطلع بيوم او يومين
رح لاي مكتب سياحي ويضبطها لك

أعقلها و توكل, انا اول مره أروح سويسرا هالسنه واستأجرت سيارة (حجز مسبق) وكانت منعه جدا.
ورحلة سعيده

خفجاوي اشرحلنا عن الطريقة والاسعار والاستلام لتعم الفائدة

ضروري تاخذ سياره لاننا ضعنا بدون سيارة ومالقينا لازم تحجز من النت رحله موفقه

amoori
السلام عليكم ... نحن بالخدمة يا amoori
بعد الدخول المكثف لهذا المنتدى و ماكتبه الأخ ابوعزيز كان هناك عرض من Europcar, وتم الحجز عن طريق موقع الشركة http://www.europcar.com
كانت التكلفه 4150 ريال سعودي مع النأمين الشامل. ولكوني هذه الزياره الاولى فقد جلبت معي العم Garmin Nuvi 660 ,وكان احسن دليله عرفته (دليله: الشخص اللي يعرف الطرق ويجيد ارشاد الأخرين).
وتوجد هنا شركات اخرى للتأجير في مطار جنيف
http://www.hertz.com hertz
http://www.avis.com Avis
عموما كانت الرحلة ممتعه و خصوصا مع وجود السيارة وحرية التنقل