تجربتي مع طيران الخليج لشرق اسيا جيد جدا
لكن طائرات اوروبا تخصص وتكون افضل بكثير
مثل عندنا بالخطوط السعوديه تفرق عن دول اخرى
موفق في اختيارك لطيران الخليج
خدمه+التموين+راحة المقعد= الدرجه اللي بتحجز عليها
عالعموم السياحيه جيد جدا
وان شاء الله بعد الحجز والتجربه تخبرنا عن تجربتك
ومثل ماقلت الترانزيت يرجح لاختيارك الخطوط ارى انها مناسبه جدا
هذا مالدي

جربتهم اخر مره في سفرة باريس بصراحه تفاجأت منهم
لاخدمه ولا اكل ولا برامج حتى الطائره قديمه شوي والسعر 2400 للشخص
بس الحسنه الوحيده اللي تشفع لهم ان الرحله كانت مباشره الى باريس
وهذا هو سبب اختيارنا لاني ماحب الرحلات الغير مباشره
لكن اللي يحبون الترانزيت وماتفرق معهم ماانصحهم ابدا وفيه خطوط افضل بمليون مره
وبنفس السعر او ازود شوي

اخوي من قال لك القطريه لازم من تنرانزيت ؟؟؟
العام الماضي بشهر 7 سافرت لباريس على القطريه ذهاب وعوده , مباشرة لشارل دو غول !!!

• - من الدوحه -- بلا شك !

الخطوط القطريه غطت على الكل !
كل المميزات فيها !
وسعرها كان مناسب جدا 3400 تقريبا , والحجوزات متوفره , اذكر اني حجزت قبل السفر باسبوع !

للتوضيح السفر من الدمام او البحرين
على القطريه لازم ترانزيت الدوحه والاتحاد توقف في ابوظبي والامارات في دبي
لكن الخليج مباشره من البحرين الى باريس وهذا شئ مهم خصوصا للي معهم اطفال

اختي روز صحيح كلامك
بس الاخ باريس وبس موضح
انو فيه رحله للدوحه لكن مو ترانزيت انتظار ساعات
يمكن يختلف عن الاتحاد وقتهم جدا طويل

روزماري
شئ طبيعي يا اختي لازم تمر على الدوله الام -- ان صح التعبير -- يعني الدوله الي مالكه هذه الخطوط
كلامك سليم , بس من الدمام مباشرة على باريس , من طيران الخليج, لا ؟!!

انا بس حبيت اعلق على كلام الاخ لانه يقول رحلات القطريه مباشره الى باريس
وبالنسبه لنا سكان الشرقيه ماتعتبر مباشره على العكس من الخليج
نطلع بالسياره للبحرين ومنها مباشره الى باريس هذا قصدي اتمنى تكون الصوره وضحت
والترانزيت حتى لو ساعات احسه ممل ومتعب ومع الاطفال ياسلام بس لو اضطريت الشكوى لله

اشكركم وان كانت اكثر المشاركات ليست فى صلب الموضوع...
القطريه رائعه وكذلك الاتحاد ولكن وجدت سعرها عالي جدا فضلا عن توقفها فى الدوحه وابو ظبي...انا مسافر من البحرين طبعا...
روزماري...........هل اقلعت فى موعدها؟ اكثر شى اخاف منه هو تاخير المواعيد خصوصا فى العوده لانى مرتبط بعمل والوقت مهم بالنسبة لى..

جربت طيران الخليج كثير ويمكن يكون اكثر خطوط تعاملت معها لسبب انها دايركت من البحرين للوجهة التي أريدها ومثل ما ذكرت الأخت روزماري بالنسبة لأهالي الشرقية الأمر سهل جدا والبحرين معتبرينها من البلد
رأيي فيها بشكل عام جيدة جدا وبالنسبة لي أفضل من الخطوط السعودية من ناحية رحلات أوروبا
بالنسبة لتجربتها إلى باريس ان شاءا لله بعد اسبوعين ولو رجعت من غير شر رح اخبرك كيف كانت
خطوط الطيران الخليجية الأخرى كالقطرية والاتحاد والامارتس من البحرين تذهب جميعها ولكن لابد من التوقف لساعة كحد ادنى في البلد الأم فيه ناس ما تعبتر التوقف ساعة ترانزيت انا مستعدة ادفع اكثر ولا اوقف فهنا مسألة رغبات تختلف من شخص لآخر