1. مرحبا عزيزي وموضوعك حلو وايد

مرحبا عزيزي وموضوعك حلو وايد

وبنسبة لي افضل كل شي يكون حلو ومرتب ولاكن النقطة الي ماتنازل عنها هي السكن يعني لازم يكون حلو ومرتب وعلى مستوا طبعا انا ماطلب 7 نجوم ولاكن ماتسكنوني ب 3 نجوم يعني حدي حدي ممكن اقبل 4 نجوم اذا بدولة اوربية لان اسعارهم غالية ومافي فنادق 5 نجوم وايد اهناك ولاكن بدول شرق اسيا او عربية او استراليا لا لازم 5 نجوم لان مااثق بمصداقيت الاقل
بنسبة لطيران ممكن استحمل والمواصلات بشكل عام اذا دولة عربية اناجر سيارة سوان بسايق او بدون او حتى ناخذ تكسي ومعظم المواصلات بتكسي يعني هاي اقل شي انا اعتبره ممكن اتصادف انجرب الباص او الاندر قراوند من باب التغير لا اكثر بس مانستغني عن التكاسي حتى لو كانت بدول الاوربية
والسؤال الثاني احسك انت جاوبت على نفسك بنفسك بنسبة لي انا اوفر يعني انا بسفراتي مه الاهل فلوالد مايقصر واتكون عليه ولاكن بكلمك عن سفراتي مع ربعي فاكون انا المسؤال عنها من البداية وحتى بلمصاريف لهشي اوفر من مصروفي ومن راتبي قدر الامكان واعطي المبلغ حد يعني مو اوفر واخليه عندي لان اكيد بصرفيه
وعلى العموم انا احب اني اخطط لسفره من بدري وخصوصن الي راح اتكفل فيها يعني سفراتي مع الاهل ممكن اتجي بسرعه وبدون تخطيط لان الوالد هو الي بيدفع او بشكل ثاني الفلوس موجوده وموشايل همها ولاكن السفرات الي بسافرها وانا الي بدفع لازم اكون مخطط لها اقل شي من 3 شهور لهشي انا طبعا اعرف شنو الي يجيني كل شهر لهشي اخذ جزء من الفلوس كل شهر واخليه عند حد قريب مني لين السفره والشهر الي بعده نفس الشي الين اوصل المبلغ المطلوب لسفره من اقامة وتكت ومواصلات ومصروف وماكون ظغطت على نفسي وايد وبعد مااحتاج اهناك شي لاني احاول يكون عندي مبلغ احتياط
بنسبة لي ماعمري جربت اني اخذ سلفه او قرض علشان اسافر لان لحين ادرس ولاكن بعد مو حاط هشي في بالي يعني ممكن يصير لو الامر ضروري حد مريض لا سمح الله او حد محتاج اروحله ضروري وماعندي اكيد باخذ سلفية وبسافر ولاكن اذا قصدك لسياحه لا اكيد لا ماتوقع بنسبة لي اوفر من راتبي وايد احسن لاني اعرف اني كل سنه اسافر لهشي الموضوع مو جديد عليه واخطط له من بدري ومو مثل بعظ الناس الي ينوي بيومين انه يسافر وهو ماعنده ويروح ياخذ سلفية ولمى يرجع لديرته يتحسف بس ممكن اذا فيها ومافيها تاخذ فيزة ممكن الفيزة حلوة وتنفع بوقت الضيق ومبلغها دايم بسيط بس ماحط على روحي مبلغ عود على سفره
وبنسبة لي انا اعتمد عليها اعتماد شبه كلي يعني اشيل معاي كاش واشيل معاي بلبطاقة بس اخلي الي بلبطاقة اكثر للحتياط ولسبحان الله علشان لو ضاعت فلوسي او انسرقت الا عندي بلبطاقة وماشيل كل المبلغ كاش علشان مايطمعون فيني
هاي بنسبة لي ومشكور على موضوعك

انا بالنسبة للطيران الدرجة السياحية بالاخير بنوصل مع بعض والاكل والترفيه والضيافة كلها تمام
بالنسبة للسكن اسكن على قد ميزانيتي بشقق عائلية او فنادق 3 نجوم شنو يفرق النظافة اول اشوف الفرش وتكرم الحمام اذا نظيف ما يمنع لان المسكن بالسفر للنوم فقط وليس للكشخة (((يستثنى المعاريس من حقهم يستمتعون بفنادق راقية)) وانا دايما حتى لو فنادق عالمية شراشفنا معانا وفوطنا معانا بعد شنو نبي الا النوم ...قاعدبن ننام في خيام بالبر ما ننام بفندق 3 نجوم اشدعوة
بالنسبة للمواصلات يوم كانوا عيالي صغار كنت اخذ تاكسي بس هالسنين نظام التذاكر الاسبوعية للباص والاندرجراوند ممتازة وتوفر الكثير والتاكسي للاماكن الغير معروفة او من منطقة لمنطقة مع ان القطارات اوفر وهذا الغالب .....
بس والباقي للاكل النظيف والترفيه والتسوق وبدون تضييق على اي واحد مننا اي شي نبيه نشتريه ونرجع مبسوطين اخر قيراط ..........
لا تنسى انك اذا جمعت المصروف للسفر من مالك الخاص تحس بالسعادة اكثر لانك حققت شي وتمتعت بأجازتك بعد العمل وكانك تكافئ نفسك....
بالنسبة للقروض والبطاقة الائتمانية ما انصح فيها الا للضرورة فقط ومو لازم اذا ما عندي اسافر اسوي سياحة داخلية امتع عيالي فيها ووفر من راتبك جزء كل شهر برصيد ثاني لا تقربه ومع راتب الاجازة ان شاء الله يكفي وانا اقولك الزوج ما يقدر يوفر المصاريف لازم مساعدة الزوجة من راتبها اذا هي تعمل وهذا اللي انا اسويه مع زوجي وطبعا السفر مو كل سنة
والبطاقة ابعد عنها لان بتروح تستانس وبعدين تعال ادفع قهر
وشكرا للموضوع الشيق

1. 2-و كيف توفر ليكون لديك مبلغ يفي بكل متطلبات السفر؟


2. 3-وهل تستعين بالقروض و السلفه لتسافر؟

1-ما هي اكثر نقطه تركز عليها ولا تقبل بالتنازل عنها لمستوى اقل منها (درجه الطيران - السكن - المواصلات)؟
درجه الطيران على السياحيه و يفضل على طيران مستواه عالي مثل الاماراتيه و البريطانيه (هذيل الي جربتهم)
اما السكن اهم شي فيه الموقع و درجه الفندق يعتمد على الدوله مثلا بدبي لا تنازل عن فندق 5 نجوم اما الدول الاوروبيه ممكن الواحد يسكن بفندق 4 نجوم لأن مستواها يقارب الخمس نجوم بدول ثانيه اما المواصلات يعتمد على الدولة و مع منو مسافر مثلا بالدول الاروربيه خصوصا بالعواصم مع الربع يكون التنقل بالمترو اما مع الاهل نضطر ناخذ تاكسي او باص

2-و كيف توفر ليكون لديك مبلغ يفي بكل متطلبات السفر؟

احاول اوفر شهريا قبل موعد السفر بفتره كافيه و هالمده تعتمد على نوع السفر اذا كانت سفره بو 3 او 4 ايام غالبا شهرين او 3 يكفون لتوفير مبلغ السفر اما السفر لاوروبا فيحتاج مده اكثر لا تقل عن 6 شهور عشان جذي احتاج اخطط للسفر قبلها بسنه تقريبا لأني احتاج لوقت للاستقرار على خطه السفر بعدها البحث عن الفنادق و المناطق و كل منطقه اشكثر تحتاج و شنو فيها من اماكن سياحيه

3-وهل تستعين بالقروض و السلفه لتسافر؟

طبعا لا نهائيا ما افكر اني اتسلف عشان اسافر لأن بهالشي راح تفقد السفره متعتها و الواحد راح يستانس 10 ايام او اسبوعين و يعاني 6 شهور بعدها و هالشي راح يأثر على السفره الي وراها
4-ما مدى اعتمادك على بطاقات الاعتماد في السفر؟ اعتمد عليها بحجز التذاكر و الفنادق من النت و المبلغ الي احجز فيه يكون من المبلغ الي انا موفره للسفر و احوله على الفيزا و احجز فيه و استخدمها للتأمين للفندق و كاحتياط اثناء السفر
و نقطه اخيره قبل السفر اصرف مبلغ يكفي لأول ثلاث ايام بالسفر كاش و اذا خلصت الفلوس اسحب بكرت البنك و التسوق اخليه بكرت البنك و اذا المحل ما عنده جهاز الدفع بالكرت ادفع كاش
يعني باختصار الفلوس الكاش تكون للمواصلات و الاكل و التسوق الخفيف و الاشياء البسيطه اما التسوق المحترم يكون بكرت البنك

الموضوع وايد حلو
وللاسف سفراتنا كلها مفاجأة يادوب نكون موفرين حقها

1. موضوع مفيد ورائع .. ونقدر من خلاله نشوف تجارب الآخرين

موضوع مفيد ورائع .. ونقدر من خلاله نشوف تجارب الآخرين

1-ما هي اكثر نقطه تركز عليها ولا تقبل بالتنازل عنها لمستوى اقل منها (درجه الطيران - السكن - المواصلات)؟
في خلال السنوات الخمس الاخيرة .. تغيرت نظرتي للسفر .. واعدت ترتيب اولوياتي بما يتناسب معاي ومع اهتماماتي .. لقيت ان درجة الطيران مش مهمة .. اغلب سفراتي بالسياحية .. واحيانا اسافر بطيران اقتصادي (ان وجد) .. انا من النوع اللي احب اخطط .. واحب اشوف كافة الخيارات المتاحة واقارن بينها .. فمثلا لو كنت رايح دولة معينة .. اشوف كل شركات الطيران المتوفرة .. سواء الترانزيت او المباشر .. واسوي مقارنة مطولة بينهم .. اقارن بين احجام الكراسي .. وهل في تلفزيون قدام كل كرسي ولا لا .. ولو الرحة فيها ترانزيت كم الوقت اللي بقعده ... وكم الاسعار .. وبعدين اقرر الانسب (وليس الارخص)
نفس الشي بالنسبة للسكن .. انا احب اسكن في فندق يكون تابع لشركة عندي بطاقتهم (مثل انتركونتيننتال او ماريوت او هيلتون .. وغيرهم) .. واسوي مقارنة بين اشياء كثيرة .. مثل الموقع والسعر .. وهل وجد مواقف للسيارات ولا لا .. واذا في مواقف هل ياخذون عليها رسوم او لا .. طبعا بالاضافة الى الاشياء الموجودة في الغرفة .. مثل الشطاف وغلاية الشاي وصندوق الامانات .. واسوي جدول طويل .. وبعدين اقرر الانسب
بالنسبة للمواصلات داخل المدينة او بين المدن نفس الشي .. بس يهمني الراحة .. يعني لو بنتقل من مدينة لمدينة غالباً ما اروح بالقطار لو كان معاي عائلتي .. لأن السالفة فيها شيل شناط .. فأريح نفسي واستأجر سيارة مثلاً .. او طيران اقتصادي
2-و كيف توفر ليكون لديك مبلغ يفي بكل متطلبات السفر؟
حسب ميزانية السفرة .. بس غالباً اوفر مبلغ كل شهر
3-وهل تستعين بالقروض و السلفه لتسافر؟
لا الحمدلله للحين ماجربت .. احس لو وصلت لهالمرحلة بتصير السفرة عبارة عن show وكشخة قدام الناس اكثر من كونها سفرة .. الا طبعاً اذا كانت للعلاج
4-ما مدى اعتمادك على بطاقات الاعتماد في السفر؟
90% من مصاريفي اثناء السفر ادفعها بالبطاقات
بس ترى انا ادفع كامل المبلغ اول ما ارجع .. يعني ما اخلي البنك يحسب اي فوائد .. بمعنى اني استخدم البطاقة لأنها اريح وأأمن في الدفع .. مش لأنها تعطيني مبالغ اضافية فوق طاقتي

أم سيف وسلطان سفرات الفجأه لها حلاوتها و بنفس الوقت السفره الي يكون مخطط لها ايضا لها حلاوتها
The Watcher مشكور على المشاركه و اهم شي الواحد يكون مقتنع بطريقه اختياره لتفاصيل سفره

بسم الله الرحمن الرحيماولا فاني اذا بسافر اما ان اسافر سفرة ممتازة يعني اوفر الرفاهية لي و لاهلي او اني ااجل ذلك الى ان يتم الموعد المناسب و لفكرة اخذ قسم من الراتب من كل شهر و جمعها ثم للسفر اخيرا فكرة اكثر من رائعة و شخصيا اهم شيئ لي هو الفندق فالفندق نفسه سفرة فمثلا في دول اوروبا فافضل شيئ فو فندق 4 نجوم اذا لم نجد 5 و كذالك الدول العربية مع التحفيز بسكن فندق خمس نجوم افضل و حقيقتا يختلف الناس في كيفية انفاقهم الاموال في السفر فمثلا بعضهم ينفق اكثر من الف ريال سعودي على وجبة واحدة في احدى المطاعم الفاخرة يعني شوف عصير البرتقال ممكن ايكلف خمس و عشرين ريالا سعوديا مثلا و ايضا ااؤيد التنظيم للسفرة قبل السفر كثيرا في الاخير شكرا لك على الموضوع المفيد

الخطوط دايم على السعودية لان عندي تخفيض فيها 75 %
والسكن 3 نجوم وطالع
وارتب لسفرتي قبلها ب3 شهور كافي
واهم شي اذا سافرت مااروح مطاعم اروح اماكن اكل اهل البلد الي انا فيه واعيش حياتهم بكل بساطة
وضروري استاجر سياره
ولااحرص على الذهاب الي الاسواق اشتري منتوجات البلد ومايشتهر فيه

1-ما هي اكثر نقطه تركز عليها ولا تقبل بالتنازل عنها لمستوى اقل منها (درجه الطيران - السكن - المواصلات)؟
دراجه الطيران : اذا كان السفر اكثر عن 4 ساعات ما احب احجز الا بزنس او درجه اولى لكن الاغلب بزنس
السكن : مهم واهم عن كل شي حتى لو مااقعد فيه الا وقت النوم ..
هالشيئن اذا ماكانوا على مزاجي عادي تخترب السفره ..
المواصلات : مايهم شي بعيد عن الاهتمام كليا .. احب اجرب كل انواع المواصلات الموجوده في البلاد اللي بروح له
وتكون تجربه ومغامره وتغير روتين
2-و كيف توفر ليكون لديك مبلغ يفي بكل متطلبات السفر؟
دخل ثاني اوفر منه متطلبات السفر وغيره من الاشيا الثنويه
3-وهل تستعين بالقروض و السلفه لتسافر؟
سفره وحده هي اللي خذت لها سلفيه والحين الحمدلله مااحتاج اي قروض
4-ما مدى اعتمادك على بطاقات الاعتماد في السفر؟
خلنا نقول 50% الى 60% لان مستحيل اخذ المبلغ كله كاش واحتياط لاي ظروف لاسمح الله
موضوع مهم