كانت لي تجربة في السفر بالقطار في بريطانيا و حبيت أشارك الأخوه في هالمنتدى للفائدة و إن شاء الله اللي راح يجربها يدعوا لي.
كنت في لندن مع الأولاد في صيف 2005 و كنت ناوي أطلع أبردين في اسكتلندا لمدة اسبوع قبلها بكم يوم كنت قاعد في الشقة و معاي كتيب سياحي عن لندن و فيه رقم مكتب القطارات قمت كلمته و كانت الفائدة.
و كان مجموع تذاكري مع الزوجة و الأولاد تقريبا 360 باوند و قال لي إذا عندك كرت عائلي ( و هذا تشترية ب 20 باوند ) نعطيك خصم 30% يعني تصير تذاكري 252 و إذا حجزت حجز مبكر قبل 18 ساعة تاخذ خصم ثاني بقيمة 30 % يعني تصير تذاكري ب 177 باوند.
ثاني يوم على طول مريت محطة القطارات ( بادنغتون ) و اشتريت كرت العائلة و لما استلمت كرت العائلة قلت له الحين عطني حجز حق عقب بكره .
فاللي يبي يسافر بالقطار من لندن لا تطوفه هالشغلة.
و اللي يستفيد من هالخصم الطيب يا يجيب لي بفرق السعر هدية أو يدعوا لي.
و ما يخدم بخيل