احلى تحيه الى هذا المنتدى الأكثر من رائع
شكر وتقدير لجميع القائمين على هذا الصرح الكبير في قلوبنا انا واخواني هواة السفر (العرب المسافرون)
في عام 2003 وبالتحديد شهر سبتمبر زرت سويسرا وفرنسا انا وزوجتي كانت زياره رائعه ولكن ..
لم أكن اعرف شيء عن منتدى العرب المسافرون وكانت رحلتي مجرد إجتهاد شخصي ... مسوي فاهم ... وعاد خبركم متزوج لي فتره ولازم أكون فاهم قدام المره مستحيل أقول ما اعرف ولا ما ادل ....خ الله من فرنكات دفعتها عشان موقف محرج .... وانواع الصرف خ
بصراحه احنا عائله ما تخلو من زياره لسويسرا بس الفتره الي قررت اروح فيها كنت لوحدي انا وزوجتي عاد المضحك انها راحت قبلي لفرنسا وسويسرا ... بس الي محليها انها ما كانت تعرف شيء يعني تقول انا رحنا للمكان هذا بس من وين وكيف جيناه انسى ... وانا استغليت الوضع محافظ على توصيت أمي الله يحفظها ((( خلك رجال البيت ))) خ أي رجال ضيعت فلوسي كله أصرف عشان ما تحس المره
بس بصراحه كانت رحله ممتعه زرنا جنيف وايفيان وانسي بعدين رجعنا جنيف ورحنا لوزان ومنترو بعدين طلعنا شموني وال(مونت بلان) بعدها رجعنا جنييف ... رتبت حجوزاتي عن طريق مكتب السفريات في الرياض وبعض مساعدات واستفسارات من افراد العائله اصحاب الخبره .... بس الكلام اللي ماهو مكتوب يضيع والرحله اللي ماهي منظمه تختصر .....
والحين بعد ما عرفت هذا المنتدى الرائع ... وشفت تقارير من بعض الاخوان الرائعين تعظيم سلام لهم امثال : ابوعزيز ,ابو ريان ، نسيم نجد ، الاخت سفريات ، بنت الصقور الأكثر من رائعه مع العلم أني من المتابعين لها يوم كنت في أمريكا بس ماشالله عليها في كل ديره لها بصمه .... تعظيم سلام:x1: للأخوه الرائعين وأعتذر لو نسي البعض ... وقتها حسيت اني تمنيت لو كنت اعرف هذا الصرح وخصوصا يوم اشوف بعض المناطق اللي مشيت فيها وكان المفروض اني امشي شرق وانا ماشي غرب ومبسوط .... ومسوي فاهم على المره خ
الحاصل ياشباب أنه اكثر شيء كلفني في السفره كان تكلفة المواصلات (تاكسي!؟! ،باص ،قطار ، سفينه ،تلفريك ....) الأكيد أنه لي تقريبا اسبوع أقراء في المنتدى شفت الأخوان والاخوات يتكلمون عن السويس باس ولا احد شرحه بالتفصيل اللي انا متأكد انه كثير من أخواني العرب المسافرين يرغبون في الحصول على معلومات عنه بالتفصيل ... مجرد رأئي الشخصي ممكن توافقوني عليه وممكن لا من حقكم .. واحد خايف ما أحد يعطيه وجه ... خ
فياليت اخونا المشرفين يحطون له موضوع خاص أمثال أخوي الكبير ابو عزيز ... اللي اتحفنا بواضيعه الرائعه مثل ( الكرافته , اللابستر ....)
هذا شيء .. ( السويس باس )
والشيء الثاني
اناا أفكر ازور سويسرا مره ثانيه بس المره هذي راح اتنازل عن كل شيء واحترم أراء اخواني اللي يفهمون اكثر مني ... أولهم زوجتي اللي على الأقل راحت 3 مرات على الأقل أكثر مني
ومتوقع الرحله تكون في شهر 7،8 ميلادي الجاي
بعد اطلاع وقرأه لبعض مواضيع الاخوان فكرت أزور المدن التاليه : جنيف كمحطه أولى ,لوزان،منترو , انترلاكن, زيرمات,شومني,انسي، واخيرا ايفيان مدينتي الرائعه بينا قصت حب .
بعد الاطلاع والبحث ما قدرت اوصل الى خط واضح من احد مدني اللي ذكرتها الى زيرمات وهذا إستفساري الثاني والاخير
اخيرا اسف على الإطاله واتمنى اكون ضيف خفيف عليكم أفيد وأستفيد منكم
لكم كل الشكر
اخوكم مستخدم أخر ولا أي مستخدم