أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
عزيزي هناك طريقان ..
الأول عن طريق الرياض -خرج - حرض .. طريق عادي ليس فيه خدمات الا ما قلّ .. وهو مليىء بالشاحنات و الرمال و الإبل والأفضل السير معه نهاراً..
الثاني عن طريق الهفوف .. طريق سريع في أغلبه و هو أفضل من الأول لكن يزيد حوالي المائة كيلو أو أكثر ..
رحلة سعيدة ,,
شف يالغالي بقولك الطريقين كلها وانا مجربها وانت اختار الافضل لك... الأول هو طال عمرك تطلع من الرياض باتجاه الخرج ومن الخرج تتجه لحرض ومن حرض للبطحاء ومن البطحاء اللي هي حدودنا مع الامارات للغويفات ومن الفويفات لابو ظبي ومن ابو ظبي لدبي... تعال نحسب المسافة.... الرياض__الخرج ******** 90 كيلو الخرج__ حرض********250 كيلو حرض البطحاء********265 كيلو البطحاء ابو ظبي******** 360 كيلو ابو ظبي دبي ******** 110 كيلو
90+250+265+360+110= 1075كيلو
وهالطريق من تطلع من الخرج لين توصل المنفذ حق البطحاء ماراح تلقى الا محطتين فقط قريبة من حرض والمحطة الثالثة بتلقاها في البطحاء على الحدود وهي ساسكو.... وبالنسبة للطريق مزدوج لين توصل الخرج ومن بعد الخرج لين توصل حرض مرة تلقاه مزدوج ومرة سيد واحد ومن حرض لين بطحاء سيد واحد وهالطريق بصراحة اذا نظرك مو زين لا تروح معاه لانه اسود ولا فيه لا خطوط بيضاء ولا صفراء ولاعيون قطط وكله شاحنات واغلب الاحيان عج... الطريق الثاني وهو تتجه من الرياض على طريق خريص وكنك رايح الدمام وبيجيك مفرق بعد 250 كيلو تقريبا اللي يودي على الهفوف ومن المفرق لين الهفوف 100 ومن الهفوف تتطلع لطريق سلوى 100 كيلو اذا وصلت سلوى واللي هي منفذنا لقطر اتجه يمين وواصل للبطحاء والمسافة بحدود 300 تقريبا ماني فاكر بالظبط واذا وصلت البطحاء المسافات الباقية مثل ماهي.. تعال نحسب المسافة من هالطريق... 0+100+100+300 +360+110= 1220كيلو وهالطريق احس من الاول لانه مزدوج من الرياض لين توصل الهفوف وشوي لين سلوى اما من سلوى لين توصل البطحاء والله انه سيد واحد ومعدوم... اذا لو جينا نحسب الفرق بين الطريقين نقول 1220- 1075 = 145 كيلو وصدقني اني زودت ومانقصت يعني ممكن يطلع الفرق اقل من 145 كيلو لانه انا عطيتك تقريبيا ويعني هو الفرق بين 100 الى 145 كيلو بس... يعني الفرق ساعة... وصدقني طريق الهفوف ازين لك واسالني والله مجربها وانا لوحدي ما معاي احد ومو جاي من الرياض جاي والله من الطائف ومرة من جدة فما بالك انت ومعاك اولادك.... نصيحتي رح مع الهفوف... اتمنى اني قدمت لك الفائدة وسلامتك
ابو فيصل111
للتصحيح فقط
طريق ابوظبي دبي توجد فيه العديد من المحطات الحديثة و التي توفر جميع الخدمات، علما بان بعض هذه المحطات تعتبر الأكبر على مستوى الشرق الأوسط حيث تعتبر مراكز تسوق مصغرة و انشاالله بتشوفها يوم بتشرف الامارات
تركي
اللي بالاحمر الا اصبح ((الطريق الدولي اللي يربط دول الخليج ببعضها)) من الاحساء للبطحاء سايدين ومريح ويمر بسلوى
اما اللي ماتفرق معه وبيختصر المسافه يروح عن طريق الخرج حرض البطحاء بين حرض والبطحاء تلقى محطه او محطتين وبعض الاماراتيين والعمانيين ياتون من هذا الطريق لقربه وكذلك لوجهتهم حيث يريدون الرياض ومن ثم الحجاز سواء للسياحه او للعباده ودائما ماتستضيفهم الخرج بفنادققها وشققها قبل تكملة مشوارهم او حتى عودتهم من مشوارهم الى بلادهم
يعني اللي بيجي من الياض الخرج حرض البطحاء حوالي من 970الى 980 ك م اقل مسافه للامارات
طريق الخرج حرض يوجد محطات ولكن متباعده حتى مركز التوضحيه وفيه دوريات لامن الطرق اي نقطة تفتيش وهنا اعتقد اخر محطه بعدها حوالي 90او 100 ك م لاتوجد محطات حتى حرض علما انه قبل حرض بحوالي 20 ك م يوجد نقطة تفتيش امنيه لدوريات امن الطرق
الطريق من حرض للبطحاء 255 ك م حسب اللوحه على الطريق طريق سيد واحد عيبه لاتوجد عليه عيون قطط خط اسود فقط وكذلك زحف الرمال على الخط وما تثيره من رياح بعض الاحيان وخصوا في النهار لاني مشيت الخط هذا اكثر من ثلاث مرات في الليل ولم اواجه رياح رمليه ولكن للعائله انصح بخط الهفوف البطحاء الدولي اما الزكرت اقرب لهم حرض البطحاء
الأول عن طريق الرياض -خرج - حرض .. طريق عادي ليس فيه خدمات الا ما قلّ .. وهو مليىء بالشاحنات و الرمال و الإبل والأفضل السير معه نهاراً..
الثاني عن طريق الهفوف .. طريق سريع في أغلبه و هو أفضل من الأول لكن يزيد حوالي المائة كيلو أو أكثر ..
رحلة سعيدة ,,