لعيونك دامك منشستراوي تستاهل يالتفصيل المل
اولا عيوني ترووح الى ايوستن ستيشن حقت القطاارات تقص تذكرة لندن مانشيستر ذهااب وعوده 63 باوند
حلوو طبعا ايوستن ستيشن ترووح لها من اي اندر قراوند ومنها تتبع طريق الترين اشارة حمرا خطين تتبعها وتاصل ساحه كبيرة منها ترووح تقص التذكرة
عندك اول قطار الساعه 6وثلث الصبح يعني لو ترووح على قطار 0900 احلا شي تاصل مانشيستر الساعه1124 بالضبط
وبعدين كل ساعه او نص سااعه قطار يعني لاتشيل هم اهم شي تعرف متى الرجعه اخر قطار من مانشيستر الى لندن
السااعه 2045
وياصل لندن الساعه1200 باليل تبي تبلش كل الاندرقراوند مسكر يكوون فاحسن ترجع بدري
اذا وصلت مانشيستر بيكاديلي ستيشن تركب المترو لنك ويوديك الى اقرب محطه لنادي المانشيستر اللي هي ترافولد
ومنها مشي الى النادي
الدخول للنادي من الصباح الى السااعه 5 عصرا قيمة التذكرة 12 باوند والاطفاال مجانا
جوله حليله اهم شي الميقا ستور
خلها اخر شي علشان ماتبلش بالاغراض وانت تتمشى بالنادي
تحياتي لك
واي سؤال حاظر
ولا تفوتك مانشيستر ترى حلوة مرة انا حبيتها اكثر من لندن
عندك ترافلوورد سنتر
وعندك دينزقيت لا طوفك المنطقه حلوة ورايقه
وكاست فيليد والبيكاديلي خلها يومين من العمر
ثامر السرحاني

اهلين اخوي ثامر
واقول انت والله شوقتني اكثر
على العموم يا طويل العمر وش سالفة البيكاديلي ؟؟
والله لا يهينك

البيكاديلي هذي محطة قطار بمانشيستر اسمها بيكاديلي
وبجنبها منطقة حلووة كفي ومطااعم واسواق
واذا تبي تقضى عندك برايم مارك مجمع كبير لا يطوفك طبعا
شي حلو
تحياتي لك

انا انصحك تحجزت جولة النادي من موقعهم على النت
لاني انا رحت و قالوا قل التذاكر sold out !!
بس ...
صديق لي راح الاسبوع الماضي و دخل النادي بدون حجز مسبق !!
ف يعتمد انته و حظك
و انتبه لما تركب القطار من محطة بياكديلي
في واحد يروح ب اتجاه النادي ... و آخر يروح في اتجاه مختلف
انصحك تشتري day pass ل قطارات مانشتر
لا تقول والله ما حد يسال عن تذكرة القطار
لإنه هناك امن عند كذا محطة يدخلون على الركاب و يسألونهم عن التذاكر
إذا كملت سيدة بعد محطة النادي ستصل إلى مركز تسوق ترافورد سينتر
بس لازم تركب باص من عند المحطة
و ب التوفيق