كل يوم ادخل ادور رد ما الاقي مو غريبه
ماكنت اتوقع انها صعبه على ناس مثلكم اذا المهمه صعبه علشان وجود سنغافورا خلاص ياريت لو تعطوني
خطه لتايلندا لحالها وكم ممكن تكون الميزانيه لمدة اسبوع واكون شاكره لكم تعاونكم
تحياتي .. لحظة حنين :smile105:

مرحبا اختي
اسفين لان محد رد - عني انا اول مره اشوف استفسارك مع اني يوميا هنا
لكن يلا حصل خير - اهم شي ماتزعليناولا : 10 ايام قليله بيكون تعب عليكم مايمديكم تقفلون الشناط الا تفتحونها ومرمطة حبتين-- اذا امكن تخلونها اسبوعين يكون احسنثانيا والاهم : الفيزا -تايلند لازم فيزا (تقدرون تاخذونها من مطار بانكوك او فوكيت)
والفيزا المعقده هي فيزة سنغافورا (لازم دعوة او حاجة زي كذا وهاذي تطلعونها من سفارتهم مدري قنصليتهم اللي بحي النعيم عندكم بجده )
عشان كذا اشوف انك تشيلي سنغافورا من راسك لانها ابدا ماتستاهل غاليه وصغيره تفرها بيوم واحد بس
اذا على ال10 ايام خليها كلها بتايلندالاجابه على استفساراتك :
شخصيا جربت طيران الاتحاد من جده (لكن) ما انصحك فيه جربي الاردنيه صراحه جدا رائعه وافضل من الاتحاد عن تجربه
مبدئيا ومن وجهة نظري بيكون خط الرحله كذا

• بانكوك (تواصلون الى فوكيت) بالطيران الاقتصادي اير اسيا

اهلين اختي لحظة حنين بصراحه توي الحين أقرأ موضوعك..
شوفي اختي انا ماسافرت لتايلاند ابد ولكن عندي خطه راح امشي عليها والتخطيط يتغير حسب مدة الاقامه
وانتي قلتي لمدة أسبوع راح تكونين بتايلاند ولذلك انصحك تقسمين الاياام وتكون النتيجه يومين في بانكوك
ويومين في بتايا ويومين في بوكت واليوم السابع والاخير تريحون انفسكم وتجهزون اغراضكم لمغادرة تايلاند
واللي اشوفه انا انك تضعين جدول لكم تمشون عليه كالآتي..::
اول ماتوصلون تايلاند على طول احجزو في بتايا لا تجلسون في بانكوك وتمشوا في بتايا لمدة يومين
وبعدها احجزوا على بوكت وتمشوا فيها لمدة يومين وآخر شي ارجعوا لبانكوك لانها محطتكم الاخيره
واجلسوا فيها ثلاث ايام يومين تتمشون وتتقضون بالاسواق من هدايا وغيرها واليوم الثالث المغادره منهاا
لان تتعبون اذا جلستوا في بانكوك وبعدين تروحون لبتايا وبعدها بوكت وترجعون مره ثانيه لبانكوك عرفتي
قصدي اختي...؟
بخصوص الميزانيه على حسب الاشخاص المسافرون ولذلك كوني على حذر من الميزانيه ودائماً
خذي احتياطك بالسفر من اموال.. قد تنسرق الفلوس لسمح الله و و و إلخ...؟
فانا اتوقع ان ميزانيتكم مع الاكل والسكن ومع التاكسي ماتكلف شي تقريباً 3000 إلى 3500 ريال سعودي
.. اترك التصحيح من الخبراء إذا كان هناك خطأ بتقديري للمبلغ وانا زدت المبلغ لتفادي غلاء الاسعار وغلاء السكن أخذت الاحتياط لذلك..
وميزانية الهدايا انتم اللي تحددون هالشئ..
وميزانية التذاكر على حسب الخطوط ( خطوط الطيران واي فئه ).. واعتقد 10 آلاف ريال سعودي كافيه جداً لسفرتكم ويمكن بزياده بعد وترجعون ان شاء الله للسعوديه ومعكم بعضاً منها ( اهم شي تسلفيني بس )..
أتمنى اني لم اطيل عليكم برردي.. ( إن وفقت فمن الله وإن أخطأت فمن نفسي والشيطان )...!!

*saly*
الف شكر اختي سالي على مرورك اخيرا احد اعطاني وجه
بالنسبه لعدد ايام الاجازه انا للحين مو متاكده منها لانو على حسب مايعطون زوجي اجازه رح نقضيها كلها بالسفر ممكن تكون اكثر
بالنسبه لسنغافورا انا ودي اروحها وعلى قولتك ماهي في شيلتنا وحطتنا علشان كذا قررت تكون زيارتها مع دوله من الدول المجاوره مرح نجلس رايحين جاين والتذاكر غاليه وهي ماتسوالها الا يومين او ثلاثه فاكيد رح يكون القسم الاكبر من الايام لتايلند..
بس ياريت توضحين لي بعض النقاط اذا مافي مانع :
اولا" طيران الاردن هل هوه دايركت لبانكوك يعني جده بانكوك على طول ؟؟
ثانيا" انا حابه ازور بانكوك وفوكيت وشنق ماي كيف اوزع الايام عليهم ابتدا من بانكوك اذا كانت الاجازة لمدة اسبوعين وطبعا لاتنسين سنغافورا

لحظة حنين
صباحك ورد اختي .. لحظة حنين
مافيه طيران دايركت من جده الا الخطوط السعوديه وهاذي صعبه شوي بما ان السعوديين ممنوعين من السفر لتايلاند
(جده-عمان-بانكوك) بس الخطوط الاردنيه ارجع واقول انها روعه
بالنسبه للطيران السابق هو اير اسيا

اقترح عليكم تلغو سانغفورا نهائيا إلا إذا عندكم شغل هناك
عشره أيام يدوب تكفي تايلند
أقترح عليكم الذهاب على اتحاد طيران من جده مواعيدها على بانكوك مرره حلوه
وتكون الرحلة مواصلة من المطار على شنغماي 3 أيام ومنها على بوكيت 4 أيام والباقي في بانكوك ثم العودة
أما المصروف بدون تذاكر على حسب الفندق والرحلات لكن أعتقد 1200 ريال يوميا شامل السكن طيب ومعقوله إذا الفنادق متوسطة .
وبخصوص التأشيرة تاخذوها من المطار بس خذو معاكم صور شخصية و 1000 بات لكل جواز
وأي استفسار حاضرين
بالسلامه

صباح الفل والياسمين اخت سالي ..
اشكرك على اهتمامك وسعت صدرك الله يجعلها بميزان حسناتك يارب ..
بالنسبه يالغاليه للخطوط انا اعتمدت بأذن الله خطوط الاتحاد مثل ماوصيتي
وابشرك زوجي قالي اليوم احتمال تكون الاجازه اسبوعين علشان كذا خلينا نبحبحها شوي
والبنسه لسنغافورا احتمال نلغيها يقولي خليها مره وحده مع ماليزيا بسفريه ثانيه خلينا على تايلند
واذا فيه دوله صغيره تكون قريبه ننقزلها يومين وتكون بمستوى تايلند من باب التغير
فأيش تقترحين علي خطه في هالاسبوعين ياحلوه
لك مني جزيل الشكر ..
تحياتي .. لحظة حنين :smile106:

سوديرمان
اشكرك اخوي سوديرمان على مرورك بالنسبه للطيران ان شاء الله يكون طيران الاتحاد
والرحلات مثل ماقلت مره حلوه انا شيكت قبل كذا على الخطوط الاماراتيه لاني بصراحه ارتاحلها بس كان الترانزيت لمدة يوم كامل هذا بالنسبة للاسعار الاقل اما الترانزيت العادي قيمة التذكره 9000 ريال وانت طالع يعني راحت الميزانيه وانا معاي طفل صغير ومرح يتحمل هالسفريه رح تكون متعبه فكانت فكرة طيران الاتحاد جميله جدا ..
اما الخطه اللي حطيتها حلوه بس فيه سؤال هل بتايلند مافيه الا هالثلاث المدن اللي تستحق الزياره ؟؟
اذا في غيرها ياريت تفيدوني ..
ولك جزيل الشكر ..
تحياتي ..

صباحك سكر
طيب وش رأيك تروحين بهالاسبوعين ل (ماليزيا-تايلاند ) تشوفين الاثنين بوقت واحد
اسبوعين تمام
بيكون الطيران --الاتحاد
الذهاب (جده-ابوظبي-كوالا)
العوده (بانكوك-ابوظبي-جده)
سعر التذكره 2750 ريالالاقتراح الاول :
4 ليالي كوالا
4 ليالي لنكاوي -- او تحطين مكانها تشانغماي
4 ليالي فوكيت
2 ليله بانكوك
بالنسبه لفوكيت (تايلاند) تغني عن زيارة بينانج (ماليزيا) لانها هي الافضل
اذا ودك بشنغماي -- خلي كل السفره هذي لتايلاند لانه يادوب وماليزيا تروحي لها مره ثانيه
اسبوعين بتايلاندالاقتراح الثاني :
4 ليالي تشانغماي
5 ليالي فوكيت
2 ليله كرابي ( تروحين لها بالباص من فوكيت )
3 ليالي بانكوك---الاقتراح الثالث : وهو الافضل من وجهة نظري