تحية طيبة :
اهلآ و سهلآ بكم بمنتداكم .
و ارفق لكم مشاركة احد الزملاء ، و يمكن تفيدكم لاستفساركم ، و تفضلوا الرابط الخاص بذلك :https://artravelers.com/p/re/413916
تحياتي ،،،

ابوعبدالله افاد الله ينور عليه

اخوي لا تعتمد كثير على مواقع النت في حجوزات الطيران
م ليتك خبرتنا انت من وين بالضبط في السعوديه
بس اذا كنت من الشرقيه ماودي احبطك لكن اغسل ايدك
انا حفيت لين حصلت حجز على طيران الخليج من البحرين وبسعر 2050 ريال للتذكرة الوحده
الخطوط السعوديه كان بالموقع يعطيني انه متوفر بدرجة البزنس بسعر 2600 تقريبا او حولها ما اتذكر المهم اني بالصدفه كنت ماشي بالسياره ومريت جنب مكتب توكيلات سياحيه اعرفه وكل مره اسافر اشتري تذاكري منه
ولما دخلت وقلت له ابي القاهره يوم ثاني العيد وبالتحديد 12 سبتمبر بحث وبحث وبحث
مافي إلا عن طريق طيران الخليج
وقلت له الخطوط السعوديه بالانترنت فيه قالي بس حسب الي عندي مافيه وسالت قريب لي يشتغل بالخطوط بقسم الحجز وقلت له السالفه قالي صحيح كلامه الانترنت ماهو دقيق دائما وكثير مشاكل تواجهها الخطوط بسبب الحجز عن طريقه
هذا والله اعلم
ف نصيحتي لك روح اقرب مكتب سفريات لك وخله يرتب لك الحجز اريح لك واختصارا للوقت

طيب انا فالرياض وابي مكتب احجز منه يعني وين اروح وش تنصحوني فيه

wwm
تحية طيبة :
انصح بالحجز عن طريق الشركة العربية لخدمات المسافرين ، و تقع هذه الشركة بالرياض ، و بالتحديد بالملز بشارع الاربعين قبل الوصول لاشارة شارع الاحساء و انتم متجهين شرق ، و يوجد فرع اخر للشركة بالعليا بعد ترك اسواق الاندلس على يساركم و انتم متجهين شمال بعد الاشارة مباشرة ، و مقابل مواقف الجريسي .
تحياتي ،،،

الله يعطيكم العافيه ويجزاكم خير

الشايب العاشق
العربية تحجز على اي خطوط ؟ وبكم اسعارهم بالعيد
ولك الشكر