السلام عليكم
اذا حجزت من بلدك اسالي المكتب عن كل التفاصيل من حيث الوقود( بنزين او ديزل) والجير (عادي او اتوماتيك) التكييف عدد الاشخاص وعدد الحقائب
عموما اغلب السيارا ت هي ديزل بس لازم تتاكدين من المكتب ( في مكاتب في محطة القطار بالسنتر)
وكذلك تاكدي من نوع الجير ( عادي او اتوماتيك) هل تعرفين تسوقين عادي لان اغلب السيارات هناك غيار عادي مع وجود اوتوماتيك
نصيحة خجزي من بلدك واستلمي هناك لان احيان تكون الاسعار متفاوة هناك (حسب وجود سيارات من عدمه) في حالة توفر السيارات اسعار رخيصه انت وحظك واحيانا لا تتوفر السيارات وراح تلفين وتدورين السيارة التي تناسب عائلتك
كما قلت الافضل من بلدك وتروحين مطمنة ملاحظة اذا حجزت سيارة من المطار لازم تحسبين حساب الشنط الكثيرة اللي معك
السلام

السلام عليكم
نعم ممكن السفر بالسيارة من ميونخ الى اوربا بس لازم تتاكدين قبل الحجز لانه في بعض الدول غير مسموح مثال انا حجزت سيارة عن طريق avis وقالو لي لا تروح التشيك ممنوع
لازم السؤال قبل الحجز ولاتنسين الكراسي الخاصة للاولاد الصغار (ديري بالك ممنوع وفيها مخالفة كبيرة)

شكرا لك يابو أحمد .. لفت نظري لأمور مهمه .. كل الشكر لك
طيب أنا بحجز من الويب سايت لشركة https://www.hertz.com .. وكل سياره يكتبون عنها معلومات..لكن ما شفت شي عن البنزين والديزل =(
وآسفه على الازعاج
وعسى ربي يتمم السفره..ويتوقف زحف الدخان على اوروبا =(
.

السلام عليكم
مثل ما قلت لك اغلب السيارت ديزل
ممكن الاتصال بهم قبل او اثناء الحجز على الشركة وطلب منهم ان تكون السيارة ديزل
هل تعرفين تسوقين الجير العادي لان اغلب السيارات غيار عادي
لاتنسين تاخذين GPS معاك او تطلبين تاجير من الشركة
لاتنسين تاخذين اجازة سياقة دولية
لاتنسين تطلبين كراسي للاطفال
افضل شركة للحجز من الكويت Avis مقارنة مع الاخرين من حيث السعر
وحسبي حساب الشنط من المطار

كل الشكر لك يابو أحمد..أتعبتك معي :57bi6:

السلام عليكم
نو بربلمو
عسى الله يوفقكم بالرحلة وتردون سالمين غانمين