نشر في الرياض

كويتية بتروح الرياض وعندها جم استفسار

كويتية كوول

04-09-2022 - 02:40 pm

السلام عليكم اخواني شلونكم
ان شاءالله ناوين نزوركم وعندي جم استفسار:
صج اني طبيت الرياض الحبيبة اكثر من مرة والله يا ناس احبها وما امل منها
بس في سوق اسمه سوق المعيقلية رفيجاتي يتكلمون عنه يقولون حلو
ودي استفسر شنوفيه وين مكانه ..
وابي سوق يبيع بدلات بيضة لعرايس وين ؟
وسلامتكم
شكرا عالمرور

التعليقات (9)

معك التحية

04-09-2022 - 05:57 pm

حياك الله بالرياض والله يزيد نورها بزيارتكم 00 سوق المعيقلية سوق شامل فيه كل انواع البضائع لكن يركز على الأشياء الشعبية ستايله مختلف عن المولات وموقعه جنوب الرياض منطقة الديرة على امتداد طريق الملك فهد0

سعود من نجد

04-09-2022 - 06:58 pm

هلا والله وغلا با الكويت واهله 0 سوق المعيقليه سوق يغلب عليه شعبي وبيع با الجمله وموقعه وسط البلد على طريق الملك فهد جنوبا

وايرلس

04-09-2022 - 07:59 pm

حياك وبياك ومن الشر نجانا ونجاك كويتيه كول
غاليتي تجدين سوق المعيقليه على طريق الملك فهد وأنتي بإتجاه الجنوب يوجد سوق مكه على يمينك قبل الوصول
لسوق مكه تأتي إشاره خذي جهة اليسار بإتجاه الشرق وتجيك أول إشاره خذي يسار سوف يكون سوق المعيقليه أمامك
وياربي يوفقكم ويسعدكم وتقضون أحلى إجازه صغيره بالرياض
بس ماشاءالله تبارك الله بلدكم أحلى من ناحية الأسواق الفخمه

ديما الفهد

04-09-2022 - 09:00 pm

يامرحبا اختي فيك بالرياض بالنسبه للبدل البيضاء اغلب اللي بالرياض اقمشه وتتفصل بدل للزواج وانصحك بالعيسائي اللي بالعلياء مول والمعيقليه الصراحه المميز فيها محلات العود والعطور المخلطه والاشياء الشعبيه زي ماذكروا الاخوان اتمنى اكون قدرت افيدك لو بالشى البسيط

كتكات783

04-09-2022 - 10:01 pm

هلا وغلا بأهلنا أهل الكويت
المعيقلية مثل ما ذكروا الإخوان بالنسبة للموقع
شفتي سوق المباركية عندكم نفس ستايل المعيقلية عندنا بس على أكبر وأكثر تنوع ويبيله من العصر تبدين تفترين فيه
زرت المباركية أكثر من مرة المعيقلية لا يقارن أبدا بالمباركية من حيث التنوع الشامل بالبضائع المختلفة صدقيني راح تستمتعين كثير بالمعيقلية

نوف2008

04-09-2022 - 11:02 pm

حياك اختي .. بتنور الرياض
والاخوان ماقصرو .. والبدل البيضا حسب
اذا تبغين مصممين عندط طريق العليا العام والله يوفقك

*بنفسج*

05-09-2022 - 12:03 am

كولولليش .. يافرحتنا بتنورين الرياض :icon_chee
زي ماقالوا الأعضاء سوق المعيقليه سوق شعبي ..
ام بالنسبة للبدل البيضاء لو حبيتي شي جاهز عندك ..

عماير السيركون راح تلاقين فيه محلات كثير وأنا شخصياً يعجبني (الغرفة الذهبية ) و (اللمسة المخمليه )

أحلى محليّن هناك ..

طريق العليا العام فيه كم محل من ضمنهم (مصمم ) لاحمد بدوي ..
وفيه محل بالعليا العام مره حلو لايفوتك بجنب ميلانو سكوير ومقابل برج المملكه فيه بدل العرايس وحتى

الصنادل وكل شي مرتبط بشكلها ليوم الفرح .

سنتيريا حلو مره .. تقاطع التحليه مع العليا العام ..
القرعاوي غاليريا فيه محلات حلوه وراقيه .
مركز نجود
فيه محل موجود بمملكة المرأه خاص بالعرائس وراح تميزيه لانه الوحيد الموجود بمملكة المرأه .
ساكس فيفث آفنيو بالمملكه.
فيه محل بسمة الجزائري وموجود بالسليمانيه بجانب المطعم التركي ..
وفيه محلات بالعليا مول وحياة مول الدور الثاني ..

أما بالنسبة لأقمشة البدل البيضاء ..

محلات الأقمشة بالعليا مول + والأندلس

وإقامة سعيده ..

كويتية كوول

05-09-2022 - 01:04 am

اخواني ((معك التحية , سعود بن نجد , وايرلس , ديما الفهد , كتكات 783 ونوف 2008 , بنفسج ))
ماقصرتوا عالمرور والمشاركة والمساعدة بعد والله العظيم اخجلتوني .
واكيد الرياض منورة بأهلها اللي احبهم واموت فيهم

Stylish Girl

05-09-2022 - 02:05 am

حياك الله منوره اختي الرياض والسعوديه ديرتك الثانيه ويا حيا الله اهل الكويت الغالين ,,
انشاالله الاخوان ماقصروا معك .. واي استفسار انا حاضره ..
وشكرا

الرياض المسافرون العرب

كويتية بتروح الرياض وعندها جم استفسار