بتايا تبعد عن بانكوك ساعتين بالسياره ولكنها شبابيه اكثر بس تقدرون تروحون الى جزيرة كوشانج وحدائق التماسيح وفي طلعات سياحه حلوه هناك اما كوسوماي بعيده حوالي ساعه ونصف بالطائره

صدقوني بتايا ماتصلح نهائيا للعوائل لأنها منفتحة زيادة عن اللزوم في كل الأماكن وفي كل الشوارع
يعني أنصحك في كوسوموي وبوكيت وشنق راي

بتايا ((للشباب)) واللبين بالاشاره يفهمو ..!!
أقصد للشباب انها منطقه منفتحه على الاخر يعني ماتنفع لعائله تتكون من نساء+بنات وشباب مراهقين والأسباب معروفه
وبالاخير كل واحد عقله براسه ويعرف خلاصه .. والله تعالى رقيب كل نفس وما تفعل

قوة ريوومة
اذا ودج تريحين يومين او 3 انصحج فى جزر كوسموى او كوشانج
كوسموى ممكن تروحين لها بالطيارة او العبارة
اما كوشانج ممكن بالطيارة او بالسيارة
الثنتين جزر حلوة وهادية خصوصا للمعاريس اما بانسبة لبتايا حلوة وايد وفيها اشياء وايد ممكن تزورينها بس مو هادية مثل ماتبين
اما موضوع المنطقة متحررة او لأ ودى اقول لج شى تايلند بلد سياحى ومتحرر يعنى الشرب والسهرات ولبس المايوهات او الملابس الى ماتعودنا نشوفها بالخليج كل هذا عادى عندهم وكل منطقة بتايلند فيها هذى الشى
بس بعض الشباب يبعدون العوايل العربية عن بتايا لسبب واحد لأن الشباب العرب كلهم هناك ومايبون العوايل يشوفون خمالهم !!!
فياريوومة قلتلج عليج بالجزر ترى وايد هادية وحلوة ومريحة
بوفهد

مرحبا اختي ريوومه
اذا انتي في بانكوك و ما ودك تروحي بتايا لانها شبابيه ولا جزيرة كوساموي لانها بعيده والوصول اليها فقط بالطيران الداخلي افضل لو تروحي منطقه تدعي ب (كوشنابوري)
وهي تبعد حوالي 3 ساعات عن العاصمه بانكوك
وهي تتميز بالطبيعه الخلابه و الانهار و الشلالات و البيوت العائمه و الكهوف و الاسواق العائمه و
والجو الحين هناك روعه
وبصراحه المنطقه عائليه 100%
واذا ارتي اتشاهدي بعض الصور لكوشانبوري ادخلي هذا الرابط
https://artravelers.com
السموحه على التاخير اي استفسار انا حاضر

اختي نصيحه لاتروحي بتايا مره مقرفه وهي اقذر منطقه شفتها وفيها فساد اكثر من اي منطقه بتايلند
انا رحتها الصباح وجلست اربع ساعات ورجعت
انا باقيلي 4 ايام في بانكوك لي اسبوعين فيها ابغى مناطق قريبه زي بتايا وش فيه مناطق؟؟