بسم الله الرحمن الرحيم
والصلاة والسلام على رسول الله
هذا التقرير البسيط المصور عبارة عن رحلتي إلى كوريا الجنوبية واليابان
الرحلة كانت من تاريخ 31 يناير 2011 إلى 10 فبراير 2011
مثل ماتلاحظون ان الرحلة صار لها مدة ويمكن تعتبرون التقرير قديم شوي
ولكن لإنشغالي بأمور الدراسة وآخر ترم بالجامعة هو اللي خلاني أتأخر بالتقرير
ولكن على قول المثل . . أن تصل متأخراً خير من ألا تصل ابداً
تقريري سيفيد العزابية اكثر وخصوصا "المطفرين" مثلي الذين يبحثون عن ارخص الاسعار لكن مع ضمان الجودة بنفس الوقت
لذلك راح تحصلون الأسعار الكلية دائماً أقسمها على 2 . . وهو عدد الأشخاص في هذه الرحلة
ماراح اسرد المعلومات العامة عن كل دولة من ناحية التعامل واللغة والفيزا لأن كل شي مذكور في التقارير السابقة للأعضاء
انا هنا حبيت فقط اذكر تجربتي
فقط احب اذكر انه في وقت رحلتي كان الجو جدآ بارد وخصوصاً في سيؤل
هذي صورة ترحيبية في المطار توضح درجة الحرارة 1- في عز الظهر
في البداية احب اتوجه بالشكر للأخت سارونه على تقريرها الخيالي واللي فادني بشكل كبير
تقرير الأخت سارونه :
https://artravelers.com/p/re/387216
وأيضاً أشكر الأخ Mr. jo على تقاريره ومعلوماته اللي فادتنا كثيرا
اتمنى انكم تستمتعون بالتقرير
والسموحة اذا حسيتوا ان التقرير بدآئي شوي لأني اول مرة اكتب تقرير بمنتدى
بسم الله نبدأ
الطيران
مسار الرحلة
الإقلاع من الدمام إلى ابوظبي على طيران الاتحاد يوم 31 يناير . . آخر العصر تقريبا
الانتظار حوالي ساعتين ثم . .
الإقلاع من ابوظبي إلى سيؤل (مطار Incheon) والوصول حوالي الساعة 12:30 ظهرآ يوم 1 فبراير
الإقلاع من سيؤل (مطار Gimpo) يوم 5 فبراير آخر العصر إلى طوكيو (مطار Haneda) عبر الطيران الكوري
الإقلاع من طوكيو (مطار Narita) يوم 10 فبراير حوالي الساعة 9 ليلاً إلى ابوظبي والوصول بعد منتصف الليل بتوقيت ابوظبي
الانتظار حوالي 4 ساعات ثم
الإقلاع فجر يوم 11 فبراير من ابوظبي إلى الدمام
عدد الأشخاص في الرحلة/ 2
أسعار التذاكر
طيران الاتحاد/ 4138 ريال للشخص
الطيران الكوري/ 1365 ريال للشخص
المجموع الكلي للطيران/ 5503 ريال للشخص
السكن
سيؤل (كوريا)
Koreana Hotel
يقع في منطقة myeong-dong الجميلة
الفندق يعتبر 4 نجوم
نوع الغرفة: business room
كنا في الاول حاجزين standard room لكن بعد فترة من الحجز صار فيه خصم وصار سعر business نفس سعر standard ف كنسلنا الحجز وحجزنا مرة ثانية business
طبعاً standard room بعد الخصم صارت اقل ب 800 ريال تقريبا بالنسبة للسعر الكامل
لكن حنا قلنا دام قدرنا على السعر الاول . . ف خلنا ندلع انفسنا شوي
السعر ل 4 ليالي كاملة/ 2340 ريال
يطلع على الشخص الواحد 1170 ريال
سكن في 4 نجوم وبالقيمة هذي . . احس كنا مرة موفقين ولله الحمد
الفندق مرة حلو ونظيف وموقعه بعد حلو وعلى شارع رئيسي وعلى بعد امتار قليلة عن محطة ميترو وفي منطقة راقية وانصح فيه وبشدة
صور الفندق
اليابان (طوكيو)
Hotel Sunroute Higashi Shinjuku
يقع في منطقة شنجوكو
الفندق 3 نجوم
فيه نوع من الغرف اسمه Economy ما انصح انكم تآخذونه لأنه مرة ضيق لدرجة اننا ماقدرنا نصف جنب بعض نصلي ولا حتى فيه مكان للسجود
جلسنا ليلة فقط ثم طلبنا تحويل للغرفة الأعلى منها وهي Standard twin bed
حتى الغرفة الجديدة تعتبر صغيرة لكن اهون من الأولى . . وعموما اليابان اغلب غرفهم صغيرة
السعر ل 5 ليالي كاملة/ 2150 ريال
يعني على الشخص الواحد 1075 ريال
الفندق جيد لكن احس انه كان بمقدورنا نلقى افضل منه بنفس السعر او اكثر بقليل
فيه مشكلة ألا وهي الازعاج من الشارع . . نص الليل كله اصوات بواري وشرطة واسعاف
يعني لو احد قرر يآخذ من هالفندق . . افضل شي يطلب غرفة ماتطل على الشارع
صور الفندق
والآن راح ابدأ بسرد الأنشطة اللي سويناها في الرحلة بشكل مختصر بحسب ترتيب الأيام
كوريا
اليوم الأول – 1 فبراير
وصولنا كان في وقت حلو وهو اول الظهر
لكن محدثكم من النوع اللي ماينام بالطيارة ف كان اول يوم متعب بالنسبة لي عشان كذآ كانت ال activities قليلة
اول نشاط سويناه هو تمشيط منطقة الفندق مشياً على الاقدام
ماخلينا شبر ولا داعوس ولا زنقه إلا مريناه
وهذي بعض الصور . . معظم الصور فيها خششنا وحنا نخاف الفتنه عليكم عشان كذا الصور قليلة
تمشيطنا للمنطقة استمر حتى الليل
وحنا نتمشى كنا ندور مكان نشتري فيه تذاكر Nanta show والحمد لله حصلنا وشرينا تذكرتين
نوع التذاكر/ vip
سعر التذكره الواحده/ 60000 وون
تقريباً 210 ريال
التذكرة العادية اتذكر انها اقل ب 15000 وون
يعني فرق بسيط . . عشان كذآ انصح اللي يروح يآخذ vip لأن جلوسك امامهم مباشرة متعة ثانية
هل انصح بحضور Nanta show ؟ نعم وبشدة
لو حصل لي زيارة ثانية وثالثة ورابعة ل كوريا . . راح احضر Nanta show في كل زيارة من كثر ماهو ممتع
ملخص اليوم الأول – 1 فبراير
· تمشيط المنطقة المحيطة بالفندق myeong-dong
· عرض Nanta show 60000 وون للشخص
اليوم الثاني – 2 فبراير
بدأناه بزيارة قصر gyeongbokgung
وهو جدآ قريب من الفندق
اول ماتطلع من بوابة الفندق وانت على الرصيف . . تلتفت يسار وتشاهد القصر
القصر جدآ عظيم وكبير
اللي يحب التراث وال culture راح يعجبه القصر
وحطو ف بالكم انو راح يآخذ وقت منكم وانتم ماتحسون
رسوم دخولية القصر 3000 وون للشخص
تقريبا 10 ريال