المغادرون 2007
15-11-2022 - 12:10 pm
السلام عليكم ورحمة الله وبركاته
احتاج مساعدتكم ياغالين
لي صديق كندي يبي يجي السعودية في مهمة عمل لمدة يوم واحد في جدة لكن بيجلس 5 أيام
أبغى أسوي له برنامج سياحي في جدة وماحولها اتمنى تساعدوني وين الأماكن اللي ممكن أوديه لها؟
علماً بأنه أول مرة يزور السعودية وربما الشرق الأوسط كله
بانتظاركم طاب مساؤكم
منور البوابة بتواجدك
عاد سائح كندي مره وحده .
هذا يبغالة برنامج مرتب جدآ جدآ
على حسب كلامك انه بيكون يوم واحد ,,,
طبعآ ما يكفي عشان كذا لازم يكون برنامج مضغوط من الصباح للمساء
صباحآ // الفطور ( فول + معصوب ابو زيد )
زيارة المنطقة التاريخية في البلد ورؤية المباني القديمه وكمان
عشان يشتري بعض الشغلات المميزة في السعودية
زي الشماغ والثوب .. او مثلا الجلابيات النسائية وغيرها
( باب شريف ,, باب مكة ,, )
ظهرآ // الغداء في مطعم البيك الشهير ,,,
اهم شئ تذوقه المسحب الحراق
الاستراحه في الفندق إلى فترة العصر و
جولة على كورنيش جده تنتهى بأبحر الشمالية
زيارة كنز ابحر لو حابين تاخذوا جت سكي او بوت ( بعدهآ تشربوا شئ بارد او ايسكريم )
لا تنسى تذوقة البليلة ... شئ مهم ترى ...
بعدهآ انصحك تروح القلزم ( مأكولات بحرية )
عاد قوية بحقك لو يجي جده ما يذوق الهامور المشوي والرز الصيادية )
كان ودي اقلك ودية الحمراء عشان يشوف نافورة الملك فهد
لكن وضع الكورنيش هناك مرره سئ ...
منطقة غير منظمه هذا غير الروائح
+
لو عندك وقت وكان شاب صغير ومن محبي المغامرات تودية ملاهي الشلال
فيها العاب كثير حلوه ومميزة ,,,
ان شاء الله ينبسط بالجولة وياخذ فكرة حلوه عن البلد
اهم شئ تبعده عن الشغلات السلبية ,,,
حاولت تبين له ان البلد واو // شئ روعه
بالتوفيق لك اخوي ,,,
لو عندك اي اقتراح او تعديل ما يخالف قول ونتشاور بالامر