بسم الله الرحمن الرحيم
بعد الصلاة والسلام على رسول الله صلى الله عليه وسلم . اتقدم بشكر الجزيل لمشرفي واعضاء هذا المنتى الرائع فهذهي اول مشاركه لي لكن الحق يقال اني سرقت منه الكثر من المعلومات في اغلب سفرياتي .
وبنسبه لتايلاند فأنى فعلاً كنت اخافها فالكلام الذي اسمعه عنها كان فعلاً إخوف .
لكن في اجازة الصيف الماضي ذهبت إلى مكتب الحجوزات كنت ناوي اروح للهند (كوتشي ) كيرلا قالي الموظف فل قلت طيب اندونيسيا لكن ماحصلت حجز كنت اشوي متأخر في الحجز وكنت ناوي بأذن الله اني اسافر ومعزم بيني وبينكم انصدمت يوم قالي مافيه حجز :112: قلت في نفسي وش السوات الحين يعني تبي تروح الأجازه علي كذا قلت في نفسي طيب نتنازل اشوي قلتله طيب مصر قال نفس الشي مافيه الصراحه اني انقهرت :112:
جلست افكر اشوي وجت براسي بانكوك قلتله طيب بانكوك جلس يطق طق في الكيبورد قالي فيه قلت هاه تدري احجز لي قلي كم يوم قلتله 15يوم حجزلي وما اخفيكم كنت ناوي اروح ماارجع ثاني مره لأني اخاف من اسمها مو عاد اروح لها فجلست افكر وافكر قلت في نفسي مالي الى الله ثم المنتدى خل نشوف وشي من لحيه إلي هي تايلاند دخلت وبديت في المنتدى وبدأت اقرأ واقرأ واثر الوضع تمام توكلت على الله وجزمت على الروحه بعد ماصليت صلات الأستخارة رجعت بعد كم يوم لمكتب الحجز وقلت عطني التذكرة .
وعلى فكرةتراني ناوي اروح لحالي مامعي إلى الله سبحانه وهذي ماهي اول مره اروح فيها بس بيني وبينكم الديره ذي بالذات كنت خايف منها مما اسمع من الناس .
لكن الحق يقال الديره مره حلوه وفيها امان ولله الحمد وكل شي متوفر فيها من ناحيت الخدمات والتسهيلات .
داري اني طولت عليكم بس حبيت اشارك واشكر هذا المنتدى ومشرفيه و اعضائه على مايقدمنه من معلومات افادتني كثيراً .
وعندي استفسار اذا ما اكلف عليكم ان شاء الله ناوي اروح لها في اجازة الصيف الجاي ومخطط تكون سفرتي عشرين يوم ان شاء الله 5 ايام بتايا 5 ايام بوكيت وبعدين بانكوك 3 واحتمال ارجع بتايا
بس عندي سؤال الروحه من بتايا إلى بوكيت الباص كويس او الطيارة وذا قلتو الطيارة فأحسن احجز من هنا او من هناك واذا قلتو الباص فا وش الطريقه الكويسه
وذا فيه اي نصيحه فلاتبخلون علينا فمنكم نستفيد من ناحيت السكن في بوكيت و بانكوك وياليت يكون السعر مناسب وشكرأ للمتابعه وآسف على الأطاله
أخوكم جوال آسيا