مسا الخير للكل
انا سالفتي سالفه واكثر واحد محتار بالعالم
انا توني متزوج من 4 شهور تقريبا وسافرت شهر عسل وماكان بالنسبه لنا ممتع والسبب العمل ومكالمات العمل لي باستمرار ووقت اجازتي كان بس 12 يوم وحسيت انه كان غلطتي بس هذي مشكلة اللي يكون على الكول
على العموم انا وعدت المدام اني اعوضها وكنت مخطط بشهر 11 جوله اوربيه بس الحمدلله بشهر 11 ماظبطت وماظن انها بتتم الا على السنه الجايه
الحين جلست اخطط بين وجهتين مع اني افضل الاولى اللي هي بيروت ودبي
دخلت على تقارير بيروت ماشاء الله الشباب ماحد قصر بس زي ماقلت لكم احيانا الواحد يحتاج يستفسر
استفساراتي هي :
انا محتار بين اوتيل وبين الشقق الفندقيه لو غرفه وحده (سويت)
طبعا قلت بما اني من زمان عن بيروت احس اوتيل أأمن واريح نفسيا فاحترت بين 3 اوتيلات اللي هي موفنبيك ,, سفير ,, ارجانا اظن اسمه كذا
الشي الثاني اني اسكن باوتيل 4 نجوم واستأجر سياره مريحه بما اني بكون بالسياره كثير طبعا الواحد يحتاج سياره مريحه
فعندي شغلتين الاولى اني اختار اوتيل 5 نجوم ومايتعدى سعره 220$ وسياره ماتتعدى 100$ والشغله الثانيه اوتيل مايتعدى سعره ال 160$ وسياره كويسه
طبعا انا اول مره اسافر بيروت واسوق فيها وما ادري وش جهاز النفقيشن اللي اشتريه ياليت اذا في احد يفيدني بهالموضوع
ما ادري اذا فريا فيها ثلج الحين او لا خصوصا اني اشوف درجة الحراره في فريا تقريبا 16 عن طريق مواقع الطقس اتمنى الافاده
مدة اقامتي بلبنان تقريبا 7 ليالي تنصحوني اخليها كلها باوتيل واحد ولا اغير اخليها اثنين وبمنطقتين .؟
تقريبا هذي اهم الاشياء اللي ابي استفسر عنها
الموضوع كتبته بمنتدى الاستفسارات ليه جا هنا ما ادري
والله يعطيكم العافيه