اهلين عزيزتي ..
فندق كمبنسكي من احلا و امتع الفنادق اللس سكنتها ..
انا جربت جونيور سويت ..
سعره كان 2500
الحين اكيد ارخص بالصيف ..
السويت يتكون من غرفه لشخصين .. و الصاله فيها سوفا بيد ..
و انتي بكرامه الحمام واحد بس مفصول التواليت عن المغاسل و الشاور ..
اتوقع لو تاخذون غرفتين افضل ..
و ما ادري لو فيه جناح غرفتين ..
بس اللي شفتهم و جربناهم .. اجنحة رجال الاعمال اللي تكون مره كبيره و فيها غرف فيها طاولات كبيره للاجتماعات ..
بس ماكانت حلوه ..
الغرف العاديه و الجونيور سويت افضل منهم ..

جونيور سويت .. سعره معقول
بس ماادري هل اقدر افتح اثنين ع بعض والا كيف؟؟

ايوه فيه امكانية ..
اللي اخذناه كان له باب على واحد زيه بالظبط ..

بعض الاجنحه تكون ( متصله ) بغرفه نوم ... هذا بيكون اوفر لكم من سويتين
(السويت 3 اشخاص والغرفه شخصين )
بيكون السعر اقل من جناحين متصله .
بعض الفرف صغيره وسبق وشفتها قبل كذا وفضلت ميناء السلام عليها .. لكن الفندق حلو
للناس اللي جايه فتره قصيره ( سوق ومطاعم وسينما ) وما تبغى زحمة الشوارع والحر والرطوبه .
ممكن يكون فيه بديل وبنفس المميزات فندق الانتر او الكراون ( جوار سوق الفيستيفال ) وها السوق
هادي وفيه مطاعم وسينما وجديد .. او فندق قريب من مول الامارات في حال عدم وجود حجز في
فندق كمبنسكي ..
هذا رابط لفندق الكمبنسكي دبي بالعربي وفيه وصف ل انواع الاجنحه والغرف والاسعار ..
فندق كمبنسكي ... دبي مول الامارات https://secure.kempinski.com/booker/ar/index.htm

fahad31
الله يجزاك خير
فعلا رحلتنا قليله 5 ايام واغلب الوقت بنكون متواجدين في مول الامارات
لذا نفضل السكن في الكمبنسكي
مشكور اخوي ماقصرت

اهلين ب روح الفجر ، بالنسبة لاختيارك فندق كمبنسكي فهو اختيار موفق جدا جدا جدا ونا ما اسكن غير فيه لعدة اسباب منها قربه من موول الامارات(وذا كفايه) ومنطقة جميرا ودبي مارينا وهو فندق عائلي وخدماته ممتازه جدا ،اما بالنسبه للغرف عندهم فئتين Delux (سعرها بيكون حوالي 1250 درهم،بحد اقى شخصين بالغين وطفل) و Grand Delux (سعرها 1650 درهم - حد اقصى ثلاثة بالغين وطفل) وهي اكبر من ال Delux وفيها صالة منفصلة عن غرفة النوم وجود فيها sofa bed ، اما الاجنحة فاسعارها مرتفعة يعني جناح غرفتين نوم بيكلف حوالي 9000 درهم وعندهم Execitive Suite وهو ما يفرق اي شي ابدا عن ال Grand Delux Room فقط انه موجود بالطابق التنفيذي وطبعا سعره اعلى (يعني ماله داعي)، انا انصحك تاخذي غرفة ديلوكس و غرفة قراند ديلوكس بس انصحك بالحجز المبكر ترى الفندق عليه ضغط شديد ، واي استفسارات حاضرين وهذا رابط الفندق :
http://www.kempinski-dubai.com/ar/rooms/index.htm?id=1987

مشكور اخوي ماقصرت
ياجعل ايامك سعاده

اليوم اتصلت فيهم عشان الحجز
المشكله مارضو يعطوني جراند ديلوكس مع ديلوكس
لازم تكون نفس الفئه
وش الحل؟؟