- وبعدها التوجه لمدينة بازل السويسريه
- استفساري
السلام عليكم ورحمة الله وبركاته
يسعدلي اوقاتكم بكل خير
ما اطول عليكم
ابي مساعدة الخبراء في توجيهي في مخطط سفرتي القادمه الأوروبيه
المانيا-سويسرا-النمسا-المانيا
طبعا استفساري هنا فيما يتعلق بالقسم الالماني
السفره راح تكون في شهر ثمانيه ميلادي القادم،يعني تو الناس،
هذي الرحله رحلة استجمام وتمشيه والوقت عندي من سعه
المسافرون : انا والمدام فقط
لمدة عشرين يوم
هدفنا الرئيسي من الرحله زلامسي
بس قلنا لازم نتمشى بالسياره وننبسط قبل لا نَّوخ ذلولنا (أي نطفي السياره ونريحها في زلامسي ونرتاح شوي من عناء السفر)
أبدأها من فرانكفورت واختمها في ميونخ
السفره راح تكون بالسياره
خط سير الرحله
الوصول لفرانكفورت ظهرا يوم الربوع واستئجار سياره والتوجه مباشرة لبادن بادن
الوصول لبادن بادن الساعه الرابعه عصرا
فرانكفورت كمحطة وصول فقط.
البرنامج كالتالي
بادن بادن ليلتين(الربوع والخميس)
الغابه السوداء ليله(الجمعه)
رست ليله ( السبت)
وبعدها التوجه لمدينة بازل السويسريه
استفساري
1) هل من الممكن الاقامه في الغابه السوداء والقيام برحلات الى بادن بادن والعوده ،وكذلك الى رست والعوده؟يعني تكون منطقة الغابات السوداء هي المنطقه المحوريه،الذهاب الصباح والعوده في المساء؟ أم اسكن في كل منطقه، يعني اتمشى فيها وانتقل للمنطقه التاليه وهكذا؟
2)هل المده كافيه؟
3) وش الأماكن الموجوده في بادن بادن والغابه السوداء ورست غير اليورو بارك؟
4) هل تستحق هذي المدن الزياره؟وش ترشحون الأفضل بين هالمدن الثلاث؟
5) أسماء الشقق والفنادق الموجوده في المناطق اعلاه؟
6)اللي قريته عن فرانكفورت مايشجع الواحد يتمشى فيها
7)وش رايكم بالبرنامج بشكل عام؟
8)اذا فيه برنامج ممتاز أفضل من اللي انا حاطه، ياريت تنصحوني؟
أعتذر عن الاطاله
لكنني بحثت في المنتدى ولم أجد الإجابه الشافيه،فاخترت هذا القسم لأجد ضالتي ، حتى احدد وجهاتي واستمتع بها. طبعا ميونخ ماخذه حقه وزود من التقارير والديار اللي حولها
بس الغرب الالماني.
للمعلوميه خط سير رحلتي كالتالي
فراكفورت-بادن بادن-الغابه السوداء-رست-بازل-انترلاكن-انسبيرك-زلامسي-ميونخ.
في انتظار ابداعاتكم التي لا أستغني عنها دائما.
ولكم كل الشكر.
ولكم الشكر