لا يوجد اماكن للصلاة للاسف
و اللغة الانجليزية نادرة في باريس ما عدا الفنادق و بعض الاماكن السياحية
ومدة اسبوع تكفي لزيارة اهم الاماكن السياحية في باريس
و المبلغ اتوقع 10000 ريال تكفي اسبوع للاماكن السياحية و الاكل و المصروف اليومي فقط بدون تسوق ولا سكن ولا تذاكر
رحلة موفقة ان شاء الله

1. بالنسبه للتنقل خلانا نبداها خطوه خطوه ...


2. هذي الاماكن جنب بعض وهي على امتداد شارع الشانز

اخوي اليوم رجعت من باريس وبقولك على اللي اقدر افيدك فيه .. اول شئ ماشفت اماكن للصلاة هناك لكن فيه ساحات تقدر تصلي فيها ولا يهمك احد بس الاهم انك تعرف اتجاه القبله ...

بالنسبه للتنقل خلانا نبداها خطوه خطوه ...

من المطار للفندق 50 يورو تقريبا .... ومن الفندق للمطار 50 يورو .. وما انصحك تروح للمطار بالاندر قراوند لان يمكن معك شنط وفيه تغيير مسارات ..
التنقل داخل باريس خذ لك تذاكر اندر قراوند لمدة اسبوع .. وتبداء التذاكر اللي مدتها اسبوع ابتداء من صباح الاثنين لانك لو قصيتها السبت بتخلص الاحد ولا راح تستفيد منها .. يعني لو تبي تذكره قص حقت السبت لحالها أو السبت والاحد واطلبها داخل باريس ( تذاكر الاندر قراوند مو مكلفه مادري كم لكن احسب حسابك ماتتعدى 100 يورو للاسبوع للشخصين طبعا ) يعني التنقل يطيح بحسابه وعلى فكره التنقل بالاندر قراوند سهل للغايه صح بتضيع اول مره بس سهل وناوي اطرح موضوع شرح سهل بهالخصوص بإذن الله
خلصنا من التنقل .....
نجي لديزني لاند .. اسعار تذاكرها تتغير حسب الموسم يعني امس اخذتها ب 51 يورو وبعد شهر بتكون ب 35 يورو
مادري متى رحلتك عشان نحسب التذاكر .. طبعا هذا السعر للشخص .. بس لاتروح لها بالمطر كرهتها امس بالمطر
الاماكن السياحية تقريبا قريبه من بعض وتقدر تروح لها بيوم أو يومين ...
اللوفر تذكرته ب 9 يورو للشخص
جنبه ساحة الكونكورد تتمشى فيها
وايضا جنبهم الاوبرا مادخلته مادري اذا فيه احد يدخل شئ انا رحت للمنطقه هناك بس

هذي الاماكن جنب بعض وهي على امتداد شارع الشانز

برج ايفل بعيد عنهم شوي بس ... يبيلك تطلع له العصريه وتجلس لين بعد المغرب الجوو حلو هناك اذا مافيه مطر بصراحه مادخلته البرج كان زحمه مره وانا مافيني امسك سرى .. اكتفيت بزيارته من برى بس ولاحقين نطلع برج المملكه ان شاء الله خ عشان المطل
قصر فرساي

اما باريس هي الشانز ههه بنتم طول عمرنا نمشي ورا كلام اجدادنا اللي يوم راحوا وشافوا قهاوي حاطه طاولات ع الشارع ما صدقوا عيونهم وقاموا يمدحون في هالشارع
من وجهة نظري شارع عادي مافيه زود اقسم بالله ان في شوارع في الخليج ارقى وانظف منه وكل هذا في صوب واستعراض الخليجين قصه ثانيه
باختصار ريح راسك ولا تضيع وقتك في الشانز اذا تبي من باب العلم بالشيء سير عليه وانت ماشي لا تضيع وقتك في قهاوي وقعدات فاضيه ترا القهاوي ماليه الديره عندنا
وتقبلوا رأيي الشخصي بصدر رحب

منطقة الادفانس .. منطقة حديثه بمبانيها وفيها مجمع كبير لاتروح له الاحد انتبه بتحصل بس ماك مفتوح والباقين مقفلين لانه اجازتهم .. وهي على امتداد شارع الشانز بس بعيده بالمشي
طب اذا ممكن كم تاخذ مشي بين الشانز ولاديفانس؟؟؟

mo'3amer
لا بس الشانز له طعم بالليل .. بالله خلنا واقعيين تقارن شارع التحليه مثلا بالرياض عندنا بالشانز ايه هين خ
مو مسألة قهاوي مسألة الشارع ونيس بهالعالم الرايحه والجايه لانه بالليل ماعندك شئ غيره ..
سالفة الاستعراض هذا عاد شئ ثاني انا رحلتي كانت الاسبوع اللي راح مالحقت اشوف الاستعراض وهذا احسن لي طبعا :)

nado
والله هذا اذا صار اسمك هنري ولا فييرا بيكون معك لياقه ... اما ندو ماينفع معه مشي ابدن لان ماينفع المشي للخليجيين
حتى الفرنسين ينتقلون بالمترو لأنها ماتاخذ 5 دقايق تقريبا .. بس كم تاخذ مشي مادري والله

نكبة زمانه
صدز

مشي من الشانز للاديفانس مو اقل من 20 دقيقة