بما انها شبابية ما راح تكلف كثير ،،
لمدة 20 يوم 8000 الى 10000 ريال للشخص كافية وتعيش ملك وخاصة انك مو ناوي تشتري وتتسوق ..
وطبعا يعتمد على الفنادق اللي بتسكن فيها ،،

ولد_البحرين .... يا ولد ديرتي العزيزة
شلون قسمتها
ياليت تحدد كل ديرة كم تكلف لأني اشوف إن المبلغ زايد حبتين !
اذا جذي راح اكنسل وحدة من الثنتين .. فوكيت أو شانق ماي ... ههه
وإنت يالحبيب بحريني مثلي ... ومثلك عارف وضعنا المادي يالبحرينيين .

انا خليت لك شي تقديري وانت والصرف عندك تقدر تحدد ..
جوف 500 دينار تكفي لعشرة ايام وتزيد بعد
المناطق ما لها دخل بالاسعار لكن انت اللي تتحكم بالصرف ،،
لو تعطيني ميزانيتك للسكن بالليلة الوحدة جم ؟ بقدر اعطيك تسعير مناسبة
انت ذكرت بوكيت وشانق ماي وهي المنطقتين تروح لهم بالطيران الداخلي يعني تذاكر الطيران الداخلي بتكلف شوي يعني تقريبا من 35 الى 50 دينار للرحلة ذهاب واياب ..
عطني تفاصيل اكثر وبساعدك ... انت قلت السفرة شبابية يعني معاك احد واذا معاك احد بتنخفض الاسعار لانه تقدرون تسكنون بنفس الغرفة وتتقاسمون سعر السكن وبتوفرون وايد .

انا قبل رحت بس بتايا وما رحت لا فوكيت ولا شانق ماي
السنة ابي اغير جو شوي واشوف هالمنطقتين اللي تتكلم عنها الناس
انا سكنت في فندك في سي هوتيل
اعتقد كان في سنة 2009 الليلة 900 بات كان في شهر 6 يعني
وياي شخص واحد وسكنا إثنينا في نفس الغرفة
والسنة وياي بعد شخص واحد ومو مشكلة نسكن اثنينا في نفس الغرفة
شي ثاني إني بغيت منك عزيزي التكلفة من دون التذاكر
مشكور يالغالي

هلا اخوي حسبت لك الليلة للسكن ب 15 دينار = 300 دينار لمدة عشرين يوم طبعا المبلغ زدته احتياط وانت تقدر تسكل بفندق باقل من 15 بالليلة.
وبالنسبة لمصاريف الرحلات والمواصلات والاكل =250 دينار
يعني المجموع 550 دينار لمدة 20 يوم غير شاملة التذاكر الدولية والداخلية.

ياليت الاستاذ الحوسني يشرف موضوعي ويعطينا من خبرته شوي

انا توي جااي من الديره - بالنسبة للاكل اذا بتاكلون في مطاعم وجبات سريعة زي كنتاكي وماك وبرجر
فبالتالي تبي توفروون شئ كثير - اما اذا بتروحون مطاعم عربية ومطعم دبي ومطعم علي بابا والمطعم الهندي والايطالي وزي هالمطااعم تبي تطلعون
من المطعم دافعين حوالي 2500 بات يعني تقريبا حوالي 300 ريال سعودي اما المطاعم السريعة فتكلفكم حوالي 700 بات
اذا كنتم 4 او 3 اشخاص
وبالنسبه لبوكيت التكاسي شوي غاليين يعني عادي يوديك مشواار انت تعتبره قريب يعني حقه 100 بات يقولك عطني 1000
بات تروح تكاسر معه الى 400 بات - والمشكله حتى الدباب غالي
بس بوكيت حتكون كلها رحلات يعني مارح تحتاج التكاسي كثير
وبالنسبه للرحلات البحرية كثيره واسعارها من 1000 بات الى 1800 بات على حسب اليخت او السفينه والسرعة
الطيران زي ماقال ولد البحرين من بانكوك الى فوكيت يقص عليكم تقريبا 400 ريال يعني 40 دينار
وبعدين انتم جالسين 20 يوم - الله يعينكم على الصرف - احنا 3 اشخاص وجلسنا 10 ايام صرفنا فيها
حوالي 16000 ريال فنادق واكل وتكاسي من غير الطيران الدولي
تحياتي

مشكور اخوي ahmad2004
ياليت احد بعد يقدر يفيدنا بالتفصيل