وعليكم السلام ورحمة الله وبركاته :.
أسعد الله اوقاتك بالخير والمسرات أخوي عمر .
بالنسبة للصرفيات ...انا بختصرها لك ..واقول حط 1000 ريال لكل يوم كمعدل ..عشان تكون في ال Safe Side.
شاملة كل شي ..بنزين ومواقف ووجبة عشاء وتمشيات بحد اقصى نشاطين في اليوم ..مع تسوق خفيف جدا زي التذكارات وما شابه ..بعض السناكس ايسكريم شيبس شوكوليت ..الخ.
يعني 10 الاف ريال تكفي باذن الله .
تقسمها 500 يورو + 1000 فرنك ..كاش .. = 6500 ريال.
والباقي في البطاقة الائتمانية.
>>> مجرد اقتراح ...اذا كان عدد ايامك في سويسرا اكثر من فرنسا.
وهي تقريبا كمعدل ..من 200 الى 250 فرنك سويسري .
ومن 150 الى 200 يورو .
باعتبار ان وجبة ماكدونالدز تقريبا 27 فرنك ....15 يورو لشخصين .
وجبة عشاء تقريبا في المطاعم مثل شالميار والخيام من 80 الى 90 فرنك لشخصين .
المطاعم الايطالية تقريبا 50 فرنك لشخصين .
المطاعم التركية وجبة شاورما كباب من 13 الى 15 فرنك ..لشخصين.
الخ .
سعر لتر البنزين على الصيفية الماضية كان 1.8 فرنك للتر الواحد ...والاسعار تطلع وتنزل ماهي ثابتة .
وتقريبا اللتر يمشيك من 7 الى 10 كم للسيارات الصغيرة ..وممكن اقل .
>> حسبة تقريبية .
رسوم المواقف تختلف ..على حسب المكان ..والاغلى طبعا في وسط المدينة .
وبيني وبينك اعتبره شي بسيط مو ذاك الصرفية يعني .
أتمنى أكون افدتك ..ورحلة سعيدة باذن الله .
وبالتوفيق

Medo 77
الله لا يهينك ويجزاك خير
ووفيت وكفيت
دمت بصحه وعافية