السلام عليكم
والله اني شايل هم هالمطبات يمكن محد يعرف معاناتي من المطبات الهوائيه وخصوصا وقت المرور بخليج البنغال
وبالمناسبه انا من فتره رجعت من اسطبنول وحاشت الطياره مطبه هوائيه (نفس مطبه ابو بدر اللى تكلم عنها)
للأمانه انا كرهت السفره من اولها الى اخرها وكانت المطبه احدى الأسباب
عموما لما كنا بالطياره سالت المضيف بعد المطبات قلت له يالأخو المطبه هذي عاديه؟
للأمانه قالي عاديه جدا لكن ملامح وجهه تدل على الرعب!!
خصوصا عقب الصراخ وربط الأحزمه والمضيفين لما تشوفهم كل واحد يقول عمري وبس
ودار النقاش قلت له شلون عادي قالي هذا المكان دائما فيه مطبات تقريبا جنوب اسطنبول
وقالي فيه مكان ثاني قوي بالمطبات على طول انا طمرت وقلت خليج البنغال قال صح
هالمكان يتميز بالمطبات الهوائيه
المهم اللى بوصله ان الطيار عقب المطبات اللى حاشتنا بتركيا والصراخ وهبوط وصعود (لدرجه اني تمنيت ان الطياره تطيح ونخلص من هالرعب)
قال الكابتن عقب (ماهدأ الوضع) ان (كنا نواجه) مطبات هوائيه (متوسطه) وبعد خمس دقايق راح يتعدل الطيران وتكون الرحله هادئه لما ندخل الاجواء السوريه وفعلا دخلنا الاجواء السوريه وصارت الرحله تقريبا هاديه
السؤال وينك ياكابتن ليش ماتبلغنا نستعد للمطبات عشان نكون على بينه
هل المطبات يكتشفها الطيار قبل الوصولوهل معقوله كلامه صحيحه ان المطبه اللى صاحوا منها العالم تعتبر متوسطه!!!
انزين القويه شلون صايره!!