ABU-MANSUR
24-07-2022 - 06:48 am
السلام عليكم
اخطط من الآن لزيارة ايطاليا وبعض الدول المجاورة لها في اجازة انتهاء الدراسة بعد 5 شهور بأذن الله
وانا حريص اني احجز مبكر لكي احصل على عروض اقتصادية للطيران والسكن وغيرها
وانا بحثت عن ارخص عروض الطيران وحصلت تذاكر بالخطوط السعودية ذهاب لميلانو والعودة من روما
بسعر 2400 ريال تقريباً للشخص الواحد ! ما ادري السعر حلو ؟ أو ممكن احصل عرض افل بعد فترة ؟
يعني احجز من الآن أو انتظر ؟ لأني خايف يزود السعر كل مااقترب موسم السياحه
ثانياً بالنسبة لزيارة الدول المجاورة لإيطاليا مثل النمسا ،، سمعت انها تبعد مسافة 90كلم تقريبا على السيارة
وفي طريق سريع لها ،، لكن مااعرف عن طريق اي مدينة من ايطاليا ؟
وهل يمكن اني ادخل النمسا بالسيارة المؤجرة من ايطاليا ؟
وكم اسعار القطارات بين ايطاليا والنمسا تقريبا ؟
وياليت تنصحوني ببرنامج اقتصادي بين ايطاليا والنمسا ،،
علماً اني حاب ازور المناطق الريفييه بحكم اني ناوي استأجر سيارة وآخذ راحتي بالسفر ....
شكراً لكم مقدماً
وانا بحثت عن ارخص عروض الطيران وحصلت تذاكر بالخطوط السعودية ذهاب لميلانو والعودة من روما
بسعر 2400 ريال تقريباً للشخص الواحد ! ما ادري السعر حلو ؟ أو ممكن احصل عرض افل بعد فترة ؟
السعر في هذي الفترة ممتاز ومافيه منافس الإ الخطوط المصرية بالسعر لكن ميزة السعودية دايركت والأسعار بعد فترة مرشحة للإرتفاع ونادر تلاقي عروض على اوربا في فترة الصيف
يعني احجز من الآن أو انتظر ؟ لأني خايف يزود السعر كل مااقترب موسم السياحه
من وجهة نظر شخصية أذا انت مرتاح للخطوط السعودية + انت بإذن الله متأكد من تواريخ سفرك تأكد بس من شروط التذاكر وهل هي مستردة أو قابلة للتغيير ثم توكل على الله واحجز.
ثانياً بالنسبة لزيارة الدول المجاورة لإيطاليا مثل النمسا ،، سمعت انها تبعد مسافة 90كلم تقريبا على السيارة
وفي طريق سريع لها ،، لكن مااعرف عن طريق اي مدينة من ايطاليا ؟
ممكن تطلع من ميلانو وممكن من فينيسا وهي الأقرب
وهل يمكن اني ادخل النمسا بالسيارة المؤجرة من ايطاليا ؟
ممكن وبكل بساطة وممكن تسلم السيارة بالنمسا لو حبيت
وكم اسعار القطارات بين ايطاليا والنمسا تقريبا ؟
ماعندي علم
وياليت تنصحوني ببرنامج اقتصادي بين ايطاليا والنمسا ،،
ممكن تتصفح التقارير بالبوابتين وتختار المناطق اللي تناسبك
علماً اني حاب ازور المناطق الريفييه بحكم اني ناوي استأجر سيارة وآخذ راحتي بالسفر ....
شكراً لكم مقدماً
أتمنى لك التوفيق