ياخي والله الاسعار خياليه والواحد يخجل منها
واعتقد ان الشقق افضل
ان شاء الله الشباب يفيدونك اكثر

شكرا يا أخ ماجد
انتظر الردود......

من كم يوم حجزت غرفه في فندق رمادا حق احد الاصداقاء كان عنده عمل
طلع الحجز 750 ريال
في شقق السراج على طريق سلوى بجانب بوكنان للمفروشات

الحقيقه صعب ان تجد مسكن حاليا وفي اجوا الاسياد على فكره ( بعض الفرق المشاركه في الاسياد سوف تقيم في مملكة البحرين الشقيقه كالقرب دوله لقطر ) لان الفنادق والشقق عندنا لاتغطي العدد الكبير لهذا تشوف الاسعار نار والمكان مايستاهل تدفع مبلغ 1500 ريال

شكرا يالرومانسي و اتمنى ان تكون شقق السراج زينه
حياك الله يا "انا و الوطن" و اذا كان الفرق ما لقت سكن وش اسوي انا

الحقيقه انا مستغرب من عمليه رفع الاسعار في بعض الدول الخليجيه ليش مافي مراقبه عليهم عندكم مثلا الاسعار في دبي الاسبوع الماضي وخصوصا وقت معرض جايتكس الاسعار نار وتضاعفت تقريبا اربع مرات الحين الاسعار في قطر غاليه جدا معقوله 1500 ريال الناس اللي تبي تشوف المباريات وين تسكن خصوصا الحين الفنادق في قطر محدوده والباقي قاعدين يشتغلون فيها باسرع وقت ممكن ياليت وزاره التجارة او السياحه تراقب الاسعار في الفنادق
كلنا نعرف الاسعار في مكه الله يشرفها محدوده وتكون اغلى شي في موسمم الحج ورمضان وهم مستمرين في هذه الاسعار لكن مافي مقارنه مع باقي الدول لان مكه على طول مشغوله مو مثل الدول الخليجيه لها مواسم معينه
الله يعين اهل قطر على الغلاء هاليومين لكن اللي اعرفه ان مطعم شجاع اسعاره ماتتغير ولاديكورة ولااكله
دعايه بلاش للمطعم

شقق الماسة مقابل دوار الكتب
الغرفة ب 700
قسم الشقة أم ثلاث غرف الى غرف مستقله
والغرفة بحمام وانتوا بكرامة ب 700 ريال
ورقم تلفونه ضيعته اللي يبي تلفونهم يقولي وانا راح اجيبه مره ثانيه ان شاء الله
ومستوى الغرف جيد
واسمحولنا عالأقصور

صباح الخير
ماعندهم سالفه الله عليهم من صغيرهم ليه كبيرهم موا حرام نار صارت الدوحه واين الامان زمان
الله يرحمنا برحمته غرفه وحمام صار 4000 ريال الله يعين شباب الدوحه من واين يتزوجون
:112:

قطري
ما ادري وش تقصد رخيصة ولا غاليه ب 700 بس بالنسبه لي غاليه ولا تستاهل غرفه وحدة ب 700 ريال واجد
و ما منك قصور