الصرف يختلف يا غالي للشخصين ميه يورو او اقل علي حسب صرفكم بالاخير
ويسلم عليك اللورد بجنبي

فيصل 2006
عينين ف راس يعني 100 الى 150 بالكثير ياخي في واحد فجعني قال اقل شيء 200 يورو
وش رايك يالغالي

200 يورو ليش يا اخي الناس تفرق فيه ناس تكفيهم 50 يورو وفيه ناس بالالاف علي حسب البعض يخش المطعم ويستحي يسال ولا يقرأ الاسعار
يا رجال رح ويمكن تصرف اقل بعد
ماك وكويك الوجبه ان طارت 10 يورو
قهوه بالشانز مو غاليه بس بالمواسم الجراسين ينزلون لك طلبات ما طلبتها

يعني 100 يورو عشاء ومقاهي طيب دزني لاند كم تكلف للشخص الوحد

ديزني لاند 67 يورو دخول البارك والاستديو من غير تكت نثلا من الشانز روحه وجيه 13 يورو يمكن وكوفي ووجبه هناك قول 30 يورو
ولا بقيه الاماكن ارخص

فيصل يالبى قلبك
اليوم لما صحيت تذكرت اني ما قلت لك الصرفيه للشخصين خ راحت عن بالي يعني ظنتك 100 يورو تكفي شخصين

اخوي بعد اذنك واذن فيصل
حط في بالك انه احيانا راح تاكل وجبة وحده من ساعة الصدر والتمشي وغير الكفيات والايسكريم خصوصا لا صارت المدام معك . وحط ببالك الفطور اللي بالفندق اذا افطرت ودسمت يمكن ماتلتفت للغدا وتخليه عشا مره وحده.
بضرب لك مثال حبيب قلبي يعني انا وزوجتي جات لي ايام ما اكل الا وجبه وحده وتكون من ماك ما تتعدى 22 يورو(اطلع من ماك كني طالع من محل مندي من الشبعه) وب 22 يورو
غير كذا الاشياء السريعه وانت تتمشى تحصل مطعم وتاخذ من عنده فرنش فرايز (يقدرونه الحريم) يعني بتفلها
وتقبل تحياتي

يا رجال قايد ما قصر وقالك
انا امس افطرت في جنيف فطور وتمشينا في انترلاكن وغداء عشاء في شاليمار ومنها رحنا محل كوب حليب وكرواسان واكفاني مصروفنا كلها ما وصل 100 يورو انا وصاحبي
مو اكيد باليوم 3 وجبات وان حصل
مطعم عربي قول 70 يورو وبالليل كويك ولا ماك للاثنين 18 يورو وبالصباح فطور مع الفندق شامل ولا برا
المصاريف لما نقول كثيره بعضهم يخض مطاعم عربيه غداء وعشاء وهي مكلفه

a.n.b
شوف اخوي انا اعلمك بلاسعار توني جاي مالي 4 ايام منها
الصرف نعم بالكثير 50 100 يورور اذا انت مقتصد يعني بدون مشاري والذي منه هدايا يعني او مشاري اسواق
قهوة الفوكت اوان سبريسو نا دايم فيهم اجلس فيهم
ان سبريسو تقريبا ب 30 الى 40 يورو ماتعدت ابد فاتورتي غير المشتريات طبعا
والفوكت
ماتعدى 51 يورو
الدزني لاند 51 يورو للشخص واخذ الخارطة اللي من المترو بتلقا بالبروشر حق الخارطه مجموعه كوبونات صغيره موضحه قيمة الخصومات وتصل نسبتها في بعض الاحيان 20 % خصم ومن ظمنها الديزني لاند
المطاعم جربت الايراني برياني جمبري وماادري ايش بعد وياه نسيت حسابنا ب 66 يورو
مطعم العجمي تقريبا ب 60 يورو
مطعم بيزا بينو 42 يورو يتزا وباستا و2 كولا
مطعم نوره ب 73 يورو
مطاعم كويك وماك وجبتين 24 يورو
هذا واي سؤال ابشر بسعدك