wise guy
19-09-2022 - 08:18 am
بسم الله الرحمن الرحيم
اهلن اهلن يا حلوين
اذا ممكن كم سؤال ..؟
انا ماشي ان شاء الله الى فلوريدا وبالظبط اورلاندو
سؤالي ال1 : انا رايح هاذي الجامعه University of Central Florida وش رايكم فيها
وكيف المعهد الغه الي فيها
سؤالي ال2 : المواصلات كيف طريقتهاا وش افظلها هيناك يعين في قطارات او باصات
وش افظلها
سؤالي ال3 :لو ابغى اطلع الى كالفورنيا او لاس فيجااس هل في قطارات وكم اسعارها
مو قصدي تكون مباشره من اورلاندو يعني من ولايه قريبه من اورلاندو اروحلهاا واطلع بالقطار اذا موجود
سؤالي ال4 : كيف الحياه في اورلاندو فله وناسه يعني وش رايكم فيهاا بالظبط
سؤالي ال5 :ياليت احد منك يفظفلي اورلاندو وش الزين وش الشين ويعطيني كم نصيحه تفيديني من هيناك
وكيف السعار العائلات هيناك وش افظلها وش افظل مكان للسكن عند الجامعه ...
وش رايكم في نظام الاستديو وش افظلهاا من ناحيه الاسعار
وفي شغله افكر فيها
يعني لو باخذ استديو بكون لحالي وفطوي واكلي لازم اسويه
ابي طريقتكم ياشباب من ناحيه الاكل وش لون وكيف ...
يعني اكلكم كله مطاعم ..؟؟
الدراسة في امريكا
رسؤالي ال1 : انا رايح هاذي الجامعه University of Central Florida وش رايكم فيها
وكيف المعهد الغه الي فيها
الجامعه كبيره و الحلو ان المعهد فيها علشان تحس انك في جامعه امريكية .. اما لمن يكون المعهد مستقل ما تشوف امريكان ابد .. و الطلاب الي في معهد الجامعه العاده يستفيدون من الاشياء الي تصير في الجامعه مثل النادي الرياضي .. لو في مهرجانات او فريق الجامعه يلعب تقدر تشوفه و تعيش شوي الحياة الجامعيه في امريكا..سؤالي ال2 : المواصلات كيف طريقتهاا وش افظلها هيناك يعين في قطارات او باصات
وش افظلها
مشكلة اورلاندو كانك بالرياض كبيره افقيا .. يعني الداون تاون في جهه و المناطق السياحيه في جهه و الاسواق في جهه حلو لو تستاجر سياره او الفتره وتتعرف على المدينة او تسكن قريب من الجامعه اكيد بيكون في مواصلات مناسبه لك من باص.. لاني ما اذكر ان في اورلاندو قطارت مثل subway ..سؤالي ال3 :لو ابغى اطلع الى كالفورنيا او لاس فيجااس هل في قطارات وكم اسعارها
مو قصدي تكون مباشره من اورلاندو يعني من ولايه قريبه من اورلاندو اروحلهاا واطلع بالقطار اذا موجود
ابعد عن القطارات في امريكا اولا اسعارها مو رخيصه و بنفس الشي مشاوير وتاخذ وقت .. افضل طريقة للسفر الطياره .. بالطياره اصلا الى كاليفورنيا يمكن توصل 5 ساعات او اكثر .. كيف بيكون بالقطار او باص..
الباص حلو لو بتسافر داخل الولايه .. مثلا الى ميامي او تامبا .. مع اني افضل تستاجر سياره لان فلوريدا تحتاج سياره فيها.. زي كاليفورينا ..
سؤالي ال4 : كيف الحياه في اورلاندو فله وناسه يعني وش رايكم فيهاا بالظبط
اي مكان تروح له اول فتره اكيد بتحس انك ضايع فيه .. ولكن بنفس الوقت بتنبسط فيه و لكن مع تكرار الاشياء بتحس بروتين .. ولكن انت في الاخير رايح تدرس و الحلو ان في اجازات واجد تقدر تستفيد منها و تزور مدن ثانية .. زي اورلاندو حلوه و مدينه سياحه ولكن لمن تروح للملاهي الي فيها بتمل من تكرارها .. يعني لو تخلي كل اسبوع ملاهي .. حلو .. اولا غاليه وثانية تكون في تجديد و طبعا يمديك تروح ميامي البحر فيها غير
نصيحتي لك بالسكن انك تسكن مع عائله صدقني اريح لك .. اولا تفتك من عقد طويل للشقه او الستديو .. ثانية شي مؤثثه ما تشيل هم اثاث .. ولو تبي تكمل جامعه ان شاء الله تستقر وتعرف البلد والمدينة زين تقدر تطلع وتسكن لحالك .. و لمن تسكن مع عائله على الاقل بتسولف معهم انجليزي ولكن لو سكنت لحالك اكيد بتمشي مع سعوديين و تصير معهم 24 ساعه ..
وناس تقول ما ابي اتعرف على سعوديين او عرب ولكن صدقني مالنا غنى عن بعض .. لانك بتشوف الصينيين مع بعض و الكوريينمع بعض و انت غصب عنك بتمشي مع السعوديين ولا بتجلس لحالك توسوس وبنفس الوقت لو احتجت شي العرب والخليجيين مع بعض ما يقصرون ..
اتمنى اني رديت على بعض اسالتك .. وان شاء الله تجي و تستفيد من التجربه و تنبسط بعد