أم دندون
20-09-2022 - 03:37 am
السلام عليكم ورحمة الله وبركاته
اخواتي إخواني رواد هذا المنتدى الغالي كل عام وانتم
بخير وصحه وسلامه , عندي مداخله
بسيطه ياليت تقبلوها مني , أنا هالمره انا وعائلتي
قررنا نقضي العيد "بدبي"وطبعا ماكانت هذي زيارتي
الأولى لها ,أنا زرتها اكثر من 6مرات بس آخر مره لي
كانت قبل 3سنوات ,ولما رحت هذا العيد انصدمت!!
دبي تغيرت والله كأني بأوروبا مع أنها مافيها
طبيعه !! بس بلد راقيه جدا فيها {المترو يحسسني
كأني بأوروبا, وفيهاالألعاب المائيه رهيبه مسويين
يوم خاص للحريم رحنا وانبسطنا مره
,والأسواق اللي ماعمري شفت مثلها
والعمران والأبراج اللي تآخذ العقل ,حتى الممشى
عندهم كأني بالشانزليزيه بباريس !! أكيد تحسبوني
أبالغ بس وربي أني ماأبالغ كل يوم اروح له لأني
منبهره فيه والله يشبه شارع باريس مليان قهاوي
ومطاعم ومحلات ماركات عالميه وكل شي
وطبعا اللي شدني وخلاني أكتب لكم هنا
أولا هو : نظافة البلد ! والله
نظيفه جدا جدا جدا ,ولا مره دخلت حمام
الله يعزكم الا وهو نظيف والعاملات فيه باستمرار ينظفون
ولا قد دخلت مصلى وشفت فيه منديل عالارض !
والله حتى محطاتهم اللي بالحدود الاماراتيه
يعني الحمامات اللي بالخلاء بالصحراء نظيفه
وكأني بوسط البلد ماشاءالله تبارك الله وغير كذا
شوارعهم نظيفه حتى الأنفاق عندهم
راسمين جدرانها رسم وغير النظام العجيب
بدبي ولا سياره مسرعه الكاميرات بكل مكان
والشوارع واضحه جدا ماتضيع رغم زحمة الناس
بس مافيه عرقله, زحمه بس ماشيه, طبعا لأن فيه
نظام !! وطبعا السبب الثاني اللي خلاني أكتب هنا
هو : اهلها الطيبين السمحين البشوشين
المحترمين,,, كثير بنات تعرفت عليهم هناك
حبيتهم مره وأصرو إني أجي بيوتهم بس ماحصل
لي حتى لما وصلنا الرياض دقو يتطمنون علي
الله يجزاهم ألف خير ,وشكر خاص لهم وشكر خاص
للي قرو موضوعي وأنصح الجميع أنهم يزورون دبي
لأنها تستحق الزياره وسامحوني مافضيت انزل لكم
صور بس انتظروني قريب ان شاءالله بنزلها لعيونكم
مع تقرير مميز
