السلام عليكم
حياك الله اختي
المشكله حتى الانجليزيه ما تفيد هنا
الاغلب بلغتهم
صعب التفاهم معهم
حتى الانجليزي نادر تحصلين احد يفهمك
احنا الان في سويسرا واغلبنا نتكلم انجليزي
لكن ما فادتنا
اللي ممشي امورنا السائق المرافق
يتفاهم معنا انجليزي ومعه لغات ايطالي والماني
فهو اللي يطلب لنا من المطاعم واللي يشتري تذاكرنا
من جد اللغه عائق هنا
بالتوفيق

مشكوره عزيزتي على ردك بس حبيت اسأل استخدام القطارات سهل أو يبغاله حجز من قبل وشغلانه

هلا أختي
بقولك ان لو انك فلته في الأنجليزي مايفيد
لان لغتهم مو انجليزية يعني بتعتمدون على لغة الإشارة
هم يطقطقون انجليزي يعني مثلنا إذا طقطقنا
وانا احس اللغة مو عائق ابدا
خلاص بإمكان الواحد يدبر نفسه بنفسه وان شاء الله مايصير إلا الخير ..
ولا تنسين قبل سفرتك تقرين عن القطارات والمطارات والحجوازت من المنتدى هنا
عشان يكون عندك خلفية
بالتوفيق ..

هلا أختي
استخيري وتوكلي على الله وان شاءالله تنبسطون بسفركم...
لاتشيلين هم اللغة ...مثل ماقالو الإخوان هما مايتكلمون انجليزي
بس ضروري قبل ماتسافرون مري على تقارير الإخوان واكتبي الأماكن اللي عجبتك وحابة تزورينها بالعربي والإنجليزي وخليها معاكي دايما ...وين ماتريدين تروحين تكون معاكي ...بس تطلعين الورقة وتأشرين على اسم المكان بالانجليزي وبيدلونك عليه حتى لو كانو مايتكلمو انجليزي
أنا أمس راجعة ...زرت باريس وجنيف وانترلاكن ونادرا ماكنت ألقا حد يتكلم انجليزي والحمدلله مشيت أمورنا بهالطريقة...بس صارلي موقف انه انكسرت عدسة الكاميرا مالتي في باريس ورحت محل الأجهزة الكهربائية وكان وقتها صعب أشرحلهم وتميت أحوس أدور أحد يتكلم انجليزي لين ماحصلتلي واحد تفاهمنا ومشيت عنهم...
يعني مثل ماقلتلك الأماكن السياحية مافيها عائق إن شاءالله
بالنسبة لمحطات قطارات سويسرا ... جدا سهله
أما مترو باريس بصراحة في البداية استصعبناه بس مشينا أمرنا مثل ماقلتلك غير إني خذتلي خريطة المترو من الفندق وكانت صغيرة فرجعت خذت وحدة ثانية من المترو أكبر وأوضح أأشر على المكان والناس تساعدني وعلى آخر فترة صرت تمام بروحي أعرف كيف أروح من قراية الخريطة بس أتأكد منهم هناك

انا اتوقع القطار اذا كان يوديك المحطه دايركت يكون سهل
بس اتوقع الصعوبه اذا كان في تبديل

ريمموو
اللغه الأنكليزيه ماشيه وفيه ناس يتكلمون الانكليزيه وخاصه فى سويسرا لكن شوى الجانب الفرنسى فى سويسرا تعال دبر نفسك لغتهم الانكليزيه ضعيفه وأنا لغتى الانكليزيه ممتازه جدا لكن لغتى الفرنسيه لا أعرف الا كم كلمه يعنى من أشوفه ما يعرف أنكليزى أدور ظهرى وباى عموما اللى أهم من اللغه المعرفه
وبرنامج الموضوع والمخطط له ماتنفعك اللغه وأنت لاتعرف أين تذهب

مشكورين على ردودكم والله ريحتوني

بانسبا الي اللغة الانجليزية مو مشكلة كلهم يطقطقون نفس المشكلة بس الجزء الفرنسي اشارات احسن و سويسرا اكثرهم يتكلمون انجليزي و اللغة موو مشكلة باوربا بس تفيد في القطارات يعني لو اطقطقين اشوي يكون افضل حيل طبعا ترى من جنيف لو تروحين الي انسي و شيمونية الفرنسيتان يكوون احسن و ان شاء الله راح اذكرهم باتقرير مالي ( رحلتي الي سويسرا )

هلا اختي حتى الانجليزيه ماتنفع لكن بيمhttps://artravelers.com/p/re/314151شي الحال لاتخافين اما اقتراحي في المدن ان شاالله تستفيدين من هذا الرابط