السلام عليكم
انا ناوية ازور المدن التالية بماليزيا (للعلم الرحلة عائلية أب وأم وطفلين)
يومين سيلانجور - يومين جنتنغ - 4 ايام كوالالمبور - 3 ايام بينانج - يومين ايبوه
سفرتي تو الناس عليها بس اخطط لها بالاول واشوف المناسب وبعدين اقرر موعد السفر واحجز
حاليا ناوين على شهر مارس
استفساراتي كالتالي:
- تعتقدون الجدول بيكون متعب ؟؟ لأن كل يومين بمكان واحنا عندنا اطفال ؟؟
- كيف ارتب المدن يعني ابي مدينة وين واللي بعدها وهكذا
- سمعت ان ايبوه ينراح لها بالقطار وودي اعرف الطريقة كيف وكم المدة؟
- ابي فندق في ايبوه يكون قريب من العالم المفقود قريب كثير ويكون مجرب ونظيف 4 نجوم
هذي استفساراتي حاليا
حياك الله يأم دانه
وفيه ملاحظه بسيطه اللحين انتوا بتروحون سيلانقور واحلي مافيه العاب
الصن واي لاقون المائيه وبتروحون ايبوه عشان العاب العالم المفقود وهي تبع الصن واي لاقون
نفس اللي بسيلانقور اشوف تلغون وحده منهم وانا اشوف ايبوه مافيه مايستحق العنوه
إلا الألعاب المائيه وموجوده بسيلانقور نفسها واكبر منها
والجدول الأفضل حسيب رايي
سيلانقور ليلتين -- لنكاوي ثلاث ليال -- بينانق ثلاث ليال -- كوالالمبور اربع ليال -- اخر ليله بورت ديكسون
او
سيلانقور ليلتين -- لنكاوي ثلاث ليال -- بينانق ثلاث ليال -- ليله جينتنق -- كوالالمبور اربع ليال
وان كنت اشوف جينتنق تروحون لها من الصبح للمساء كفايه
وافضل فندق في ايبوه لو مصرين عليها هو فندق أمبيانا
وعموما الجدول يتغير حسب الرغبه وعلي كلامك قدامكم وقت طويل
شوفي التقارير واختاروا اللي يعجبكم