1. بسم الله الرحمن الرحيم.السلام عليكم ورحمة الله وبركاته جميعا,,,,,


2. نعود لمحور حديثنا...

بسم الله الرحمن الرحيم.السلام عليكم ورحمة الله وبركاته جميعا,,,,,

بصراحه من 3اشهر تقريبا تراودني انزال تقرير للعرب المسافرون عن سفرتي الى نيوزلندا التي امتدت الى 3اشهر والسبب بذلك انني اضعت ميموري كان خاص وصوره خاصه جدا بالعرب المسافرون وبعض الصور القليلة لي ولم يبقى الا ميموري صوره قليلة.
بداية الفكرة بالذهاب الى نيوزلندا كانت من عام 2007 ولكن شاءت الاقدار الى ان اجعلها في عام 2010 ولاسباب خاصة بي منها ماهو للدراسة ومنها بعض المناسبات الخاصة.
في شهر يونيو اي شهر 7 هجري اتخذت قراري الحازم بالذهاب فورا ودون تأخير كانت الفكرة مبدئيا ان اذهب الى امريكا لانني فكرت بالانضمام للبعثة ولكن الوالد الله يحفظة ماخذ تفكير سلبي عن هالدولة وان عندهم غوانتمامو وعندهم احكام مؤبدة ومن هالخرابيط اللي يسمعهونها شيبنا الله يحفظهم عن امريكا.
عندما حان انتهاءي دراستي بالكلية ولم يبقى الا اسبوعين عن التخرج او انهاء الدبلوم بالاصح فاتحني والدي بالصدفة بالمووضوع قلت كأنك تفهمني طال عمرك وكانت الوالدة الله يحفظها جايبتن هاك الدلة اللي تعدل المزاج وراحت يم بناتها بعدين وانا اول ماجبت طاري امريكا ماشفت الا فنجال يمشي 220 يصك بجبهتي الموقرة.
قال تبي بريطانيا تبي استراليا اشر انت امريكا لا.
اي وانا تضيق فيني يابابا العزيز عاد اخوكم يوم قال بابا ولاشوف الا الفنجال رقم 2 بس ولله الحمد اخطأ اصابت الهدف المقصود.
يايبه وش فيها امريكا يقولون الالحاق فيها سهل وتعرفون امهد الموضوع والشايب راكبن راسه الله يصلحه.
قلت اجل بشوف واردلك طال عمرك.
عاد قمت واركب الموتر وادز لصديقي البحر وافكر بامريكا وانها راحت عن البال وابو نورة وقتها يصدح بصوته بأغنية لنا الله.
ايه جات شلون بنساها ماقدر جذبني خضرها كمان جمال الدولة المشهود له من قبل زوارها من قبلي.
قلتت نيوزلندا ماعاد فيها ويكفي لا تاشيرة ولاوجع رأس واهم مابالموضوع كله مكون معلومات كاملة عن الدولة والفضل لله ثم لتقارير الاخوة ممن سبقوني هناك...
احمد.....حساس....المظلوم......اماراتية نت....... ام نواف ونورة....شارع التحلية.....بن محفوظ........محمد بن خالد....عسيري....ابو الطيب...الخيال 1001......سميني بنفسك......اسد2.....ثامر.......مسافر متزن....زينز بن علوش....محمد....h,i,m .....اعترف لك......مغتربة...مهاجر...حسن العمري...مستر كنق...رايح لنيوزلندا...مسافرة ل nz....
لهم مني كل الشكر والتقدير والعرفان فقد استفدت من تقاريرهم الشئ الكثير والكثير....واعتذر لمن سقط اسمه سهوا مقدما....
عطني محور حديثنا الحين منهو انت يوم تقول شكرا وما شكرا......احم احم شطحة بغير محلها..

نعود لمحور حديثنا...

عاد اخوكم صمل وعقد النية وقال نيوزلندا مابها كلام واوكلاند ولا بلاش واكثر شئ ولعني بها تقرير ام نواف ونورة لان اذكر اخر تقرير كنت متاعبة قبل سفري بفترة وجيزة جدا.
كلمت احد المعارف ورشح لي معهد ي اوكلاند وتم مراسلتهم وفورا اتى القبول وطلب ايداع الملبغ المتفق عليه ل 3اشهر مع الهوم ستاي وهو بالضبط 21الف ريال بتقولون المعهد غالي لكن وفيه اقل منه لكن تعرفون الاسعار كل مالها بزود.
من ثاني يوم الصباح وارسل لهم دراهمهم ولايبقى الا اسبوع ونص عن ولاحجزت الطيران وهنا جات الطأمة والشي اللي ماحسبت له حسااب ابدا الحجز ومادراك مالحجز.
يوم بلغوني ان وصلت الدراهم وكل شي وانا احوس مابين الاسواق لان عارف انه شتاء عندهم ولازم ملابس البرد لانه عدوي اللدود بسبب التهابات الحلق واللوزتين.
رحت لاكثر من مكتب طيران تخيلو باقي 8ايام بالضبط عن موعد الرحلة التي اريد و10ايام عن موعد الدراسة لكم تتخيلو كيف انحست والاقي اقل تذكرة ب9900ريال عالكاثي وانا شايل فكرة الذهاب عليها ابدا.
ياهوه منا منا مواقع النت مابوه فايدة. قلت مالها الا صقيقي ماجد راعي سفريات وفلة قلت اكيد بيضبطني واتصل عليه الا والرجال رنة دولية يالله عسى خير وينه ذا قبل امس معي. ويرد ققلت وينك ياصقيقي العزيز قال انا بالصين يومين وجاي وبعدها طالع فرنسا امر يالغالي قلت ياولد تورطت بحجز نيوزلندا ماتعرف لنا احد من هالمكاتب اصحابك قال ازهلها مالك هم.
ويعطيني رقم واحد قال كلمه بس العصر لان الرجال الصباح شغال باحدى الشركات ليس موظف شركة انما لهم مكتب داخل شركة بالهئية المليكة. واتصل عليه العصر الا ويطلع باكستاني محترم.
قلت انا الاسير من طرف ماجد قال حياك عد المكتب كلمني ماجد. واجيه تخيلو الرجال يخيرني تبي اي خطوط؟؟؟؟؟!!!!!!! وانا انواع علامات التعجب احلى يالواثق يابو بكس يارجال ابي تذكرة بسعر طيب وبس اهم شئ الكاثي مابيها طق طق طق طق