هلا وغلا بعنود الرياض
الجو في شهر ابريل ومايو مو بارد بالعكس بيكون حلو جدا جدا جدا فيه ايام بيكون الجو (شيلي) يعني بريد خاصة وقت الغروب والليل لكن بالنهار حلو مره
بالنسبة للمسافة بين برشلونا ونيس تقريبا 1100 كلم والطريق بيكون
نيس- طولون - مرسيليا - نيم - الحدود الاسبانية - برشلونا
شوفي رابط رحلتي في التوقيع لان الوقت كان من 19 ابريل الى 3 مايو نفس توقيت رحلتك وايضا زرت فيها نيس وكان وموناكو وبرشلونا نفس برنامج رحلتك اتمنى تفيدك رحلتي ولو بشي بسيط

أشكرك من كل قلبي .....
سؤال لو تكرمت ... وين أفضل فندق ممكن أنك تسكن فيه سواء بكان أو نيس أو موناكو .... من ناحية الموقع وفخامة الفندق

هلا وغلا
انا بالنسبة لي افضل السكن في نيس الاسباب كثير اولا فيها فنادق فخمة واسعارها معقولة ثانيا مدينة تقدرين تقولين رايقة لاهي كبيرة وازعاج وضوضاء ولاهي قريه صغيرة الكورنيش فيها روعة الجبل روعة البلدة القديمة خرافة الاسواق متوفرة رابعا منطقة وسط بين كان وموناكو وانتيب وجان لو با وقريبة من الالب وايضا من مدينة العطور غراس خامسا فيها رحلات سياحية ليوم واح الى كان او موناكو او تقدرين تسوين رحلتك بنفسك وتستاجرين سيارة او تروحين بالباص وتنزلين في المدينة اللي تبين سابعا مادري عاشرا المطار وسط المدينة تنزلين من الطيارة تطلعين الفندق
بالنسبة للسكن عندك مريديان والشيراتون والريدسون وغيرها كثير وكلها على البحر واي استفسار انا حاضر

الله يعطيك العافيه ،،، ماقصرت