السلام عليكم ورحمة الله وبركاته
حياكم الله في المنتدى الرائع والله يوفقك القائمين عليه من مشرفين واعضاء لما فيه
من فائده لنا جميعا والله لايحرمنا الاجر وياكم يارب ..
موضوع حبيت اني اركز عليه واذكر فيه اخواني .. موضوع الاكل والشرب في الدول
الغربيه .. موضوع مهم وانا ان شاء الله متئكد ان الجميع حاط في باله الموضوع
هذا وحريص عليه بس من باب التذكير ...
قصة صارتلي وحبيت انقلها لكم .. كان يوم اجازه عندي المهم
من باب تغير الاكل كان مذكور لي مطعم انه ممتاز اكله ونظيف وفيه حلال
جهزت نفسي وطلعت وصلة المطعم خشيت ولا قائمه الاكل قدامي
المهم جالس اطالع في اسامي الوجبات وادور الوجبه الي كنت جاي عشانها
المهم ولا اذني تنغزني ولا بواحد لغة انجليزيه بس رياضيه = يعني بلهجة الرياض
يطلب طلب والي ياخذ الطلب جالس يسجل طلبه رد عليه وقاله الوجبه هاذي
فيها قطع ( بورك ) رد عليه قال i"d like المهم التفت عليه ولا وجهه
وجه المسلم ووجهي عربي قربت منه وتجرئت ولا انا ماني كذا ابد قلت معليش كنسل
طلبك ابي اسئلك عن حاجه سئلته ...
انت سعودي المهم سلمت عليه خشيت في الموضوع
وقلت وجبتك حلوه اطلب مثلها قال انا ااطلبها كل يوم وما ادري يمكن ماتعجبك او العكس
سئلته انا قلت كيف ( البورك يضبطونه ) قالي يارجال ماتدري هو ذبح اسلامي
ولا حرام طارت عيوني انا وتعجبت يقولي حرام الذبح واللحم هو كله حرام
حسيت انه جايب العيد ولا يدري قلتله عزيزي انت تدري وشو ( لحم بورك ) قال
lamb يعني لحم خروف المهم قلت لا ياعزيزي هذا لحم ( خنزير ) الله يكرمكم
قال لا مو معقول ( الخنزير ) الله يكرمكم اسمه ( ham) = هام المهم طلع
في النهايه مايدري ومن يوم جاء وهو ياكل اكل حرام في حرام
قلتله انت علي نيتك ان شاء الله بس ترى الوضع كذا وكذا فهمته وشرحتله
احس الولد جاه احباط نفسي وطلع في العائله بعد ياكل ( بورك) ولا يدري
فلازم ياشباب نحرص علي اكلنا وشربنا ويصير عندنا وعي ...
وفيه مطاعم حلال ان شاء الله وفيه اكل طيب وحلال ....