1. انا تميت فتره استخدم العدسة المرفة مع الكامير 18-55

السلام عليكم اخوي الواثق ...
بالنسبة للكاميرات الاحترافية فيه وايد منها و ماركات مختلفة بس انا بتكلم عن الانواع اللي استخدمتها و جربتها ..
كانت بدايتي مع الكميرات الاحترافية مع النيكون
Nikon 40D
Nikon 50D
كاميرات شبه احترافية
.. الصراحة ماركة رائعة و الكثير من المحترفين يفضلونها
بالنسبة لي ما ارتحت معاها ..ما اعرف ليش يمكن كان السبب بالنسبه لي نفسي .. لاني من بدأت اتخذ التصوير هواية كنت استخدم ماركة كانون ..
بعد سنتين من استخدام النيكون اخذت الكانون Canon 450D
وايد ارتحت معاها .. و تركب عليها كل عدسات الكانون ,,و ما افكر اني اغيرها للمدى البعيد
حالياً نزلت النسخة المطورة منها .. Canon 500D
عالية المواصفات و فيه ميزة تصوير الفيديو ..انصحك فيها ..و تركب عليها جميع عدسات الكانون
بالنسبة للعدسة ...
مثل ما ذكرت سابقاً .. جميع عدسات كانون تركب عليها و مايقابلها من عداسات السيجما و التامرون
(ملاحظة: السيجما و تامرون و توكينا هي شركات تنتج عدسات للماركات المختلفه مثل الكانون و النيكون بارخص ثمن و لكن مب بنفس جودة العدسات الاصلية و لكنها اقتصادية لغلاء اسعار العدسات الاصلية )
عادة العدسات اتكون اغلا ثمناً من الكاميرا نفسها ... و لازم تختارها حسب احتياجك لها ..

انا تميت فتره استخدم العدسة المرفة مع الكامير 18-55

و بعد دراسة اخذت عدسة 24-105 ة هذه العدسة مثل مايقولون بتاع كولوو يعني كل شي ممكن اتصورة فيها تكفيك عن العدسات لفترة ..بعدها و حسب احتياجي بدا اخذ عدسات ثانية مثل الزوم و الماكرو و الوايد انجل..
باختصار العدسات حسب احتياجك لها يعني شو اتحب اتصور ماكرو اللي اتصور الاشياء القريبة بدقة و تفاصيل .. الزووم لتقريب المناظر البعيدة ..البورترية ... فيه عدسات لها اكثر من استخدام .. انت قول شو احتياجك و احنا بنقترح العدسات المناسبة ..
بالنسبة لسؤالك ان التصوير صعب ... فالاجابة لا مافيه اسهل منه بس اتشوفه صعب لان ماعندك فكرة او ماتعلمته بس جرب تعلم من مواقع التعليم او الكتب او انك تنتسب لجمعية التصوير الضوئي في بلادك او اتخالط هواى التصوير...نصيحة عشان تتعلم التصوير صح لازم يكون الاساس صح ف عليك باساسيات التصوير و عادة ما يكون جزء منه نظري و بعدين ادخل في الجزء العملي و هو التعلم على الكاميرا وخصائصها و بعدها تنتقل للأستوديو و من ثم مواقع للتصوير ..
اذا احتجت كتب قول لي ارشح لك احس الكتب في تعليم التصوير ..
مواقع تعليم التصوير من المنتديات الخاصة بالتصوير ..
قطر فوتو
http://www.qatar-photo.com
اصدقاء الضوء
http://www.friendsoflight.com/
مجلة التصوير الضوئي:
http://www.foto-master.com/
مواقع اجنبية
http://www.cambridgeincolour.com/tutorials.htm
Thats it

يعطيك الف عافيه
على المعلومات الوافيه
بصراحه ماقصرت وفيت وكفيت اخوي
وعطيتني دفعه لتعلم اصول التصوير
وياليت اخوي تذكر لي بعض الكتب للاستفاده منها
ولك شكري وتقديري

هلا اخوي ..
فيه كتاب اسمه " اسرار التصوير الرقمي " للمصور الشهير
"سكوت كيلبي "
هذا الكتاب له جزئين 1 و2
وايد مفيد ويغنيك عن اي كتب ثانيه ...
بتحصلهم في مكتبة جرير ..

~AngeL~
حبيت اصحح
Nikon D40
Nikon D50

شاكر لك اختي
باذن الله نشتري الكتاب
والكاميرا canon500D

ماشاءالله عليك يا انجل كفيت ووفيت