أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
الى الاخ الغالي
SEMSEM_G
الف الف شكر وأسف على التاخير بصراحة كنت مخطط في رحلتي
اسافر طيران من بيينانغ الى كوالالمبور وتنتظرني
سيارة في المطار تاخذني الى كامرون
ولكن بعد مشاركتك سالقي الرحلة الجوية وأخذها بسيارة من بينانغ الى كامرون ثم الى كوالا
فالف شكر لك يالغالي
بسم الله الرحمن الرحيم ام اول شيء اسمحلي اخوي ابو جواد بجاوب على شغله لكنك ما سئلت عنها لكن من جد بخاطري وما ودي انك تروح وتنصدم وهذا من وجهه نظري اول شيء بالنسبه للكاميرون هاي لاند انا رحت لها بالسياره عن طريق كوالالمبور والله لا يعيدها من جد ترى الخط يعور الراس ولفات وطلعات ونزلات كانك بقطار مووت ومن جد وصلنا دايخين ومافينا حيل نسوي شيء عاد الله اكبر يوم وصلنا وش شفنا مافي الا شارع فيه كم محل صغير ومزارع الفراوله وهذا الي هون على لاني اموت بالفراوله ومزارع الشاي ورحنا لمصنع الشاي وبالنسبه لي هذي الروحه من اكبر غلطاتي في ماليزيا لاني تحسفت عليها من قلب لكن الي هون على ان اسمي شفتها علشان ما اقول ليتني رحت لها و بالنسبه للسفر عن طريق البحر ناس يشوفونه متعه وناس يشوفونه عذاب وانا من الصنف الثاني لاني رحت مرة من بينانق للنكاوي بالفرري من جد تعبنا رجنا البحر رج مو صاحي طبعا انا حطيت راسي وحاولت انام لاني نفسيتي اندمرت هذاك اليوم و المرة الثانيه من لنكاوي لجزيره ناسي اسمها المهم كانت رحله للغوص بالروحه مشت اوكي لكن بالرجعه الوضع كان مرة سيء لدرجه ان الي يشتغلون بالقارب قاموا يوزعون اكياس للركاب يعني حاسين بالوضع لا وهذا ومخلينا بالدرجه الاولى على قولتهم مع اني ما اشوف فرق كبير بين الاولى و غيرها طبعا مو بس احنا كل الي بالقارب دايخين وهذا الي هون علي شوي و اسف للمرة الثانيه لو جاوبت على شيء ما سئلت عنه اصلا لكن هذا شيء مريت فيه وما ودي احد يمر فيه مثلي اخوك KSA
بسم الله الرحمن الرحيم
أخوي Ksa مشكور على النصيحةوأهتمامك
وكل اللي قلته سويت حسابي عليه وباقي المشكلة
وهي كامرون صراحة أخوي
وزارة الداخلية راءت في منتدانا الكريم ....صورة....وأمرت وزارة الخارجية بالذهاب اليها
ووزارة الخارجية حذرت وشرحت الوضع كما قلتم بالضبط ولكن الاصرار قائم........
وأشكر لك أهتمامك مرة أخرى ولاداعي للأسف فمشاركتك أسعدتني جداً
تحياتي
ابو جواد .. اذا تبي توفير في الرحلة .. استخدم باص لكاميرون لأنه اوفر من السيارة بكثير ..
وترى الطريق خيالي آية من آيات الله ..
وبالتوفيق لك ولوزارة الداخلية والخارجية
بسم الله الرحمن الرحيم
ك اخوي ابو جواد
انا اول شيء ما فهمت وقلت اوف وش السالفه الكلام كبير فيه وزارات ومدري وشو تحسفت على المشاركه
بعدها اشوه ركزت وفهمت الوضع
وتسلم اخوي على ردك الجميل
وانا قلت لك ترى الروحه تسوي بس عن الخاطر علشان ما تقول ليتني شايفها ويمكن لان حظي حلو بزود اني لما رحت كان الجو حار مع ان الشباب يقولون جوها مرة روعه وبراد
و ان كان عن الطبيعه ماليزيا كلها طبيعه
و اتمنى لك رحله موفقه اخوي ابو جواد
ولك تحياتي
ksa
بينها وبين كوالالمبور 3.5 ونصف بالسياره والمسافة 280كم.
وبينها وبين بينانق 4ساعات والمسافة 300كم.