الحلحيل
01-02-2022 - 10:04 pm
السلام عليكم أخواني الأعزاء,,,
سبحان الله أنوي أروح لندن بداية فبراير ان شاءالله وهذه هي المره ( 17 ) خلال 5 سنوات فقط
وفي كل مره لا بد من اللجوء الى هذا المنتدى بشكل عام وأخونا العود ( القطري ) بشكل خاص
أخوي القطري جزاك الله خير ولك جزيل الشكر من جميع أعضاء المنتدى بالنيابه
أما ألحين وبعد كل هذه المقدمه وما ترد على سؤالي ترى مشكله وتحمل ما يجيك
أخوي القطري أريد الذهاب من لندن الى مدينة هال :_
1- من أي محطه من لندن الذهاب ؟
2- كم المده من لندن الى هال ؟
3- هل مدينة هال جيده من حيث السياخه ( انا عندي شغل لمدة يومين فقط ) ولكن أحب أسأل عن المدينه
وسياحتها هل جيده أم ممله
ومشكور مقدماً ,,,,,,,
هلا وغلا الغالي
وانت تامر طال عمرك
بس لاتذكر كم مره سافرت عشان مايعطونك بوحده ومن عقبها ماتتعدى الفريق :8888:
نرجع للموضوع
1- من أي محطه من لندن الذهاب ؟
في لندن تطلع من محطة London Kings Cross ومدة الرحله ساعتين ونص وكل نص ساعه يطلع قطار ولكن حاول تاخذ القطارات الدايركت افضل لك ..وتقريباً كل 3 ساعات يطلع قطار دايركت ..
2- كم المده من لندن الى هال ؟
ساعتين ونص
3- هل مدينة هال جيده من حيث السياخه ( انا عندي شغل لمدة يومين فقط ) ولكن أحب أسأل عن المدينه
اغلب المدن البريطانيه فيها سياحه واكثرها عباره عن قلاع قديمه وكنايس قديمه ..فيها مجمع تجاري في نص المدينه ..حدايقها حلوه ومبانيها حلوه ..ان شاءالله ماراح اتمل منها
واي خدمه احنا تحت امرك الغالي
فضلاً لا أمراً ..اتمنى من الأعضاء مايكتبون اسمي في العنوان لان هذا ايسبب لي احراج
ودمتم لنا