هلا بولد الشيوخ
اول شي الله يحييك بين اخوانك في كرايس شيرش
ثانيا حقيقه ما انصحك بالمعهد لاني درست فيه 6 شهور والله لا يسامح المصري الي ب lsi فرع مدينه جده
ضحك علي انا وولد عمي ونصب علينا مبلغ جامد وبعد ما جيت هنا حسيت بفرق الاسعار
ثالثا لو تجي هنا وبعدين تدفع عن طريق اي وكيل يكون افضل لك وترى في معاهد كثير افضل من lsi
وانا في الخدمه اذا تحب واذا تبغى تسكن مع عايله كويسه انا تحت امرك وفي اي وقت
المدينه بصفه عامه جيده بس تحتاج قبول من جامعه اذا بتقدم وكمان تحتاج فيزا بس الفيزا مو ضروري الان لانك تقدر تدخل نيوزلندا بدون فيزا وبيختمون على جوازك وانت داخل حق 3 شهور بعدها تقدر تضبط حالك واذا احتجت مساعده ان شاء الله مو مقصرين معاك
دودي

doodiecanada
شكرا اخوي دودي بنسبه لسعر انا لقيته برخيص فل تايم مع السكن 600 دولار في الاسبوع
بس مستوى المعهد كويس ولا
ثاني شي انا اذا جيت ناوي اجيب قبول من جامعه وفيزا بعد علشان اقدم على بعثه من الملحقية من استراليا ابي الطريقة والمين يقدر يساعدي ولو كان عندك مكتب او انت وسيط في هذي الشغله ارجوا منك انك تساعدني
وكيف اقدر اتصل فيك

طيب انا لو اقدر اجبلك قبول كيف اقدر اتواصل معك ؟؟
الفيزا تتطلب وجودك هنا او انك تقدم عليها من السعوديه ...
بس اذا تحتاج قبول يلزمك صوره من الجواز واخر شهاده لك مترجمه بالانجليزي ..
وصلى الله وبارك ..

على فكره ترى 600 دولار غالي جدا وفي معاهد افضل وعدد السعوديين فيها قليل ومستواها الدراسي والمدرسين افضل بمراحل وما وصلت للسعر هذا ..
عموما اذا انت تشوف السعر كويس الله يوفقك واذا تقدر تخليها شهر احسن واذا وصلت هنا تقدر تجدد ..
هذي الطريقه ممكن تكون انسب لك وان شاء الله تتسهل ..

doodiecanada
شكرا اخوي دودي على تواصلك معى
بنسبة للمعهد انا احب اريح راسي من هذي السوالف وخلص امورى كامله بسرعه والفتره قصيره شهرين
مو مستاهله اتفلسف فيها
انا مشكلتي الحين هي
اني اجيب قبول جامعي وانا هناك وفيزا علشان اقدم للمحلحقيه في استراليا للبعثه بكالوريس
القبول الجامعي جهزت الشهادة وترجمها مع السيرة والسلوك وقريت اني اقدر اطلع فيزا من المطار
اول ما اوصل هذا صحيح لان لو كان صحيح راح افتك من الفيزا يبقى القبول الجامعي
واتمنى لو تشوف لنا حل مع التواصل معاك لاحظت هذي المشكله في كذا موضوع
تحياتي

اعمل الي تشوف انه من مصلحتك وهذا من ابسط حقوقك يا عزيزي ...
بالنسبه للفيزا فاتوقع انه هناك في اشكاليه في فهم الموضوع من جهتك ..
الفيزا يا سيدي الي تاخذها من المطار عباره عن ختم عادي زي الختم الي بتطلع فيه من السعوديه لكن الفرق ان الختم هذا يسمحلك بالجلوس لفتره معينه وبالعاده ما يعطونك اكثر من 3 شهور ..
اذا اردت الحصول على فيزا تساعدك في الحصول على قبول من الملحقيه فيجب عليك الجلوس لمده لا تقل عن 4 شهور بحيث اذا انتهت الفتره المحدده في الختم يجب عليك تنفيذ ما هو اتي ..
التجديد مع احد المعاهد لفتره لا تقل عن 4 اسابيع ..
كشف حساب بنكي يحوي الف دولار عن كل شهر بعد انتهاء فتره 3 شهور الاولى يعني مثلا لو حبيت تجلس شهرين بعد ما ينتهي الختم لازم تجدد مع المعهد شهرين و كشف حساب ب 2000 دولار ..
قيمه استخراج الفيزا 200 دولار والباقي اشياء بسيطه زي صور وتعبئة الابلكيشن وما يتبع ..
ان شاء الله اكون افدتك في الموضوع والله يحييك بين اخوانك في نيوزلندا ..
دودي