السلام عليكم و رحمة الله و بركاته ...
صباح / مساء الخير للحلوين
ندخل بالموضوع على طول ...
ناويه ان شاء الله في الصيف نسافر اوروبا ( فرنسا - سويسرا )
و خططت انها تكون :الرياض - باريس - جنيف - انترلاكن - جنيف - الرياض
المده / 14 يوم
5 باريس
5 جنيف
4 انترلاكن
طبعا يمكن تشوفون انه بدري اجهز للسفر من الحين ..
لكن عشان الي صار لي الصيف الي راح
قررت استعد للسفر و خصوصا اوروبا قبلها بوقت كافي
المهم نجي لسؤالي
لي يومين اقرأ عن المترو لكن عجزت استوعبه ابد
حتى بالنسبه للقطارات و حجزها و محطاتها صراحه عقدني مره ...
عشان كذا و لان لغتنا تمشي الحال
فكرت اننا نستأجر سياره نستلمها من مطار باريس
و نسلمها في مطار جنيف الجزء الفرنسي ( عشان تجنب الضريبه )
- وش رأيكم بستأجر سياره في اوروبا و خصوصا ان اغلب الوقت راح نكون
في باريس و جنيف ..؟؟
- عيوب التنقل بالسياره في اوروبا ..؟؟
- طبعاً اذا قررنا نستأجر سياره راح يختلف اختيارنا للفنادق
لاننا بنصير نبحث عن فنادق بعيده شوي و الي بتكون بنفس
سعر الفنادق اللي قريبه من المركز و لكن افخم و اهدأ ...
- عددنا 2 نفر جوز و جوزته :21:
- راح نأخذ معنا جهاز قارمن من هنا
- ميزة السياره انه ممكن تروح للأماكن القريبه و ترجع بنفس اليوم
مثل انسي و لوزان - مدري اذا فيه اماكن ثانيه ؟؟
- اكثر شي مخوفني هو المواقف خصوصاً في باريس ( برج ايفل - الوفر - قصر فرساي )
بانتظار اقتراحاتكم و آرائكم ...
ما هقيتها منكم و الله