والله ياخوي انا ودي اسوق في اوروبا لاكن متخوف جدا
وكل زياراتي الى اوروبا استخدم القطارات ولا في اريح منها وحتى المدن الكبيره استخدم الاندرقراوند لا ادور مواقف
ولا ادفع مواقف
واستغرب من الي يقول في سواقه السياره راح اتحصل مناظر احلى من القطار !!!
انا لين الحين ماني فاهم النقطه هذي !!
ليش القطار ماراح يمر على مناطق اروع من السياره !!؟؟
بالعكس القطار يمر على مناطق السيارات ماتوصل لها
وعمري ماراح اسوق سياره في اوروبا ولا عمري جربتها اصلا
انا اوافق الرأي انه في انظمه اضافيه لديهم مو موجوده عندنا بالخليج

السياره تضيع الوقت عليك وتشيل همها

مشكلة السواقه في أوروبا عموما شئ واحد المواقف في المدن الكبيره

اخوي اسمح لي اكيد ما سووا لك حركات وصارخوا عليك الا انك مخطيء و انك تسوق بالسعودية 20 سنه ما يعني انك نظامي بالعكس يمكن العشرين سنه خلتك تتبرمج على قيادة مخالفة للانظمه والمشكله عندنا ناس بالسعودية يسوي مخالفة خطيره او تهور واذا كلمته او اشرت له عصب وقام يسب ويمكن يحدك يبي يضارب هذا اكبر دليل على انه شايف انه يسوق صح مع انه ارتكب تهور يمكن يسبب حادث شنيع طبعا انا ما اقصدك اخوي ولكن حبيت اعطي مثال والقايده بالسعودية مثال سيء للقيادة المتهوره والمحطمة لكل قوانين القيادة بالعالم فلا اشارات واضحه وتفصيليه ولا احترام لحقوق المشاة ولا لوحات ارشادية تغطي جميع الاماكن ولا خطوط مسارات على ارضية الشارع تبين الاتجاهات وان وجدت فنادرا ما يعترف بها احد
القيادة باوروبا افضل من القيادة بالسعودية خصوصا للشخص النظامي اللي يحب النظام ولاهوب مطفوق ويركز 100% على اللوحات وعلى خطوط المسارات الارضية والاشارات وكل شيء عندهم واضح اما بلوحه او بخطوط على الارض حتى الاشارات تكون بعدد المسارات وتوضح لك اي مسار بالشارع يجب ان تقف فيه الذهاب لليمين او الاستمرار او الذهاب يسار فقط عليك بالرفق والتركيز واعطاء النظام حقه فرضا لو انك كنت ترغب ان تستمر بالاتجاه الى الامام ولكنك بالخطاء سلكت مسار علية اشارة او خط يوجهك يسارا بخلاف رغبتك يجب عليك ان تتقيد باشارة الشارع وتخالف رغبتك واكثر شيء يخليك تخطي وتترتكب المخالفات هو جهاز الملاحة لان الواحد متنح فيه وماهو مركز على اللوحات والخطوط والاشارات خصوصا داخل المدن واتذكر وبالنسبه لسويسرا اصعب مدينه للقيادة هو وسط زيورخ انواع اللخبطه تحياتي

اصعب مدينه للقيادة هو وسط زيورخ انواع اللخبطه تحياتي
هذا هو الخلاف الي نقوله اخي الكريم

اللي يقول القياده في سويسرا وجنيف بالذات صعبه , يحتاج يجرب يسوق وسط ميلانو
عندها سيقول الله يحلل جنيف واهلها
النظام واحد في العالم واذا كان الشخص نظامي وهاديء لن يجد صعوبه ابدا بالقياده في اي مكان باوروبابالنسبه للاخ الذي يقارن بين القطار والسياره , لايمكن الحكم بينهما واصدار قرار افضليه الا بعد تجربة الوسيلتين , عندها سيكون الحكم عادل
القطارات نعم مريحه ولكنها تنقلك من نقطه محدده لاخرة محدده ايضا ولاتستطيع الدخول في شوارع القرى وازقتها , كما ان خيارات السكن محدوده لمستخدمي القطارات لانهم مجبرين على السكن جوار المحطات فيحرمون انفسهم من التوغل في الريف للبحث عن سكن مناسب سعرا وموقعا
ناهيك عن مشكلة نقل العفش في كل مره يقرر السائح التنقل بالقطار وبالذات العوائل مع الاطفال
وفي الاخير لكل وجهة نظر مقدره ومحترمه وناتجه عن تجربه

daayem1
قلت اللي في خاطري ..... فعلا يجب التركيز والانتباه جيدا وعدم التركيز الكلي في جهاز الملاحه.

بالنسبه للاخ الذي يقارن بين القطار والسياره , لايمكن الحكم بينهما واصدار قرار افضليه الا بعد تجربة الوسيلتين , عندها سيكون الحكم عادل
وجهه نظري لا اكثر ولا اقل
القطار بالنسبه لي اريح وامتع حتى وانا في القطار اركز على المناظر بتركيز كلي
عكس السياره بحاول وبكل جهدي اركز على الانظمه وبركز على القارمن
تبقى وجهه نظر

المزيد
اتفق معاك 100 % خاصه انه اول رحله رحنا انا و زوجي لاوروبا ماتتصورون قد ايش كان شايل هم السواقه فيها
والان يتمنى السفر لتلك الديار فقط ليستمتع في القياده بها
مع توفيق الرب سبحانه وتعالى ثم النفقيشن ثم الإلتزام و الهدوء سترى ما اتحدث عنه بكل وضوح
ربي يوفقك ويسر امرك