- نرجع لأسطنبول وهنا الطامة الكبرى !
السلام عليكم ..
انا قبل كتبت موضوع عن وقت حجوزات الطيران وبغيت اجيب العيد بالوقت والحمدلله ساعدني الاخ ماجد الفهد مرة شكرا جد
بقولكم حجوزاتنا للعلم احنا عائلة مكونة من 7 اشخاص وبنقعد بتركيا 23 يوم وانا الكبيرة الي تحجز وجايبة العيد
احتاج مساعدتكم الحين اول ما نوصل من مطار اتاتورك راح نجلس في فندق ذا لوكس (السلطان احمد) لمدة خمس ايام بعدين نمشي لطرابزون ليله وحدة ننام وبعدين نصحى ونروح لأوزنجول لمدة 4 ليالي بس حجزت بالفندق 3 ليالي لان فل جدا ف قلنا بندور منا ومنا او نفس الفندق نفسه نحجز ليلة زيادة اذا متوفر
وبنرجع لطرابزون ننام ليله ثم
نرجع لأسطنبول وهنا الطامة الكبرى !
وين احجز وين اروح جد ابوي وده بالجزء الاسيوي وقالو 5 ايام قلت كثيرة عليه خل نخليها 3 ايام (بحكم ان مافيها شيء غير الالعاب و المول وتل العرائس صح ؟)
المهم ياجماعة لما نرجع وين نسكن ؟ مرة بخاطري بمنطقة شيشلي و تقسيم وهل في مناطق تستاهل ؟ ودي نرجع للجزء الاوربي ثم نروح للاسيوي السالفة ومافيها عطوني شقق فندقية او فندق اسعارها متوسطة بالمناطق وانا ادور الفنادق الي جنبها ع الاقل بس فنددق واحد كويس وزين بيني وبينكم انا متخوفة من سالفة السكن في تقسيم مع ان كثير سألتهم قالو لا ابدا عادي لاتخافون بنروح جزيرة الاميرات وكذا بس دلونا رتبونا علموني (لكل شخص احمد ربك انك منت الكبير وشكرا)
وسؤال مرة يعني خاص انا معي 10 الاف ودي اصرفها بس مابيها تنقص كثير يوم حولتها طلعت 5000 ليرة غش اجمع اخر شيء يطلع ذا المبلغ يعور القلب معليش هل احول فلوسي دولار واصرفها ليرة ولا احولها
يورو شورو علي ابي اتسوق صح لوسمحتوو
ومرة شكرا لكل شخص بيرد علي ترا بتساعد وحدة ماتدري وين ربي حاطها وبدعيلكم بس ساعدوني
الخلاصة
1- نبي فندق قريب من كل شيء بالحياة بالجزء الاسيوي بس اذكرو لو واحد
2- فنادق بمناطق اسطنبول شيشلي وتقسيم وعثمان بيه الي تبون بس عطونا وانصحونا بنتنقل ماعندنا مشكلة
الأفضل لك ان تصرفي من ريال إلى دولار في بلدك ثم تشتري ليره تركيه في تركيا هذه افضل طريقه
بحساب بسيط 10000 ريال تقريبا 2666 دولار
متوسط سعر صرف الدولار مقابل الليره اليوم = 2.07 سعر اليوم
نجد ان 10000 ريال تصرف 5520 ليره تركيه